أبي مشورتكم مشكله غريبه جدا جدا جدا

شباب انا عندي مشكله غريبه وابي فزعتكم
معي اكورد 2006 اليوم الصباح نزلت ابي اروح الدوام شغلت السياره ماشتغلت ولا عطت سلف
منتهيه اتوقعت البطاريه فتحت الكبوت وشفت البطاريه لقيت مافيها مويه المهم جبت موية بطاريه وعبيتها وعملت اشتراك واشتغلت السياره
ولمه عشقت القير على الريوس طفت السياره وكررت الاشتراك ونفس الشي تطفي لمه اعشق السياره على الريوس او ال D
المهم رحت لمه كهربائي بلموزين قالي البطاريه خربانه وشريت وحده المهم ركبتها وشغلت السياره واشتغلت ومشيت حدود 20 كيلو على الدوام ولمه اجيت الظهر بروح البيت شغلت السياره اشتغلت بس أمبير حق Rpm ينزل ليت تحت 1 وتحس السياره بتطفي وخاصه اذا عشقت القير او شغلت المكيف
وديتها لكهربائي قالي يمكن الدنمو فحص الدنمو قالي شكله سليم ( على فكره الرجال صدمني لمه قالي انه سعر الدنمو ثلاث الاف ريال معقوله)
المهم الرجال قال خلي سيارتك وتعالي بكره وانا ماابي اتوهق بشي من كلام ابو هنود اذا في احد منكم يعرف ايش علتها ياريت مايبخل علي

ممكن تكون احدى الحساسات خربانة ..

سوي فحص بالكمبيوتر .. وشوف وش الحساس الا معه المشكلة ..

مشكور اخوي على سرعة الرد
بس ممكن شؤال ايش احسن ورشه تنصحني فيها
وكم سعر الحساس الله لايهينك

سوي فحص كمبيوتر بالوكاله
اعتقد انه 150 ريال

مر الوكالة أحسن لك من أبو هنود يقعد يطلع أشياء من عنده .......

واحد من الشباب معه اكورد 2004 صارت له مثل مشكلتك الامبير ينزل وكان السبب الغبار والعج

نظف الفلتر والثروتل بدي ورجعت تمام

او يمكن تكون مشكلة حساس مثل ماذكر بعض الاخوان والمشكله بعد فصل البطاريه اختلفت حسابات الحساس اللي يحسب كمية الهواء الداخل للمكينه وبكذا يتحكم في عدد دورات المكينه هذي احتمال تروح مع الوقت او جرب تطفي سيارتك وتشغلها اكثر من مره ( طريقه مجديه مع اغلب السيارات ) او يمكن يحتاج إعادة تهيئه وهذا اغلب ما تفعله الوكاله في مثل هذي الحالات

وان شاءالله تنحل مشكلتك بأقرب وقت

يمكن يكون من حساس الهواء ( وهذا على مااعتقد مشبوك بالقزوز )
يجي منه حساسين وقيمة الحساس الواحد بـ 1114 ريال :(

*

هلا اخوي ...

انا كانت عندي نفس المشكلة في سيارتي ... وطلع الحساس حق القير ...

اقتباس:

---

ممكن تكون احدى الحساسات خربانة ..

---

لو المشكلة حساس كانت طلعت عندك لمبة التشيك إنجين ( لمبة لونها برتقالي فوق لمبة النور ) .

إذا رحت فحصت السيارة كومبيوتر أعتقد ماراح يطلع معاك شي لأنك فصلت البطارية و لما تفصلها كل الإعدادت إللي كانت موجودة في الـ Memory حق كومبيوتر السيارة تتمسح .
الصراحة ما ودي أفتي من عندي و أطلع لك علة ما فيها , لكن أنا قلت إللي عندي و إللي أعرفه لأني كانت عندي مشكلة بحساس دعسة البنزين في السيارة و كنت لما أنزل القير على الـ D كانت السيارة تطق طقة قوية و بصوت عالي .

أحسن ودي السيارة للوكالة و أفحصها عندهم و شوف و ش بيقولون لك .

ياشباب اغلب الورش قالولي روح عيد البرمجه عند ورشة الجنوب في ام الحمام
قالي لأنها السياره فصل عنها الكهرب خربت وزنيه دعسة البنزين يقولي زمان كانت صموله نوزنها وخلاص الحين لازم كمبيوتر
وترا مافي لمبه الأنجن ماولعت
الله يستر بوديها ورشة الجنوب واشوفها
لو لاسمح الله كانت مشكله حساس ينفع اخذ من التشليح والا لا؟؟؟؟؟؟؟؟

اقتباس:

---

المشاركة الأصلية كتبت بواسطة بلا حدود

نظف الفلتر والثروتل بدي ورجعت تمام

---

أخوي فلتر الهوا وعرفنا بس وش هو الثروتل بدي وكيف انظفه:confused:

اقتباس:

---

المشاركة الأصلية كتبت بواسطة the Pirate

هلا اخوي ...

انا كانت عندي نفس المشكلة في سيارتي ... وطلع الحساس حق القير ...

---

أخوي بكم حساس القير ولازم اطلبه من الوكاله والا احصله بره

اقتباس:

---

المشاركة الأصلية كتبت بواسطة memoooo

ياشباب اغلب الورش قالولي روح عيد البرمجه عند ورشة الجنوب في ام الحمام
قالي لأنها السياره فصل عنها الكهرب خربت وزنيه دعسة البنزين يقولي زمان كانت صموله نوزنها وخلاص الحين لازم كمبيوتر
وترا مافي لمبه الأنجن ماولعت
الله يستر بوديها ورشة الجنوب واشوفها
لو لاسمح الله كانت مشكله حساس ينفع اخذ من التشليح والا لا؟؟؟؟؟؟؟؟

---

نعم الكلام صحيح

تحتاج برمجه او بالاحرى مثل ماذكرت بالرد السابق إعادة تهيئه

لا تحتاج تغيير حساس ولا شي آخر , روح الوكاله والمشكله بسيطه جداً


بالنسبه للثروتل بدي

الهواء بعد مروره خلال الفلتر يذهب الى الخانق وهو الثروتل بالانقليزي والتجويف الذي يوجد به الخانق يسمى ثروتل بدي

يعني ببساطه هذي شغله تعملها دورياً للسياره

تنظيف الفلتر وماقبله ومابعده

قبله = غطاء او صندوق الفلتر

بعده = ثروتل بدي

مشكور يااخوان على الفزعه وماقصرتو
رحت لورشة الجنوب وقالي احتمال برمجه بس قالي خليها شغاله مدة ساعيتن اذا ماظبطت وديها الوكاله عشان البرمجه
والله خليتها ساعتين والسياره رجعت تمام بس فيني وسوسه يمكن اوديها الوكاله لكن ابصبر اسبوع وبشوف

الدينمو عطلان وانا متاكد