استفسار عن الاكورد 2012 ليمتد

بسمالله الرحمن الرحيم

السلام عليكم ورحمة الله وبركاته وبعد

انا شريت اكورد 2012 فل الاربعه بدون شاشه ولا حساسات ولا كاميرا خلفيه

الاستفسارات كالتالي

اولا فيه صوت حنه في المكينه اذا مشيت هل هي طبيعيه والا معناتها فيه مشكله ,الشي الثاني ثالث يوم طلعتها طلع لي صوت في الديكور الخلفي (عندالسماعات)زي الزقزقه هل هذا الصوت ظهر لاحد غيري والا انا بس ,الثالث واالاخير ابغى اسأل عن اسعار الصيانه في الوكاله وكذالك اسعار الشاشه والكاميرا والحساسات في الوكاله وهل عليها ضمان والا لا

واسف جدا على الاطاله وسلامتكم

اخوي انا مثلك بضبط شريت اكورد 2012 ليمتيد بدون شاشه و بدون كاميرا و بدون حساسات لي 3 شهور تقريباً

و بنسبة لـ صوت الحنه تسمعه إذا كنت تمشي بطيء بين 10 الى 40 إذا تعديتها مايطلع صوت حنة

اما صوت الزقــزقــة على قولتك لا والله ماقد مر علي

و اسعار الصيانه إذا مشت 1000 كيلو مجاناً مايكلفك شي وإذا مشت 5000 كيلو يكلفك 135 ريال تقريباً

و سعر الحساسات في الوكالة بـ 3000 ريال تقريباً و برا الوكالة ارخص لكن الي في الوكالة جودة اقوى .. و بس هذا الي اعرفه

شاكر مرورك اخ (عزاه)والله يعطيك العافيه
بس هل الحساسات عليها ضمان

اقتباس:

---

المشاركة الأصلية كتبت بواسطة عبدالله الغامدي

ثالث يوم طلعتها طلع لي صوت في الديكور الخلفي (عندالسماعات)زي الزقزقه هل هذا الصوت ظهر لاحد غيري والا انا بس

---

هذي أحد عيوب الأكورد المصنعية صوت الديكور الخلفي
أنا طلعت لي بعد اسبوعين استخدام
والحل تروح الوكالة يصلحونها على الضمان
أو تحل المشكلة بنفسك كما هو موضح في الرابط التالي
http://www.hondaarabia.com/club/t25975/

شاكر مرورك اخ سلطان والله يعطيك العافيه

انا نسيت شي اللي هو مقعدة الراكب الامامي تهتز اذ مشيت وش حلها ذي (الظاهر اني بديت اوسوس)

و بنسبة للحساسات الي في الوكالة جودتها افضل لأنها يا بتكون امريكية او يابانية و عليها ضمان

و برا الوكالة راح تكون ارخص و اقل جودة يمكن تكون صينية

اما اصوات الديكورات الي يتكلمون عنها شباب انا خابر انها كانت تطلع في الموديلات الي قبل من 2008 الى 2011

اتوقع حلوها في 2012 لأني من شريتها ماسمعت صوت ولا دكيور لا في شنطة ولا في البيبان لي 3 شهور ماسمعت اصوات

على العموم لا توسوس و السيارة جديده و الله يعطيك خيرها و يكفيك شرها

الله يعطيك العافيه اخ عزاه والظاهر انها زي ماقلت وسوسه زايده ع العموم تشكرون جميعا اللي رد واللي خش يتفرج في الموضوع

السلام عليكم حبايبي أنا من ملاك اكورد 2012
1 الصوة الحنه هذا سلمك الله صوة طرمبة الدركسون وهو عيب مصنعي في هوندا
2 صوة المرتبه الاماميه لراكب صحيح فيه مثلي اما الخلفي الي عند السمعات الحمدلله ماعندي

اقتباس:

---

المشاركة الأصلية كتبت بواسطة عبدالله الغامدي

انا نسيت شي اللي هو مقعدة الراكب الامامي تهتز اذ مشيت وش حلها ذي (الظاهر اني بديت اوسوس)

---

أبد أخي الكريم
ماسمعته حقيقة وليست وسوسة
هناك صوت يأتي من مقعد الراكب الأمامي مع الطرق الغير مستوية ومصدرها على ماأعتقد قطعة الحديد الذي ترفعه من أجل تحريك المقعد

بالنسبة للي ماعنده مشكلة أصوات من الديكور الخلفي والبيبان ومقعد الراكب يقول الحمد لله

خويي معه مثل سيارتي سبشل 2012 ولايشتكي من هذه الأصوات ولكن يشتكي من صوت الدرج الموجود عند الراكب

اشتريت هوندا أكورد من أجل سمعة هوندا في الجودة فإذا بي أفاجأ من هذه الأصوات وضعف العازل الأرضي هذا غير عن مشاكل الدركسون التي تظهر بعد فترة

الله يعطيكم العافيه اخواني ابو راما وسلطان ماقصرتم ,لكن صوت الطرمبه له حل والا لا

بخصوص مقعدة الراكب
اخوي هل فكيت المقاعد ؟؟ ولا شد بلد

هلا اخوي الجهني ,لا مافكيتها شد بلد والصوت كل ماله يزيد

اقتباس:

---

المشاركة الأصلية كتبت بواسطة عبدالله الغامدي

هلا اخوي الجهني ,لا مافكيتها شد بلد والصوت كل ماله يزيد

---

واللهه انا المقعده تهتز عندي اذا مشيت بخط ماهو مستوي

يمكن عشاني فكيت المقاعد وكيست الارضية

برجع للمحل اللي ركبها لي ابيه يشد الصواميل ..

اخوي الغامدي بخصوص مقعدة السواق

رحت لمحل التنجيد عشان يشد على الصواميل وجربت السيارة وفعلا راحت هزة المقعدة :cool:

انصحك تروح لمحل تنجيد وتشد على صواميل المقاعد :)

يمكن ما شدوها زين من المصنع ..

بكره ان شاء الله بروح وشوف وان شاء الله القى عندهم حل,وتسلم اخوي فيصل والله يعطيك العافية