الي مجرب الشمعات الامامية التجارية يتفضل هنا

السلام عليكم ورحمة الله وبركاتة

لي فتره ابغى اشترى شمعات تجارية علشان اعدلها ( عدسات - رشة .. الخ )

فكرت اشتري نوعية تجارية و العب فيها و كانت الاسعار كالتالي :

1 - 180 ريال نوعية صينية ( يقول لي تمشي الحال ) و انا اخاف انها تصير صفرة و الاضائة تكون نازلة و غيرها من المشاكل

2 - سمعت عن نوعية تجارية بـ 200 ريال ، يقولوا كويسة ( نوعية تايوانية ) بس انا محتار و خايف اخذها و يصير لونها اصفر و تنزل وزنية اللمبات .. الخ

و بعدين انا ما ابغى شي يصير لونه اصفر و الوزنية تنزل او تتاثر الشمعة مع حرارة الزنون و كل شوي تطلع لي مشكلة ، يعني ابغى اعدلها و احط لها حماية من الترميل و ارتاح


الي جرب التجاري .. اتمنى يفيديني بالتالي :

1 - سعر الشمعات
2 - مدة الاستخدام
3 - هل عليها زنون او لا
4 - هل حاولت تعدلها ( تركب عليها عدسة او ترشها من الداخل او او او )

و اذا كانت فيه اي اضافات رجاء ً اذكرها .


وشكرا لكم

التجاري ابعد عنه اولا الوزن مافي امل يضبط

أنا سيارتي 2004 و عندي شمعات تجارية ما دريت عنها أنها تجاريه إلا يوم رحت للوكالة للتشييك وسألتهم عنها قالوا تجاري


إضائتها و إنتشارها مضبوط وزنتها أكثر من مره وتوزن عادي



لكن معروف أن الأصلي أفضل

الله يعطيكم العافية بس ابغي اتاكد اكثر

يتغير لونها وي الشمس يصير باهت ويصفر شوي ...

سلام عليكم....
انت تقصد الصطبات الاماميه (العدسات)

لاتقررررررررررررب نصيحه
انا اول ماشربت سيارتي اكورد 2006
اشتريتها من العليان الطقم بــ980 ريــــال
والله حااارقه قلبي :p

ركبتها:mad: 4 ايام والله بس وغيرتها بالاصليه
النور العادي مشتته العدسه ماتشوف شي قدام السياره كل النور على الشجر ههههه يمين ويسار :(

وعرضتها للبيع بــ300 خخخخخ:d ولاحد يبيها
وشوفها في المخزن مرميه بكرتووونهااا والله

الاصلي وارفع يدك:cool:

راح يطفشك واجد ويمرمطك في محلات الزينة , كل شوي لمبة محروقة
إسأل مجرب مقهوور منهااا

شكرا لكم

انا اتكلم عن نفس شكل الوكالة يعني نفس الاصلية بس النوع التجاري

نفس شكل الوكاله يتصفر معاك (عاد من زين الجو هنا:p )

كم شهر وبتشوف الفرق :mad:(الاصلي وارفع يدك)

واحد من العيال ركب اصطب خلفي تجاري (اكورد2007) وماكمل سنتين والى تحس انو فيه بخار مويه من الداخل:confused:
(عاد افهمها انت ههههه):o يعني اصبر شوي ولا اضغط على نفسك ودلع اكوردك بالاصلي ....حكم هههههه

بصراحة ما جربت

لكن أعتقد انها جيدة وتمشي الحال

واذا ما تبيها تبهت " ركب عليها عازل أو تظليلة شفافة عازل "

وحتى لو صار فيها عج ( تقدر تلمعها )

الأصلي غالي
يا رجال وفر فلوسك بس :d
من يوم شفت أسعارها غسلت يدي بديزل :mad:

وبأذن الله تكون قريبة من الأصلية

بقيمة الأصلية تقدر تركب ( أسطبات + كشافات ) :rolleyes:

وانبسط :)

بالتوفيق

التجاري أنواع , رح للنعماني وأسأله عن الأنواع والفروقات بينهم ..
و(أتوقع) أفضل نوع التايواني .

اذا معك قيمة الأصلي أشتر أصلي ولا تشاور أحد , واذا مطفر مثلي رح أشتر لك تجاري .. :d

اليوم رحت لمحل تبع قطع الغياار كان يقول لي عندة صيني ب ١٥٠ ريال بس قال لي بامانة " تراه تعبان "

و المحل الثاني قال لي انه فية نوع تايواني مرة ممتاز و قيمتة ٢٠٠ ريال ....

احترت يا اخوان

انا صراحة باخذ الشمعات هذه و بلعب فيها ( رش + عدسة )

أنا ركبت التجاري ( تايوان ) منذ حوالي شهر ، سعر الواحدة 160 ريال من محلات ( الماضي ) في صناعية أم الحمام.بالنسبة للإضاءة أحس إنها مرتفعة شوي بس ما تضايق السائقين القادمين من الإتجاه الآخر ، ولا أستطيع أن أحكم على جودتها لقصر مدة الإستخدام.
وبالتوفيق

شكرا لك بس اتمنى احد يفيدني اذا استخدمها وكم فتره الاستخدام

Up
Up up
Up up up