ما هو الكفر المناسب لسفيك..

السلام عليكم ورحمه الله وبركاته..

كما مكتبوب بالعنوان ماهيه افضل نوعيه كفرات لسفيك
من ناحيه الليونه والاصوات:mad:

كنت ناوي على برجستون بس بعض الشباب قالولي ابعد عنه تراه قاس
وهذاني محتار

واتمنى الفاده والمعذره اذا كان الموضوع متكرر

ولكم جزيل الشكر مقداً
سفــ 2007ــك

وعليكم السلآم

اخر مره غيرت كفراتي واخذت بونتزا ادرينالين وبصراحه الكفر ماشاء الله في غاية الروعه واهدى من حق الوكاله الي هو er30 لكن مو بشكل كبير

يعطك ربي ألف عافيه على الرد السريع..:)


وبنتضار بقيه الاعضاء

أتوقع GT radial VR يوفي للسيفيك أو Nankang

تويو

اللي انصح به

مشيلان بريسمي اتش صناعة المانيه


او بونتزا ادرينالين

بريجستون ادرنالين

واللي نصحني فيها العضو o-k-r الله يرده بالسلامة

انا ماركبتها الا لما جربت سيارته وسرعت فيها وبعدها حكمت

وطلعو عليي 1900 4 كفرات بس

يعطيكم العافيه شباب


طيب شنو رايكم بمشلان h19 صناعه برطانيه على ما اعتقد او المانيه مني متاكد

اذا محتاج كفرات فيها لمسة من القيادة الرياضية و الثبات عندك yokohama s-drive و يجي تحتها bridgestone Adrenaline...اذا محتاج كفرات أدائها ممتاز عليك ب dunlope star spec ولا Yokohama Advan AD08 و لا Bridgestone re-11 و هذي احسن شي برأيي..

ياريت اللي يحدد نوع كفرات معين يعطينا الموديل، لان كل شركة تصنع عدد كبير من الموديلات، و كل نوع يفرق عن الثاني، بالثبات و الراحة و العمر و غيره...فلما نقول "أنصحك بعجلات بريدجستون" مثلا و نسكت، ما نكون وصلنا ربع المعلومة المطلوبة،،،

بالتوفيق،،

اذا ودك في كفر هادي نسبيا ورساوته ممتازه وثباته عال العال

عليك بـ الكونتينتال سبورت 3 الرياضي ,,

صناعه المانيه ووكيله المطلق ,,

صراحه مااتوقعت الكفرات بتكون بـ هالجوده والثبات ,,

ملاحظه : اذا كنت بتركب على السيفيك مقاس 16

فانسى اغلب الانواع من الكفرات الرياضيه تبدأ من 17

و

بس

ركب كفرات مقاس 16 نوعيت تيوتو تجيك ضعيفه وعريضة انا مجربها حتى لو تمشي 140 الكفرات محافظ ع الثبات والاصوات ماتطلع....:cool:

يعطيكم ربي ألف عافيه..
كفيتووفيتو


على فكره ترى سيارتي سياحي:( يعني مقاس 15:p

السلام عليكم ورحمة الله


انا مركب برلي p7 ما شاء الله مريح بس الواحد ب 480 ريال

هلا أخوي انا مركب دنلوب نفس حق الوكاله لكن فيها صوت ازعاج شوي في السرعات العاليه.

مالك الا تويواذا جنوط الوكالة و ميشيلان اذا بتركب جنوط النوعيتين في قمة الثبات وبدون اصوات ....نصيحة من مجرب:cool:

من فترة قريبة يعني من قبل شهر رحت ادور على كفرات لسيارتي. رحت الى القوديير , بريللي , بريجيستون , كونتيننتال و الميشيلان.

طبعا سألت عن مقاس 205.55.16

-القوديير قالو لي عندنا واحد صناعة فلبينية ب185 ريال , سألت الموظف قلت له ما عندك غيرة قال لا للمقاس هذا حق سيارتك.
الكفر فاشل من ناحيه النقشة و الشكل الخلاصة ما ارتحت له ابدا مع ان سعرة رخيص جدا.

- بريللي قالي عندنا الp6000 قلت له حلو هذا كفر بريفورمانس قراند تور ( اداء رياضي جيد جدا + هدوء في الاداء ) بكم ؟؟
قالي الموظف ب 800 ريال , قلت له سلامات غالي جدا و تشكرت منه و مشيت.

-كونتيننتال قالي مو موجود عندي الحين بس في ننوعين, صناعة برتغاليه و سعرة ب300 و في صناعة المانية ب370 ريال اذا تبيهم روح الفرع الي بالدمام, طبعا خليته يوريني النقشة بس مقاس اكبر , ما عجبني.

-ميشلان قالي في برايمسي اتش بي - صناعة اسبانية ب 450 ريال, نوع الكفر قراند تور. شفت شكلة حسيت انه ممتاز

-بريجيستون شفت الادرينالين - صناعة يابانية و الله العالم من الوكيل في الدمام ب 505 ريال.نقشته خطيرة و باين عليه ممتاز

رجعت البيت و سويت بحث عن الكفرات الي شفتها و قريت كلام الناس الي مركبينهم فاستنتجت التالي :

بريجيستون ادرنالين كفر رياضي باداء عالي جدا ممتاز بس مزعج الي حد ما.
الميشلان برايمسي اتش بي كفر يمتاز باداء رياضي و هدوء في نفس الوقت.
اما الباقين ما عجبوني.

فالحمدلله ركبت الميشلان لان الكفرات الي كانت عندي بريجيسون اي ار 30 قاسية في الحفر و المطبات فما بغيت اعاني اكثر مع الادرينالين.

الحمدلله انا ماشي على الكفرات الى الان تقريبا 2000 كيلو, و اعجبت باداء الكفر , فرقت السيارة علي بشكل ملحوظ.
ان شاء الله اني ما غلطت في اي معلومة , واذا في غلط الرجاء لا تتردد في التصحيح.

معلومات مهمه يمكن تفيدك و تبعد عنك الخطر بعد رب العالمين.

(لازم تتأكد قبل ما تشتري اي كفر من اي نوع ان التراكشن ( الثبات أو الاحتكاك ) يكون a
و التمبريتشر ( الحرارة ) تكون a , و التريدوير ( مؤشر تاكل النقشة ) لازم تكون 220 و اكثر ,
و تتأكد ان تاريخ الكفر ما يكون عدا عليه اكثر من سنتين كحد اقصى و ان تسارع الكفر يكون صحيح يعني كيف؟ أذا سيارتك تمشي فيها 210 كيلومتر بالساعة فلازم اتركب نوع التسارع حقة v
يتحمل الي سرعة 240 ,اما اذا كانت سيارتك تمشي 250 لازم اركب w يتحمل 270 ,اما اذا فوق ال270 لازم اتركب y).

كل ما زادت سرعة تحمل الكفر زاد سعر الكفر.

شكرا للجميع.

انا اللي مركبهم بيرللي p7 بصراحه حلوين ونقشتهم حلوة بعد ..
انا سيارتي قاسيه في المطبات والحفر لأنها امنزله فما اقدر احكم على راحتهم ..
بس هم عندي احسن من البريجستون الا فيها مال شد بلد
قيمة الواحد 505 ريال

هنكوك بس خدو عريض وما يهمك اي منعطف :p

انا ركبت dunlope وبعد ثلات اشهر باين من الجنب محبل بس بسيط دة هل هذا طبيعى ؟

حلات السيفيك بكفرات رياضية ميرشلان

يغلق الموضوع لعدم تجاوب صاحب الموضوع مع الاعضاء :)