السلام عليكم ياشباب سيارتي 2008 في الطريق جاني حجر كسر لي القزازه الاماميه وباقي ما انتشر الكسر كيف اقدر اصلح الكسر وهل هناك طريقة جديده كما نسمع لاصلاح الزجاج المكسور ؟
وكيف اقدر امسح النقط الصغيره من على النور لاني مشيت في منطقة غبارشديد وما كنت حاط فيري وتأثر عندي النور وكذلك بوية الصدام وحتى القزازه الاماميه صار فيها مثل النقط الصغيرة بالاضفه للكسر اللي فيها ... وشكرا جزيلا لكل الاخوان في منتدانا الغالي .....
الحمد لله على السلامه ....... كل مشاكلك سهله ولها حل .....اذا انت من الرياض رح لطبيب الزجاج موجود على خريص قبل اشاره المعارض داخل محطه ... يعالج الكسر ويلمع الانوار ويرجع كل شي زي اول .... او رح للصناعيه القديمه حول السالم للزجاج فيه هناك كم محل لتلميع الانوار واصلاح الكسور ..... بس انا انصحك بطبيب الزجاج على خريص والله شغله تمام :):)
اول شي حدد موقعك علشان نفيدك زين ;)
بالنسبه للزجاج المكسور ..انتشرت قبل فتره محلات طبيب الزجاج أو دكتور الزجاج
يعالجلك الكسر ويخفيه بنسبه تقريبا من 80 - 90 %
اذا كنت بالرياض تلقاهم على طريق المعارض الي بالشفا
أو
بالصناعيه القديمه ..
النور تلميع ويرجع كل شي لطبيعته :cool: ...وترا حقين طبيب الزجاج يلمعون الاسطبات :rolleyes:
والنقط الي على القزازه الاماميه هذي عاديه ولاتدقق واجد ...واذا تبي نصيحتي ظللها زيرو زيرو لحمايتها :cool:
بويه الصدام يا انك تلمعها ويمكن تزين ..ولا رشه جديده :d
اتمنى اني ساعدتك...
انا تحت امرك :)
رح يم دكتور الزجاج
الي على خريص قبل اشارة المعارض
هو يظبطها لك .
carcare
يسويها :cool:
http://www.carcare.com.sa/images/servicesar_23.jpg
بالفعل
هناك اجهزه حديثه تمتص كسور الزجاج وتخفيه بنسبه 90%
تعرض القزاز الأمامي لدي الى احد الكسور المماثله لكسر زجاجك ولكن بفضل الله تعالى ثم بفضل محل حديث لتصليح كسور الزجاج اختفى لدي الكسر وكأن شيئاً لم يحدث :cool: وكل هذا بسعر 60 ريال فقط لاغير
خالص التقدير .
طيب يا غاالين وكم السعر
<<<وغير كذا يا نيتروو <<<ليت تحط وصف المحل
انا صار لي نفس مشكلتك بس المشكله ماسافرت ولا شي
اعتقد ان هذا عيب في 2008 ياليت نتجمع ونشتكي الوكاله حتى يغيرروها لنا
شكرا لجميع الاخوان اللي ردوا على استفساري بخصوص الزجاج المكسور وهذا يدل على طيب الخلق وعدم تجاهل اي سائل في هذا المنتدى الغلي .. وان مكاني في جده وما ادري هل هناك فرع للمحل الي ذكره الاخوان ولا اي محل في مستواه ؟؟ وشاكر لكل الاحباب والله يحفظكم .....
فيه محل بكيلو 2 عند محلات الزجاج
لكن للأسف عمل لي الكسر بجهاز عنده بـ 50 ريال وضبط لمدة سنه والحين بدأ يمشي
يعني ما نفعت الطريقه