استفسار بخصوص حادث .....قدر الله وماشاء فعل

بسم الله الرحمن الرحيم

كل عام والجميع بخير .... بعد الزحمه

قدر الله على اخوي حادث ( سارق السياره مني وهو توه يتعلم وصفق بباص واقف )

المهم راح على الصدام وبطانة الرفرف اليمين ومرايه يمين

ودورت بالتشاليح لقيت المرايه بـ 1000 نفس اللون والصدام بـ800 ريال وـكن لون لولوي وانا ذهبي والبطانه تجاري جديد بـ90 ريال


ومريت على الوكاله وانصدمت من الاسعار لقيت المرايه بـ 350 ريال والصدام بـ502 ريال والبطانه بـ400 ريال

فأنا صدمت من اسعار التشليح النصابين

فانا قلت اشتري القطع من الوكاله الا البطانه تجاري


فماهي ارأكم ونصائحكم

تحياتي لكم

الحمد لله على سلامة اخووك

حااول انك تاخذ كل شي اصلي

التجاري يمشي حاله بس انه يفررق عن الاصلي فرق شاسع

ونفسيا ماراح ترتاح بعد فتره كل ماتعرف انك مركب شي تجاري بسيارتك

اقتباس:

---

المشاركة الأصلية كتبت بواسطة foooos

بسم الله الرحمن الرحيم

كل عام والجميع بخير .... بعد الزحمه

قدر الله على اخوي حادث ( سارق السياره مني وهو توه يتعلم وصفق بباص واقف )

المهم راح على الصدام وبطانة الرفرف اليمين ومرايه يمين

ودورت بالتشاليح لقيت المرايه بـ 1000 نفس اللون والصدام بـ800 ريال وـكن لون لولوي وانا ذهبي والبطانه تجاري جديد بـ90 ريال


ومريت على الوكاله وانصدمت من الاسعار لقيت المرايه بـ 350 ريال والصدام بـ502 ريال والبطانه بـ400 ريال

فأنا صدمت من اسعار التشليح النصابين

فانا قلت اشتري القطع من الوكاله الا البطانه تجاري


فماهي ارأكم ونصائحكم

تحياتي لكم

---

الله يعوضك خير حبيب قلبي وان شاء الله اخر المصايب والحمدلله على سلامة اخوك وقبل اتكلم عن الاسعار بتكلم عن اخوك شوي اذا كان توه صغير مرة حاول انك تخليه يسوق وانت معه بس عشان ما يصير يخاف من السواقة خله يتعود شوي شوي لان ولد خالي صار له نفس الشي وماعاد ساق الى يومك تخيل متزوج ومعه عيال وما يسوق بس حبيت اني اقدم نصيحة يالغالي
وبالنسبة للتشليح والله يا اخوك المفروض ماتروح له الى بعد ماتشيك على الاسعار في الوكالة ونصيحتي خذ الصدام اصلي من محلات قطع الغيار تقريبا بحدود 470-480 ريال تقريبا والمراية مالي علم باسعارها لكن البطانة خذها تجاري ولاتنسى تاخذ معها الكلبسات والله يوفقك وييسر امورك :)

وانت بخير

الحمدلله على سلامت اخوك ومايشوف شر

صراحه اسعار التشليح مررره تضحك

شوف فكرتك حلوه لاكن اذا سعر البطانه في الوكاله مافيه فرق كبير عن التجاري خذها لان الاصلي قريت في المنتدى ان تكون فيه لمعه اقوى من التجاري

وانا لفيت ورش كثيره عشان برش الواجهه وبجيب صدام جديد فكل الورش قالولي خذ صدام من الوكاله لان الرش مايزبط 100% على التجاري

نسيت اقولك واقول لكل اصحاب الموديلات 2008 وفوق تحمدون ربكم على اسعار الوكاله
انا الي عندي 2007 تخيل الصدام الامامي تقريبا بـ 1100 وبعد الخصم بـاكثر من 900
والتجاري بـ140 شوف كيف الفرق :mad:

الحمد لله ع سلامة اخووووك واخر المصااايب


مدام اسعار الوكاله ارخص من التشاليح توكل ع الله لان الاصلي من مثل شي مستعمل وخاصه فرق السعر جدا كبير لو التشليح ارخص مو مشكله


والله يعوضك خير ان شاء الله

الحمدلله على السلامة

صح كلامك
اسعار قطع الغيار بالتشليح أغلى من الوكالة

بس ياخوي تاكد من سعر المراية لان قبل فترة سئلت عنها كان سعرها 1300 ريال تقريبا
وبخصوص الصدام مادري كم سعرة بس افضل انك تاخذه من الوكالة
والبطانة خذ التجاري سعرها 70 ريال
على العمووم
الله يعينك

الحمد لله على السلامه

ومايشوف شو اخوك

بنسبه للقطع حاول انك تركب اصلي

والله يعينك :)

طيب شوف التشاليح بكم تعطيك البطانه ..! يمكن تطلع ارخص من الوكاله ويصير اخذتها اصليه بكلبساتها
وعلى فكره .. ترى رايك عين العقل الصدام والمرايه اصلي والبطانه تجاري

البطأإأإنــــه آشترهأإأإ آصلييييييه

لآنــ التجأإأإريــه مع الغسييييييييل تتقطع

وآنـت عآرف مقبلين ع آمطأإر آن شآء الله فأإ عشأإنـ مآ يجي الانوآر شي

الحمد لله على السلام وان شاء الله اخر المصائب :o
بس ليش (والله موب حساده لاكن شئ يقهر)
انا سألت عن المرايه حق اكورد 2005 قلي 700قبل الخصم بعد الخصم :mad:621والله شئ يقهر المفروض كلما نزل موديل جديد ترتفع الاسعار الا عبدالله هاشم ماادري ايش الحكمه يالله ...

الحمد لله ع السلامه اخوي .. واخر الاحزان ان شاء الله .!!

المرايه اللي سالت عنها بالوكاله اتوقع مهب حقت الفل كامل :confused: اتوقع حقت السبيشل والسياحي لان ما فيها على قولتهم الماطور مدري وشسمه اللي يخلي المرايه تنصفط :d

لان معي انا فل كامل وصارلي حادث فيها ورحت اشتري مرايه من الوكاله قالي بـ 1100 :eek: .. بس الحمد لله طحت لي بمحل عنده مرايه مستعمله شريتها بـ 450 والحمد لله تمام التمام تتصفط بدون اي مشاكل :d

والصدام اذا تبي تشتريه من محل قطع الغيار المستعمله .. نفس خويي شاريه بـ 200 وشوي .. بس الافضل تشتريه وكاله لان سعره مهب غالي مره ..

والبطانه حقتي مع الحراره وكذا خربت فشريت جديده بـ 300 وعليها :( ...

نصيحة لالالالالاتاخذ الا اصلي