عندي مشلكة في الشمعه الأمامية اليسرى ..

السلام عليكم ورحمه الله وبركاته
يسعدلي مسااءكم جميعاا
وجمعه مبااركة عليكم .. :)

شباب انا مركب زينون في محل معروف في مدينة الرياض وهو متخصص في الزنون
المهم الزنون هذا قعد معي تقريبا سنه وشوي .. ومن تاالي الزنون ودي اغيره وأخذ لون ابيض مع اصفر
مع ان اللي عندي ابيض على ثلجي كذاا ..
اليوم انا رحت لنفس المحل وقلتله ابي اغير النور يكون ابيض على اصفر بس بدون محولات يعني شمعات فقط ..
قالي ورني نورك شغلتله النور وشاف النور الأمامي الأيسر قال عندك مشكلة في الوزنية نورك متلخبط فيه مشكلة
قالي انت قد وطيت مطب قوي او اي شيء قلت اي نعم ..!!
قالي أجل عندك مشكلة في نفس الشمعه من جوه يجي بلاستيكات تمسك الشمعه وحدة منها او ثنتين منها خربانه ..
قال اذا انت بتغير الشمعه منت مستفيد منهاا ابد بتكون الشمعه نازلة ولا استفدت شيء قال في ناس يعرفون هالشغلة ويصلحونها .. أو انك تغير انك تغير الشمعه قلت الشمعه غالية وبتكلف تقريباا حدود 700 ريال ..
قلت في نفسي مالي الا اخواني في المنتدى ..

فاذا أحد يعرف ياشباب عن هالمشكلة او يعرف يصلحها لان والله شاغله باالي ..:(

انتظركم ..

إذا تقصد ان النور نازل مره هذه اوزنها من مكينة الوزن حق النور

إذا مانفع معاك او ان المكينة خربانه غيرها عشان ترفع لك البلاستيك حق الأسطب

لأنه هو مجرد مسمار يطلع على قدام وورى وهو إلي يحرك قطعة البلاستيك

طبيعي لموديلات 03 - 07 كلها كذا وأغلبهم يعانون من المشكلة هذه

وهذا رابط يبين لك طريقة وزن النور وهذه الطريقة فقط لملاك هوندا 03 - 07

http://hondaarabia.com/club/showthread.php?t=5002

الحل طال عمرك إذا النور مره نازل على تحت انك تفك الصدام وتجيب قطعة خشب او حاجة تثبتها تحت الأسطب بحيث انه يكون مرتفع على الأرتفاع المناسب ويبيلها وزن وتثبيت وهذه تصلحها من عند السمكري بحيث انه يفك الصدام والأسطب ..

بالنسبة للزينون لازم يتركب لها محولات ولا انعدمت عليك البطارية لأنه قوي ويسحب كهرب

فيه محل بالغرابي اسمه التمران قبل الإشارة حصله على يدك اليمين هذا يبيع زينون كويس روح المحل وماراح يقصر معاك بس ماعنده تركيب فقط بيع

وإذا على درجة اللون 4300 كالفن هو إلي يجي لونه ثلجي ومائل على الأصفر , شوف هذا الرابط ممكن يفيدك

http://www.hondaarabia.com/club/show...392#post300392

والله يوفقك

حيااك الله أخوي كينج
المشكلة النور الايسر مايرتفع وينزل مع تحكم النور ماادري محيوس مدري وشفيه ( الله يقطع شوارع الرياض ):mad:
فأنا كذاا صعبة اني اغير الاسطب كله ماتسوى علي ..:(
فاذا تخبري سمكري شغله نظيف الله لايهينك تعلمني وينه فيه ..؟؟

لاهنت على مرورك يالغاالي :)

والله ياخوي ملك اسعاره غالية .. :(
ومبالغ فيها ..
لكن النور محيوس ولايرتفع ولا ينزل وانا اتوقع مثل ما قال اخوي كينج فيه مسمار مدري بلاستيكه خربانه ..

ولاهنت يابعدي على مرورك :)

اذا كانك من اهل الرياض
رح الصناعيه القديمه فيها محلات تشليح اذا جاك السالم حق الزجاج رح يمين ابتل بتحصل اشارة ديور بتحصل محل تيوتا على اليمين لف بعده يميين وسيد لين تحصل محل قطع تيوتا ولكزس في تقاطع على اليميين لف وخل المحل على اليسار وسيد يحصل المحلات عللى اليمين واليسار
على فكرة تراها ارخص بواجد من التشلييح حق الحاير,,,,,
انشاء الله اني كنت افدتك:cool:

آممممممممممم

مدام النور لا يرتفع ولا ينزل .. لتوقع مكينه وزن النور خرباانه ( الدينمو )

شييك عليييه وشف ...


تحياتي

بعد ماتشيك على الدينمو حق وزن النور وتغيره راح تضبط معاك

ومثل ماذكرت سابقا ً ان كل إلي نبيه نرفع هذه البلاستيكة حقت الأسطب بدون الدينمو ماراح يطلع معاك إلا بفك الأسطب وترهيم قطعة عشان يثبت , وهذه ماانصح فيها ابد لها اضرار مستقبلا ً ومشاكل توجع الراس

خلني اذكرك بعضها :

1- إذا ثبت النور بقطعة مرهمه بعد فترة راح تنكسر عليك وتضطر انك تفك الأسطب وترهم قطعة ثانيه .

2- ماتقدر توزن النور إلا إذا فكيت الأسطب وترفع القطعة او تنزلها بحيث النور يجي مناسب .

3 - حتى لو طلعت كويسه ماراح تستفيد من وزن النور إلي عندك لأن المكينة راح تكون معطله .

لذلك الحل الأول انك تشوفه هو تغير مكينة الوزن ( الدينمو ) وخذها تشليح بس تكون نظيفة وتشتغل < هذا اهم شيء

إذا ضبطت الامور الحمد لله ماضبطت تروح للحل الثاني

انك تفك الأسطب وهذه تبي تشغلك وتضطر انك تفك الصدام وتفك عدد من المسامير عشان يطلع معاك الأسطب همن توزنه , والله يعينك

الله يعطيكم العافية على مروركم وتوصياتكم
انا انشاء الله بشوف المشكلة بالضبط ..

:)