نصيحتكم لـي يـ شباب تكفون الله يفرج همكم !! " ارجو من الجميع الدخول للضروره " : ) ~

سـلام عليكم ..

كيفكم ياشباب ..

اخوكم بالله كانت معاه اكورد 2008 اسبيشل ابيض لؤلؤي .. :)
كـانت طبعا :confused:

حبيت السياره كثير .. بس ابد مـ اتهنيت فيها ..
الله يعمي عين الحسود .. :p

تخيلوا .. سياره كملت 7 شهور
مشيت اقل من 30 الف , تقريبا 26 الف , وكل شهر دقه .. ! :(
مافيه مكان بالسياره مارشيته " بدون اي مبالغه والله " :eek:

رشيت باب السائق والمرايه .. " غيرت الباب كامل ( لقوه الدقه ) والمرايه القزازه فقط "
ورشيت الباب الخلفي من جهه الراكب .. " بسبب دقه واعوجاج الباب "
ورشيت الصدام الامامي والخلفي .. " بسبب خدوش شوي جامده "
ورشيت الرفرف .. وغيرت كفر مرتين " والغريب انه نفس الكفر "

:eek:

وكل هذا بـ دقات متفرقه والله ..
ودقات جدا هبله ومالي اي ذنب فيها ..
تكون واقفه او احد يرجع علي ..

:(
وبعدها بفتره ركبت جنوط الفل وغيرت الخارجيه فل مع نياكل الباب ..
مشيت على الجنوط والكفرات تقريبا 4 الاف كيلو فقط ..
بعدها بـ اقل من شهر , السياره راحت بسيول جده بالخط السريع وانـِا راجع من دوام .. !

وحاولت اصلح فيها ودخلتها الوكاله لـ اكثر من 3 شهور بالوكاله ..
ورشيت الخارجيه كامله بورشه وعدلت واجهه .. . وغيرت كمبيوتر وبطاريه و و و بالوكاله ..
وكلفتني حدود الـ 30 الف ريال تقريبا .. :(

وبعد هذا كله السياره مـ اتصلحت بشكل كامل ..
صحيح اشتغلت وتمشي لكن .. : :eek:

الايرباق انفك + المكيف والمسجل مايشتغلوا + القير مايعشق دبل +
الشنطه ماتتقفل + الابواب ماتفتح ولا تتقفل ماعدا باب السائق واحد الابواب الخلفيه+
ألأحزمه الاماميه والخلفيه لأتعمل !! + مثبت السرعه مايشتغل +
كشافات ماتشتغل + الاسطبات الخلفيه ولمبه الفرامل + الانوار الاماميه ماتشتغل ايضا +
انوار الديكور كامل ماتشتغل ماعدا العداد لاني ( غيرته كامل ) + الكبوت مايفتح الا بالعله +
فتحه السقف معلقه فاتحه نص وماتتقفل !! + واحد من القزازت لايرتفع ولا ينزل +
علبه البنزين ماتفتح + الحراره فل + عداد الضغط فوق الطبيعي ....

:(

هذا اللي اذكره حاليا والله ,
والحمدلله على كل حال " ومقدر ومكتوب "

وبعت السياره بـ 16 الف ريال تشليح .. :(
وشوفوا هالصوره لـ عداد السياره وكحلوا عيونكم .. :eek:
" الله يحميكم ويعافيكم ولا يوريكم اللي شفته " :

( الصوره )


http://www.kai02.com/up/upfiles/sjB66673.jpg


عموما لي اكثر من 6 شهور بدون سياره ..
وناوي اطلع اكورد فل كامل مخمل 2010 فيراني او عودي ..
لكن بصراحه جدا جدا متردد وخايف ..

الغرض من كلامي اللي فوق ..
تعرفون وضعي الحالي ,

وابغى نصيحه اخوان لـ اخوهم ؟!
تنصحوني اطلع اكورد 2010 ..
مع العلم اني افكر بـ كابريس اس اس 2009 بس متردد واحاول اشيل الفكره من بالي!؟
ولا ايش تنصحوني اسوي حاليا .. !

لاني تعبت بدون سياره ..
وبنفس الوقت مـ ابغى اركب سياره عاديه ..
مع انه الاكورد بنظري سياره عاديه !!
لكن بعض الناس ماتعطي خير : )

والواحد يخاف انه بالسياره الجايه ..
بدل مـاتروح السياره ..
هو يروح مع السياره والله يرحمه وقتها : ) ..

