السلام عليكم ورحمة الله وبركاته
يا إخوان أنا متردد في تغيير لون السيارة من عودي إلى لؤلؤي لسببين الأول أنه يمسك الغبار والثاني إن السيارة مشخمطة مع الابواب أما الصدامات الامامي والخلفي مزخرفة على كيف كيفك من جيراني الغشمشم الله يهديهم ويسامحهم .
والله اني محتاج نصيحتكم أخليها وأتصبر وإلا أغير لون السيارة إلى لون أفضل لأن السيارة توها شبه جديدة ..!! ياليت تفيدوني
هل هناك سلبيات عند تغيير رشة السيارة ؟؟
بانتظار تعليقاتكم وشكرا ..........
وعليكم السلام
ماينفع !
اولا سيارتك جديده ان اشوف مالها داعي بدري
ثانيا بتفقد سعرها عند البيع لانها مرشوشه غير الي بيجيك بيقول اكيد صار لها حادث قوي ورشيتها بالكامل
ثالثا جودة البويه ماهي زي المصنع مع ان في ورش ممتازه لكن ماتوصل بجودة بوية المصنع
وبالنسبه لي لو هي سيارتي مستحيل اغير لونها كامل
لمع السياره مبدئيا وان شاء الله تطلع بنتيجه ممتازه :)
رش الصدمات بس ولمع السيارة وحراااااام تغير لونها
2011 وتغير لونها والله تتكلم جد ولابس تنكت :d
اذا تتكلم جد لاتغير لونها لأنة لاسمح الله بعتها بيطيح سعرها
وثاني شي اللؤلؤي متعب وصعب مطابقة لونة في حالة انك صار عندك خدش بالصدامات
ورابع شي احلى لون العودي وبرايي انة ماتبين فيه الخدوش وحتى الغبار بعكس الاسود والكحلي
عليك بالتشميع كل فترة
محافظة على الصبغ
تقعد ثلاث ايام واكثر بدون غسيل
تعطي نظرة وسعرة رخيصص
اقتباس:
عليك بالتشميع كل فترة
محافظة على الصبغ
تقعد ثلاث ايام واكثر بدون غسيل
تعطي نظرة وسعرة رخيصص
غلطاان والله اللي قالك تحافظ على البوية
الا العكس تماااااااااماً تضر البودي وتخليه اشهب مع الوقت تروح اللمعه وعن تجربة
والله واناخوك الحل واحد وهو انا وياك نتبادل سيارات انا ودي باللون العودي ..وش رايك :p
حرام عليك الي معهم 2010 تمنو ان العودي نازل من زمان ولان تبي تغير اللون :confused:
احلى لونين العودي والرصاصي حرام عليك تغيرهم
رش الصدامات وحط طبقة عاااااااازله واسألني
والله مشيت في عج ما تشوف كفك 160 كم
وبفضل الله ثم الطبقه
ماصار شي
رشها بس ياعمي :d
دامك مقتنع بالرش وماتفرق معك مستقبلا وقت البيع :d
وبيني وبينك ترى ماراح ينقص سعرها وقت البيع الا 2000 الى 3000 :d
طزززز فيها اهم شي راحتي :p
وترى في ورشة شغل وكاله ويبطي احد يقول مرشوشه ومدري ايش :d
موفق
بالعكس والله معاك لون مميز جدا جدا جدا من الالوان الفخمة المحببة للاغلبية
اللؤلؤي بوجهة نظري كاان لون مميز بس الان راحت هيبته
:)
حرااام عليك الموتر جديد لاترشه ولاشي:confused:
اذا انت في الرياض فيه محل تلميع في حي القدس اذا تبي الوصف ردلي على الخاص يمدحونه:cool: انت لمع وشف وش يصير يتغير وبيرجع وكاااله :cool:
السلام عليكم ورحمة الله وبركاته
أشكر جميع من شارك بالموضوع سواء مؤيد أو معارض ولهم خالص محبتي وتقديري ..
الموضوع كان مجرد مشورة فقط والحمدلله توصلت لنتيجة ــ باقي شوية وسوسة بسيطة بس ـ:) وإن شاء الله تروح مع الوقت .
بصراحة ما أدري ليش الناس ما تهتم بسياراتها وسيارات الآخرين تلقى الواحد بالروحة والجية يرسم لك رسمات بالصدامات ماتدري هي مقصودة وإلا لا مبالاة وإلا وش ؟؟؟
عموما الواحد يتضايق من سيارته إذا شاف سيارته قيمتها فوق 100 ألف ريال ومع ذلك أنواع الحكات بالسيارة ..!
مالنا إلا التلميع والتطنيش :cool: ولا أحد يدقق مثلي وسو نفسك ما شفت شيء عشان ترتاح !!
كل الشكر والتحايا لأعضاء ورواد محبي هوندا .
الله يعينك اخوي
بس اذا مرره طفشان من اللون
جلدها باللون اللي تبي مثلا ابيض مطفي وبعد فتره اذا طفشت شيلها
صدقني بتطللع وكاله بعد التجليد واللون اللي يعجبك واللون الابيض المطفي بيطلع بططل
وتقبل موروي واتمنى اني افدتك لو شوي :)
^^
+1
او اذا ملزم مرة
بدلها مع ابيض لولي
اقتباس:
المشاركة الأصلية كتبت بواسطة أنيس
من جد اهم شي التطنيش لو تشوف سيارتي فيها رسمة بمسمار على باب السوق :(بس مطنش وعايش ;)
انصح انك ماترشها كامل شوف لك ورشه زينه ورش الصدامين وسوي تلقيط كامل لسياره وبعدين وده محل تلميع وراح ترجع جديده
نعم زي الاخ الي فوق كلامه سليم ميه ميهاقتباس:
المشاركة الأصلية كتبت بواسطة dedme