وش سالفة شداد السير ؟؟؟؟؟!!!!!!!!!
السلام عليكم جميعا
الأثنين 25 سبتمبر , الساعة 10 مساء , الموقع , اول إشارة عن المتحف التاريخي بمدينة الرياض.
السيارة طفت علي وانا واقف عند الإشارة........شسالفة ؟؟؟؟ ما ادري
جاني واحد ما قصر وسوى اشتراك.....السيارة مو راضية تدق سلف .... شسالفة؟؟؟؟ ما ادري
انتبهت لمشكلة ثانية.....شفت بكرة طرمبة الماي تحك في شداد السير
المهم جبت كهربائي....شلنا بطارية بوفهيد وشحنا بطارية السيفيك , السيارة دقت سلف.....وشوي....تطلع الدخنة من الكبوت
على طول تذكرت الي صار لي قبل سنة......>>> انكسر علي الشداد قبل سنة http://www.racing4e.com/vb/images/smilies/frown.gif >> طبعا صلحوها على الضمان http://www.racing4e.com/vb/images/smilies/smile.gif
المهم...البكرة الحين تحك في الشداد وفرمت والديه ما قصرت....
خلينا السيارة ومشينا...
>>> زهقت من كثر الكتابة بختصر الموضوع
يوم الثلاثاء
ودينا السيارة لورشة الجنوب بالصناعية القديمة
يقولك يا طويل العمر السيارة انكسر مسمار الشداد.........مو بس انكسر....نصه طلع والثاني ضل مكانه
الحين ويش الحل........اكيد مخرطة
ولكن تعرفون السيفيك جهة المكينة وسييييييييييييييييييييييعة مررررررررررررررررررررررررررررررررررة :mad:
يعني لازم يشيلون المكينة http://www.racing4e.com/vb/images/smilies/frown.gif
قالو لي الشغل 800 ريال غير قطع الغيارة
قلت لهم خلوها عندكم
يوم الأربعاء
رحت الوكالة وقلت لهم السالفة كيت وكيت وكت كات >>> لا تلومونه جايع http://www.racing4e.com/vb/images/smilies/tongue.gif
قالو لي جبها وبنشوف...اذا يحتاج ننزل مكينة بناخذ 1000 ريال...اذا ما يحتاج بناخذ 300 ريال
قلت يبوي الفرق 200 وهذي وكالة اكيد احسن >>> طبعا الوكالة مدحو لي ورشة الجنوب وقالو لي انهم كويسين
السيارة الحين في الوكالة تطلب دعواتكم يا شباب
إن شاء الله لرجعنا الرياض يوم السبت تكون خالصة
كنتم مع يوميات مرتضى مع السيفيك http://www.racing4e.com/vb/images/smilies/tongue.gif
طبعا مقالي هذا لا يعتبر ذم في السيارة لأني ولله الحمد لمدة سنة ونص ما حطيت فيها شي غير الفحمات وفلتر الزيت وتغيير زيت القير بس وهذي إن شاء الله مشكلة وتعدي على خير وتضل السيفيك أحسن من غيرها :)