اخير بانتظار ردودكم ..
ونصيحه اخ اكلها على راسه " الحمدلله على كل حال " للجميع :

العين حق ياشباب .. انتبهوا :)

لاحول ولا قوة الا بالله

الله يعوضك وانا اخوك بالي احسن منها

بالنسبة لي انا باختار اكورد 2010 ولا كابرس

مع ان الكابرس افضل لكن تراه حساس جدا جدا ولا يكرف زي الكابرس القديم 90 وانت نازل

يعني تراك انت في موضع حرج جدا في الاختيار

لكن الاستخارة طيبة وانا اخوك

ول ول ول معقووول كل ذا؟
لا اله الا الله.
عالعموم ماعليك يارجال قل (اللهم آجرني في مصيبتي واخلف لي خيرا منها).
وماعليك اشتر لك سياره واهم شي حصنها وحصن نفسك اقر الاذكار والمعوذات,هذي باذن الله ترد عنك كل عين وحسد .
وتقبل مروري

الله يعوضك خير في الأكورد وبصراحة خسرت عليها كثير ومن ناحية ثانية بعض عيون الناس ما ترحم مع إني ما أقول إن كل شيء يصير لنا من العين ولكنها حق..
بخصوص السيارة اللي ناوي عليها فأنا لو كنت مكانك ما كنت راح اخذ أكورد أبدا لأنها كانت معاي إلا اذا كنت مرتاح لها من كل النواحي ففي هالحالة تقدر تاخذها مرة ثانية مع إن سعرها إرتفع كثير بدون وجه حق..
أما بخصوص الكابريس اس اس فنصيحة لوجه الله إبعد عنها لأنها بتدوخ راسك وهي باقي عالضمان وشلون لو طلعت من الضمان وهالكلام من واقع أشوفه مع أخوياي مع إن إستخدامهم حشمة ومالهم في القومات أو التعديل أبدا.. صحيح شكل وقوة ولكن بتندم مع مرور الوقت لو خذيتها فضلا عن سعرها العالي عند العالي عن الشراء وسعرها المنخفض وقت البيع..
من وجهة نظر متواضعة فيها أكثر من خيار عندك مثل الأكورد أو الأوريون قراندي واسف عالإطالة..

الله يعوض عليك
والحمد لله على كل حال
والفلوس ترووح وتجي

اما من ناحية السيارة فمن رايي انك تاخذ اوريون يكفيك انها 6 سلندر وبقيمة الاكورد ;)

لاحول ولاقوة الابالله

والله يعوضك باحســن منه

وبالنسبه للختير

انا بصراحه ارشح الاكورد...؟
بقوه..!

اخوي بصراحه لا كابريس ولا اكورد لو انا مكانك افر الوكالات كلها يعني لاتخلي تركيزك على سياره معينه ياتركي صدقني اذا لفيت هالمعارض بتحصل سياره تعجبك غير الكابريس او الاكورد

وعدي على الجيوب وخصوصا المورانو والاف جي والسيارات هذي ام دفع رباعي

واسأل الله العلي القدير انه يعوضك عن سيارتك القديمه بأفضل منها

الله يعوضك خير

وعندي اقتراح بسيط ليش ما تفكر باوريون؟

الله يعوضك بخير منها انشالله

إذا تبي رأيي خذ الأكورد وتوكل على الله ولا تنس الستخاره ..

واسأل مجرب أنا شريت لي أكورد 2006 سياحي وقتها كانت اقريشاتي على قد حالي وسمعت شيخ من هيئة كبار العلماء يقول يجوز للشخص إنه يغسل سيارته بمويه مقري عليها !!

لا تستغرب خذ لك مويه عادية من البقاله واقرأ فيها الفاتحة والمعوذات وآية الكرسي وبعدها خذ شوي في يدك وامسح فيها أجزاء السسياره ومو لازم كلها يعني على الكبوت والشنطه والسقف والرفارف وافتح الكبوت ورش بيدك على خفيف على المكينة والرديتر وزي كذا يعني!!

وتراني جربتها وربي ما اشتكيت منها في شي ولا دخلت فيها ورشه في حياتي وبعتها قبل شهر زي الورده ما شاء الله الله يبارك لصاحبها .

