استفسار عن ورش ومحلات قطع الغيار بالأحساء
السلام عليكم
الحقيقة الصدام الأمامي انعدم بسبب العج والسيارة محتاجة صيانة وتشييك عام من فلاتر وبريكات وغيره ، اضافة إلى ذلك صابني حادث بسيط وانجرح الصدام الخلفي جرح بسيط أثر على الطبقة الخارجية للبويه بس ما خرب بلاستيك الصدام ، فالآن محتاج أرش الواجهة وما أدري إذا يتصلح الصدام الخلفي أو يحتاج رش كامل برضو.
سؤالي هو .. وين أحسن الورش اللي تنصحون فيها لصيانة هوندا في الأحساء ، وأفضل ورش للسمكرو والصبغ؟ وكم تتوقعين يكلف رش الصدامين؟
سؤالي الثاني الهرن (البوري) بعد الغبرة بداها معي بزكام وبعدها ودع بالمره وما عاد ينسمع له صوت ، حست محلات كثيرة لقطع الغيار في أكثر من قرية من قرى الأحساء بالإضافة إلى محلات الشارع الملكي لكن الفاجعه اني ما حصلت الا محلين ثلاثه يبيعون قطع هوندا ولا هم متخصصين حتى ولا عندهم كل شي ، عجزت ألقى البوري عند أي محل من المحلات اللي مريت عليها ، والسؤال هنا وين أفضل محل قطع غيار لهوندا في الأحساء واللي أقدر أحصل فيه كل شي تقريباً؟
شاكر وممنون ..
