اخوكم محتار .. محتار .. وبعد > محتااااار

اول شي السلام عليكم ورحمة الله وبركاته

وانا سعيد << مو اسمي
بس يعني سعيد لاني لقيت هذا المنتدى العريق اللي مهتم بالملكه اكورد والهوندا عموما

انا زرت عبدالله هاشم اليوم
وركبت الاكورد لاول مره كانت المره الاولة لموديل 2001 تقريبا << ههههه

حسيت بالفرق الشاسع اللي اقنعني باقتناء السياره
وكسياره سمعتها قبل اسمها
قررت اقتنائها

لكن المحير في الموضوع وانا اصلا من الناس اللي يقتنع بصعوبه
واحب يكون قراري مدروس

والفئتين اللي حبيت اقارن بينهم
بكل بساطه
فل سته
وفل اربعه

فرق السعر تقريبا 15 الف

لكن الموضوع اللي مالقيته في المنتدى
هو صرف البنزين !!
هل في فرق شااااااااااسع على الصرفيه
والا هو فرق يعني مش ملاحظ

لانو لو صرف وواضح انا اكون اختار فل 4

لقيت الفرق بين الفلين
انوار الزينون للسته ولا توجد ع الاربعه
المكيف الخلفي للسته ولا يوجد ع الاربعه

هل هناك اختلافات اخرى غير تلك

طيب اخر شي

اخذها جلد والا مخمل
يعني اش الاريح


واسف ع الاطاله ياحلوين

حبيبي .. اذا تقدر على الـ 6 سلندر خذها على طول !

أنا أكلمك عن تجربة ..

وبالنسبية للصرفية فيها نظام لـ تشغيل عدد معين من السلندرات .. مثلاً السرعات المنخفضة تمشي على 3 سلندر .. السرعات الثابته 4 سلندر .. عند التسارع 6 سلندر .. فهمت ؟

هذي هي معي وصرفيتها بكل صراحة وأمانه أشوفها ممتازة ،،

هذا طبعاً بالإضافة للمميزاتها مثل ماذكرت بالاضافة لغسل الانوار الأمامية .. وفرق المكينة طبعاً .. ووو مدري وش نسيت :d

بالنسبه جلد أو مخمل .. مدري عاد الجلد أفخم لكن الراحة مدري ،،

الخلاصة .. 6 سلندر وبس :cool: ،،

وفي فرق انه في السته سلندر شكمانين خلفيه
اما الاربعه سلندر شكمان واحد
وانصحك بالسته سلندر جلد وبقوه

الله يقويك

انا بالنسبه لي توني مطلع سيارتي امس

فل 4 جلد تحس بمعنى فخامة الاكورد

وبالنسبه لوبغيت العزم واالقوه السته طبعا

وعلى ما اعتقد انك لما تركب اكورد

تقتنع اساسا وتنسى شي اسمه قوه

والله يوفقك

:cool:

اذا تقدر على الستة سلندر أخذها وأنت مغمض بعد
والأكورد سيارة روعة بمعنى الكلام وها الكلام من واقع تجربة
لأنه اثنين من ربعي معهم أكورد

اكييييد سته سلندر

ولا تشاور

وكانها ع الصرفيه لا تشيل هم

الفرق بيكون شيئ بسييييط

انت شوف الي يناسبكــ من كل النواحي
واذا ان ميزانيتكــ تساعدكــ خذ الـ 6سلندر

وبالنسبه للراحه اكيد المخمل مريح اكثر من الجلد بس مو افخم

وباالتوفيق

الله يجزاكم خير

كلكم ويعني مافي فرق صرفيه واتكل على الله والا بتتعبني بنزين ؟

اخوي وانت مغمض 6 سلندر والله

لاصرفيه شاسعه ولا شيء وفخاامه بمعناا الكلمه والله يسهل لك ويختار لك الخير

بكم سعرها السته ياخوي ؟؟؟

والله انا من رايي لو تشوف لك سياره غير الاكورد لانها انتشرت بين العالم...
هذا يعتمد على سعر السته،، انا صراحه ماني عارف كم سعرها.. بس سمعت واحد يقولي 110 الف .. يعني لو انت بتاخذها كاش زود شوي وشفلك سياره فخمه...

مع كامل احترامي للاكورد اكبر عيب فيها رافع ضغطي الجلد وعدم العزل الجيد للصوت ...:mad:

خذلك التيما 6 سيلندررر اذا ماعندك اكثر من 100 الف... خالي معه فل التيما 6 سلندر،، وياصلاة على النبي...

هذي وجهة نظري ...