(( ومن يتوكل على الله فهو حسبه ))


وإذا شفت روحك تبي تغير الأكورد فنصيحتي خذ لك أفالون وما أتوقع أحد يقدر يقول لا؟ سياره مجنونه من جد

الله يعوضك ان شاء الله

والحمدلله على كل حال

نصيحتي لك ابعد عن الكابريس

بتتعب معها من جد

طبعا الاكورد مانصحك تاخذها مره ثانيه لانك جربتها شغله هي كل مره اكورد:d

داامك قدرت علي قيمه الكابرس ال اس اس

روح شوف المكسيما الجديده

الله يعوضك بأفضل منها

الحمد لله على كل حال ...

طيب ليه ماتغير الاكورد ...فيه عندك خيارات ثانيه مثل المكسيما والمازدا


عسى الله يكتب لك اللي فيه خير ويحفظك ويحفظ جميع المسلمين من كل شر

نصيحة لوجه الله قبل لاتطلع اي مشوار قل : بسم الله توكلت على الله ولاحول ولاقوة الا بالله العلي العظيم

وعليكم السلامـ..
ياساتر لاحول ولا قوه الا بالله
الله يعوضك يارجال باحسن منها والحمدالله على كل حال والله يرزقك دبل الي دفعته على هالسياره
والله يارجال انصحك تبعد عن الكابرس وبما ان معك قبل اكورد ابعد عنها مو عيوب ولا شي لكن باب التغير وشف لك مثلا اوريون
تراها مو شينه وزينه وقيمه الاكورد تجيب لك اوريون وعندك مثلا مازدا وعندك ماكسيما او التيما سته سلندر وعندك مواتر واجد لاتستعجل وانا اخوك والله يوفقك
تقبل مروري..تحياتي

.
.

يـاهلا والله بالشباب ..
اول شي جزاكم الله خير ويفرج همكم يارب : ) ..

بالنسبه للي يقول لي اطلع ماكسيما ..
انـا لو فكرت اطلع كابريس راح يكون مستخدم بـ حدود 90 او 100 الف بالكثير ..
قيمتها شوي مبالغ فيها على ماكسيما .. اذا وصلت لـ 127 الف ازودها كم الف واخذ لكزس ارنوب احسسن بكثير ..

اما الاوريون احسها كامري بصراحه " الداخليه "
اما الخارجيه فخمه وماعليها كلام بالذات الخلفيه لكن مايمدحونها بالرساوه ..
واسترالي فوق كذا ..

فـ عشان كذا صراحه افكر بشكل جدي بـ اكورد ثانيه .. !
وخصوصا اني ماتهنيت بالسياره اللي قبلها ..

بس محيرني اللون كثير ومحيرني فل مخمل او فل جلد ؟! وش رايكم : (

وشكرا للجميع وماقصرتوا الله يوفقكم ..
وشكرا اكثر لـ للي دعوا لي .. يعلم الله اني بحاجتها وبحاجه الدعاء : )
جزاكم الله خير .. واطمع بردود واراء اكثر ..
ابغى اشوف تجمعون على اي راي اكثر شي .. لألألألأني جدا محتار ومتوتر : )


دمتـم بخير

لاحول ولاقوة الابالله >اذا كنت تبي اكورد خذها وانصحك بالجلد

او شف الالتيما تراها و حــــــش

الأكود معروفه انها تعيش بس لو تبي تاخذ اكود بعد سنه او سنتين يبي يتغير شكله ويصير مالها نظره انا عندي لك سياره يابانيه و شكلها جديد فخمه قويه وو....
اللي هي نيسان ماكسيما 2010 و القرار لك ..

يـاهلا بالاخوان ..

ماقصرتوا والله ..
الله يفرج همومكم ..

وحاب اسالكم ايش رايكم باللون الفيراني ؟!

وبرضوا مـ زلت اطمع بردودكم والله ..

شكرا لكم ..
دمتم بخير ..

