عرض للطباعة
السلام عليكم ورحمة الله وبركاته
احب احيي جميع اعضاء المنتدى
وانا من المعجبين بالمنتدى ومعكم من زمان بس بدون ماأشارك
بس اليوم انا محتاج مساعدتكم بصراحه واتمنى تفيدوني
انا ان شاء الله ابشتري سياره
ومحتار بقووه
بين الاكورد والأوريون والأفالون
طبعا الاكورد او الأوريون جديده ان شاء الله
اما الأفالون موديل 2007 وهي لأحد اقاربي وماشيـه 10000
وعارضها علي بـ 95000 كاملة المواصفات واسيات جلد
وانا محتار بصراحه وقلت مالي الا انتوا استشيركم
واتمنى تفيدوني
وتقبلوا شكرري مقدما أخوكم ورق خسران
شف اخوي اذا تبي رايي ..
اذا الافالون اللي تقوووول نظيفة مرره ..
خذها بدون ما تشاور اذا هي بهالسعر افضل لك الف مره من الاكورد
و بالتوفيق
ولا اوصيك بصلاة الاستخارة ..
يعطيك العافيه أخوي
الف شكرر لك ولمرورك
وانا لازلت أفكر وبانتظار ردود باقي الاعضاء
وأشكرك مره اخرى على نصيحتك .. أخوك ورق
والله امممممم
لو انا منك باخذ اكورد فل
لان الجديد اضمن من السمتعمل بالف مره
بس اذا مضمونه خذ افالون مع اني مااداني ذا السياره
الارويون حلوه اذا جتك فل كامل مره مره بس عيبها استرالي
وربي افالون وانت مغمض وين الاوريون وين الاكورد
يابابا الافالون فخامه وقوه وراحه ونسيابيه ورحابه والله رهيبه انا مثلك
انا كنت باخذ اكورد ومتيم في الاكورد الان وبعد ماشفت الافالون نسيت الاكورد
وقول في بالي كنت غبي يوم احتار بين الاكورد ولا افالون والحمدلله اخذت افالون 2008 فل كامل
واذا تبي امرك تشوفها مافيه مانع هههههههههههههه
ابد اذا افالون لاتحتار والله رووووووووووووووعه بمعنا الكلمه
والله يعطيك خيرها ويكفيك شرها والافالون مميزات
تشغيل بالبصمه واذا قفلتها مجرد ماتضع يدك على مسكت الباب السيارت تنفتح لوحدها ومجرد ماتضغط الزر الاسود تغفل
ومكيف في الاسيات وستاره خلفيه توماتك ويا القير تنزل وترقى
شاشة معلومات ماتقول الا شاشة ملاحه من كبرها وجمالها
راحت الاسيات غير طبيعيه والاكورد معروف عنها بقساوت الاسيات والكل ماينكر هالشيء
وش اكيد اذا بتقارن الافالون بالاوريون ماتتقارن لانه الافالون من نفس الشركه واذا اهي من نفس الشكره ارقى واعلى مرتبه من الاوريون ولاهي من نفس الفئه تبي تقارنهم في بعض وين صارت هذه
وتمنى لك التوفيق
والله ياطويل العمر انت حر نفسك اولا واخيرا
شف الافالون حلوه كمواصفات ولاشكلها معليش ماهظمته ذاك الزود بس ركبتها من جوى والله روعه
وعندك الاوريون حلوه بس بصراحه مافيه مقارنه بينها وبين الاكورد قبل البارح ركبت اكورد 2008فل كامل والله مابغيت انزل منها روعه واحلى بالف مره من الاوريونو الاوريون تبقى استرالي وبيني وبينك تبي الشيك في يدك خذ الاكورد انا توني بايع كامري 2006 فاكها وكاله وجديده مامشت الى 60000وشريتها مع ان كان نفسي في اكورد ومليت من العايدي وبعتها وبصراحه ذبحتني عند كل تفتيش ودوريات مع اني لانيب راعي فك طيس ولا عربجه اللهم تضليله زيرو ون بس يوم بعتها تقريبا ب48000وقعدت ادور كورد مستعمله لقيت 2006في العلالي ولاهيب حول الكامري وتفرق على 7الاف تقريبا السبشل وبصراحه رونقه الاكورد فاتكل علىالله واشتر اكورد فل كامل اللون لؤلؤي بسمك وكاله ب93700سعرها الجديد وتظمن خمس سنوات الشكل ماراح يتغير الى 6 اما الافالون اصبرلها وبيتغير شكلها وانت حكيم نفسك والله يوفقك
أخوك الاصغر
شايل الظبي
والله اذا كنت مستعجل على السيارة خذلك اكورد فل كامل
ونصيحتي اصبر لأفالون الجديدة
الأفالون :cool:
:cool::cool:الافالون :cool::cool:
يعطيكم الف عافيه ماقصرتوا والله
بس مثل ماقال اخوي الكبير ;) شايل الظبي شكل الافالون
وانا هذا اللي قاهرني فيها المواصفات رهييبه ماعليها كلام
بس الشكل مش متناسق وانا راعي لعب (تنزيل) ماتصلح الافالون
بس يقولون الاكورد فيها عيوب ..!!
