مشكلة في الطارة - اكورد 2012

السلام عليكم ورحمة الله وبركاته .. كيف حالكم يا جماعة
انا حصلت لي مشكلة من كم يوم وودي اعرضها عليكم ممكن يكون احد مرت عليه ويفيدني لان المحلات اختلفوا فيها ..

انا عندي هوندا اكورد 2012 وكلت لي مطب خفيف صراحة ما هو قوي لاكن بعده حسيت ان الطارة تغيرت علي بحيث صارت اثقل وفيها اهتزاز بالذات لما تلف .. ايضا لما تحرك الدركسون يمين ويسار بقوة تسمع صوت ضربه لاكن الصوت ما هو قوي لابد تدقق عشان تسمعه .. المهم لما رحت للورش وبعد التشييك على السيارة اختلفوا بحيث

- المتخصصين في الدودة قالوا الدودة سليمه وما فيها شيء ولا في اي تهريب والطرمبه شغاله لان زيت الدركسون يدور بشكل سليم والسيارة تحتاج تربيط وبيروح الصوت

- ورش التربيط يقولون سدرية السيارة سليمة والمشكلة من الدودة لان صوت الطقطقه يطلع منها ..

- بالنسبة لي اكثر واحد مشيت معه واقنعني قالي الدوده سليمه والمشكلة في الذراع الداخلي + غير جلد المقصات كاملة وبتضبط عندك المشكلة

ابي اعرف رايكم ما عليكم امر

واللي عنده فكرة عن سعر الذراع الداخلي والمقصات يفيدنا ولكم جزيل الشكر