لا اله الا الله .. الله يكون بعونك اقسم بالله انمغصت من السالفه كنها صايره لي ... ربك يعوضك يالغالي
بالنسبة كابرس والا اكورد ...
الكابرس انا اقول لك انحااااااااااااااااااااااااااااااااااااااااااااش والله يبي يشيب رآسك منها ... حساس إلى ابعد الحدود
من وجهة نظري اكورد وتوكل على الله .. بس استخر ربك قبل كل شئ تقدم عليه ومحتار
وبالتوفيق ياعزيزي
بالنسبة للون ... الفيراني عندي .. ومبسوط عليه ... اهم شئ ابعد عن الاسود مايصلح بالرياض ابد كل يوم تغسلها :d
عندي الفييراني واللؤلؤي .. احلى لونين عندي ~> وجهة نظر :o

الله يعوضك خير , والله يكتب لك مافيه خير ...
والله شوف ماتطمن , يمكن تشتري ب 90 ألف ريال .
وترجع نفس المشكلة لا سمح الله .
لا تتهور شوف لك مستعمل نظيف , ومبلغ معقول
لا تروح فلوسك في سيارات كلها , اقتصد يا رجال الناس ما ترحم
_+_
والله غني أعاني قريب من معاناتك لكن والله صابر , والله يكون في عوننا

كوكو ..
أغـأر ..

شكرا لكم والله يكتب اللي فيه الخير ..

أقولكم حبايبي ..
وش رايكم بداخليه اللون الفيراني ؟! اللي تيجي على رمادي ؟!

نصيحة لوجه الله : خذ لك أكورد لؤلؤي فل كامل v4 مراتب مخمل لان الجلد في الصيف ناارر ... + لوحات ملكية + شبك كبس نيكل + تضليل في كول أو 3m

تسوى الدنيا ومافيها .. !!


لكن أول ماتطلعها أقر عليها آية الكرسي + 3 مرات قل هوالله أحد ..+ 3مرات قل اعوذ برب الناس .. + 3 مرات قل أعوذ برب الفلق ..
وأدع لك كم دعا ..


والله يعطيك خيرها ويكفيك شرها , والف مبروك ..

عليكم السلام ورحمةُ الله وبركاته ،

عسى الله يعوّض عليك أخي الكريم ..

بصراحة السعر اللي بعت فيه السيارة ، لا تعليق !!!

لكن ما تدري يمكن يكون الخير لك في السيارة الجديدة بإذن الله ..

اذا انت رسى بالك على الأكورد ، فنصيحة لك خذ لك فل كامل مخمل ..

أما الكابريس ، نصيحة لوجه الله ، ابتعد عنه قد ما تقدر ،،

سيارة راح تطلب منك انواع قطع الغيار من السنة الثانية < مع صاحبي وحده ،

وكل سنتين بتسوي لها تصفية ماكينة وقير ... ألخ

خليك على الياباني ، سيارات مكدة ، وتمشي معاك زي العسل بدون مشـاكل ..

استخير ربك اخي الكريم ، يمكن تحصل لك افالون 2008 - 2009 نظيف مرة ويعجبك ، توكل على الله وخذه ،،

الا اذا انت ما تبي الا سيارة وكالة ، فتوكل على الله وخذ 2010 على يدك ..

لاحول ولاقوة الابالله الله يعوضك خير منها نصيحتي تاخذ الاكورد قوة اداء وعمل وقوة تحمل وقطع غيار معروف ولايطيح سعرها

عند البيع مافيه مقارنه مع الكابريس الخايس

الله يعوضك خير ياخوي والحمدلله على السلامة على كل شى وبالنسبة لاكورد من كلامك ان فيه عين اوشى منهالقبيل هاذ الي فهمته لكن دوور غير الاكورد والله يرزقك ويعووضك خير وانصحك بصراحة سيارة حلوة وترتاح معها خذللك افالون ليمتد ولا اروييون والاختيار للك ياخوي واسف على الاطالة

الله يعوضك اخوي الكريم والله اني زعلت عليك :(
خلاص بنسويلك لمه ونعوضك عن الخسارة والشباب ماتقصر :d
والله يالطيب انا جلست ادور اللون الفيراني شهرين ماحصلتها مستعمل طبعا
اشوفه احلى لون على الاكورد مع احترامي للألوان الثانية
واخر شي حصلت لؤلؤي
لكن بنصحك لوجهه الله 2009 مثل 2010 ماختلفت غير في الحساسات
دورك مستعمل نظيف يكون سعرها تقريبا نازل 20000 عن سعر الوكاله وتوفر فلوسك تعدل في السيارة على كيفك
وانشالله بقولك قريبا مبروك السيارة الجديده
وبالنسبة للكابرس انا شريت اكورد 2006 سياحي واجيت ابي اغير السيارة دورت كل الانواع مارتحت غير للأكورد ورجعت على 2009 فل مخمل والله جنان ماشاء الله
واسف على الاطالة