وانا للحين محتار خخخـ لانكم ماأتفقتوا على راي
وشار لكم مروركم .. ورق خسران
انا اقول لا تحتار اكـــــيــــد هوندا لاني انا مجربها ، كنت راح اشتري افلون ولاكن لو تلاحظ ان الموديلات الاخيرة كلها نفس الشكل مافية اي تغيير اما الـ هوندا شكلها متغير مريحة ولا تنسى انها اكــــورد مو تايوتا ؟!!!!:cool:
الأفالون صراحة فخمة وروعة في مواصفاتها
صناعتها أمريكية وليست يابانية وشكلها اتوقع يتغير قريب
الأكورد جديدة لكن ما توصل لمواصفات الأكورد
واذا هي لقريبك ان شاء الله ما في خوف من اي مشاكل
الإستخارة أولا وأخرا وروح للي ترتاح لها
وخلي اللي يقول يقول اللي يقوله ما عليك
والله ... الاختيار صعب ..
طبعا مع خروج الاوريون .. لانه سياره مالها داعي !!!
لو الاكورد V6 ... اسمح لي راح تكون في مقارنه كبيره بينها وبين الافالون . ..
بس لو الاكورد تحت ال V6
اكيد الافالون ملللللك !
لكن في شي يعيب الافالون ...
طبعا ياجماعه كلنا نعرف بان الافالون طلعت مديل 2005 ...
بالتالي لها 4 او 5 سنوات ... وغالبا 5 سنوات ...
يعني باقي لها سنه او سنتين على الاغلب ويتغير شكلها ...
بس بصراحه سياره ...<<< عندهم وحده :d
تقبل مروووري
اقتباس:
المشاركة الأصلية كتبت بواسطة شايل الظبي
اتوقع هذا الكلام المناسب
:cool:
يسلمو عالمرور اخواني
وهذا المشكله اذا تغير شكلها
والمشكله الثانيه شكلها الخارجي بالنسبه لي الاكورد أحلى
بس المواصفات ..
أكيد الشباب ما قصرو وياك ... وانا اقول أفالون
الصراحة السيارة ما عليها كلام وسييييعه ومقاعدها مقاعد اللكزس (( على حسب علمي ))
ومكينتها قوية 3.5 ... والفرق بينها وبين الاكورد (( فرق السما عن الارض )) :d
وعن الشكل انا سمعت انه بيتغير سنة 2009 أو 2010 مب متأكد
واذا انت اتشوف ان السيارة نظيفه واستعمالها كان نظيف فانا اقولك اتوكل على الله
لكن هذا بعد الاستخاره ... سلااام
اكووووووووووووووووووووووووووورد وبس
أفالوووووووووووووووووووووون مع احترامي وحبي للأكورد
يسلمو عالمرور شباب
ماقصرتوا بصراحه
بسمه تعالى:
خذلك من العلم تاريخ^____^ :
أخي الكريم المقارنة بين هاتين السيارتين تعقبها عدة نقاط و توجهات شخصية و ميول فردية للحصول على الأنسب و الأفضل لشخصيتك و ما يترتب بصرف النظر عن عاطفة التصميم الخارجي لمركبة لمستقبل ...فالمقارنة بينهما تتجلى بالآتي:
قوة المحرك و السعة متقاربة بينهما فقوة الأفالون 268HP و الأكورد 271HP و بسعة 3.5L ...و بالنسبة لطول قاعدة العجلات فهي متقاربة و تبلغ بالأفالون 2.820cm و في الأكورد 2.800cm و هذا يجعل الأكورد ضمن فئة المركبات الكبيرة المقاربة لفئات أكبر من الفئة المتوسطة و كذا زيادة العرض عن سابقه فيبلغ عرض الأفالون 1.850cm و الأكورد 1.847cm بغض النظر عن الطول الكلي لأفالون المقارب للخمسة أمتار و هو ما يفقدها صفة السيارة الرياضية الحجم التي تقل عن هذا الرقم و اللذي يتحقق في فئات أقل طولأ كما هي الأكورد التي تقارب ال 4.930cm و ذلك لتحقيق أكبر قدر لتناسق الطول و العرض من أوجه عدة...