^^^^^^^^^^
وين اللي عزل الصوت غير جيد الحمد لله معي سته سلندر والله العزل اوكي حتى بعد ال 120 وش تبيها زي البي ام او البانوراما وبعدين الألتيما الجديدة شكلها الغبي الأكورد احلى منها بكثير الله يصلحك كلما قلنا شي قالو التيما او اوريون الله يعين والله ان عزل الصوت تمام التمام انصحك اخوي بالسته عزمها حلو وقوية ابعد عن الالتيما لأنها ثلاث سنوات وبعدين قول باي بااااااي وبعدين وشفيها جلد الاكورد لايكون جلدها جلد غزل والألتيما جلدها جلد اسد الله يصلحك
وقبل كل شي استخييير

ولا احد يزعل مني ولا شي ترى ما قلت الا الحق :)

اخوي p900 اول شي اهنيك على اختيارك للأكورد لأن هذا هو الاختيار الصائب ويكفي انك اخترت سياره يابانيه اصلا وفصلا ;)

ثانيا: خذ لك v6 فل كامل وانت حاط في بطنك بطيخه صيفي :d

ومن ناحية الصرفيه لاتخاف ماتصرف واجد يعني خل بالك مرتاح من هالناحيه

ومن ناحيه الجلد والمخمل خذ لك جلد لانه افخم واحلى شكل

بس قبل لاتسوي اي شي انصحك انك تستخير وبعدها تقرر :rolleyes:

والقرار الاول والاخير بيدك :)

واتمنى انك تتوفق بقرارك ومبروووووووك مقدما والله يعطيك من خيرها ويكفيك شرها


تحياتي :d

حيـاك اخووٍيّ
بصراحه اانا اشوف مثل الشباب
الـ 6 سلنـدر افضـل من ناحية فخامـه
وتميـز يعني نادر تلقى بالشارع 6 سلنـدر


تحيتي

اخوي مادامك وصلت سعر السته سلندر

زودها 5 الاف وخذ لك افالون


عاد اذا كنت ماتبي الا الاكورد انصحك بـــ 6 سلندر ولا تأخذ الا جلد افخم



اتمنا لك التوفيق

v6 جلد

وبس

اقتباس:

---

المشاركة الأصلية كتبت بواسطة مجنون اكورد 07

^^^^^^^^^^

وين اللي عزل الصوت غير جيد الحمد لله معي سته سلندر والله العزل اوكي حتى بعد ال 120 وش تبيها زي البي ام او البانوراما وبعدين الألتيما الجديدة شكلها الغبي الأكورد احلى منها بكثير الله يصلحك كلما قلنا شي قالو التيما او اوريون الله يعين والله ان عزل الصوت تمام التمام انصحك اخوي بالسته عزمها حلو وقوية ابعد عن الالتيما لأنها ثلاث سنوات وبعدين قول باي بااااااي وبعدين وشفيها جلد الاكورد لايكون جلدها جلد غزل والألتيما جلدها جلد اسد الله يصلحك
وقبل كل شي استخييير

ولا احد يزعل مني ولا شي ترى ما قلت الا الحق :)

---

هلا اخوي ،،،

يارب ان معي اكورد 07 :d... يعني عارف عيوب السياره .. ماقلت ابغاها مثل البي ام ولا بانوراما...
ابغاها يالحبيب مثل السوناتا .. تعرف السوناتا اقل نوع الي بـ 47 الف ؟؟ بالله اركبتها وسلملي على عزل الصوت الي فيها :p...

بعدين ياخي الناس اذواق.. انا بعيني اكورد 07 شكلها خرافي واحترافي.. افضل من ال 08 ... وانا قصدت بان الالتيما افضل بالشكل من اكورد 08 ،، وللامانه عزل الصوت افضل بكثير من الاكورد ( ولا يقارن بالسوناتا )

والجلد << :d مااقصد جلد المقاعد ،، اقصد جلد الباب :d

شاكر لك تقبل الراي الآخررر

وبالنسبه لصاحب الموضوع،، خذلك ليكزيس اذا عندك 145 الف وسيبك بلا هوندا بلا نيسان

أخوي أتوكل على الله و خذلك ال v6

دامك تستشير أعضاء النادي... فأتوقع ما أحد راح يشير عليك بأم أربع...

و الله يكتب اللي فيه الخير

أنا بصراحة مؤيد لرأيك أخوي اسير المشاعر

وسبحان الله اذا شفت اليتيمه يفز قلبي عكس الاكورد

رغم ان الاكورد فخمه

___________

وبالنسبة للاخ صاحب الموضوع
فعليك اخوي بـ 6سلندر
أقوى وعزم خيالي
" وفي كلٍ خيـر "

اخي السلام عليكم انا من رأي انك تاخذ الفل ستة اذا كانت حيرتك لهذه الدرجة بحيث انشا الله ماتندم بعدين انك ما اخذتها فبالتالي تاخذ اعلى شي عشان ماتندم وكمان تاخذها جلد عشان تحس بفرق مظبوط بينك وبين الفئات الي اقل منك لأنو بعدين حتجيك فترة الملل من السيارة واخذك لأفضل شي ماراح يخليك تندم كثير انشا الله واسف للإطالة