فالأفالون سيارة تقترب لفئة السيارات العائلية الفخمة البعيدة عن الاستخدام الشاق أو الرياضي البحت ..فتعليق السيارة أمريكي الأسلوب أي ناعم للقيادة السلسة و للباحثين عن الراحة بأسلوب راقي بعيدآ عن الأسلوب الرياضي و أعني بذلك كما هو تعليق الأكورد الذي يتمتع بالنعومة و القساوة بنفس الوقت لمزيد من التشبث و سرعة تشتيت العوائق بأسلوب فذ و هو ما أسميه بأسلوب التعليق الألماني كما هي سيارات بي أم و مرسيدس ... النقطة الأخرى هي الصلابة الهيكلية التي تفوق بها الأكورد على الأفالون التي تمتع بهيكل GOA المرن و الأقل صلابة كما بسيارات تويوتا الأخرى... الفخامة الداخلية: تتمتع الأكورد بفخامة السيارات الألمانية كما هي BMW من ناحية جمالية تصميم الداشبورد و وجود شاشة المعلومات بأعلى الكونسول المميز و ترتيب العدادات كذلك و الذي يعطيها صفة السيارة الألمانية بطابع ياباني خلافآ لفخامة الأفالون ذات الطابع الأمريكي البحت فالفخامة و ترتيب العدادات يعتبر مميزآ و لكن تفتقد السيارة للنظام الملاحي و الذي يضع نقطة متساوية لكلا السيارتين من هذا المنظور ... التصميم العام للأفالون لم يتغير سوى بالواجهة الأمامية بوضع شبك الكروم الكبير نسبيآ و اضافة بعض الميلان للمصابيح لتتناسب مع تصميم الواجهة الكلاسيكة التصميم العام الذي لم يتغير بغض النظر عن تصميم الأكور الجديد كليآ بتوقيع مدرسة السومو اليابانية...فالعديد من ميزات الرفاهية لا حاجة للسائق بها كتشغيل البصمة و نظام البصمة و التي تعتبر كماليات متممة للباحثين عن مزيد من الرفاهية ...فسيارة الأفالون لرجال الأعمال و العوائل التي تبحث عن الرفاهية بأسلوب القيادة الهادئة أما الأكورد فهي للشخصيات المفعمة بالحرية و قوة الأنطلاق بأسلوب رياضي أو الباحثين عن شخصية مستقلة بحد ذاتها تقترب لعقول الفئة الفتية و رجال الأعمال الباحثين عن أسلوب الرفاهية بطابع رياضي و فخم ... أخي الكريم ان المارد الياباني أكورد أخذ بتهديد أخيه النمر الأمريكي أفالون بالشوارع ^___^ فالعيون تلاحق الأكورد V6 بعادميها المنفوخين و شخصيتها المستقلة التي سرقت بالفعل عشاق الأفالون و غيرها من السيارات بطلتها المهيبة الشبيهة بالسيارات الألمانية الأريستقراطية ...أخي الكريم استخر و قرر و جرب كليهما على أرض الواقع لمزيد من الثقة و الأمان بأختيار سيارة المستقبل ...و بالتوفيق.
gogo
نعم نعم انتا كذا
ماقصررت يالغالي انا من اول ابغى واحد يسوي لي مقارنه
وانت ماقصرت بصراحه يعطيك الف عافيه
وشكرا لك مره ثانيه ..
اخوك ورق خسران
اخوي الاريون القوى فيهم وهيا استوك ومستواها حلو والي بتشترية الله يعطيك خيرة ويكفيك شرة
حبيبي أنا راح اقوولك وبكل صراحه
انا لو مكانك ماراح ارووح عن الأفلووووووووووون.