ياشباب والله خايف من إستعمال الأكورد

أنا سمعت كثير من الشباب وبعظهم يقولون أن الهوندا تتحمل كثير وتصبر وهي أقل سيارة تتدخل الورشة
والآن بعد مادخلت الموقع وقريت عن مشاكل الهوندا والله خفت من إستعمالها
ماأدري وش النصيحة

السلام عليكم ،

كل سيارة ولها مشاكلها ،

بس لما تشوف مشاكل السيارات الثانية تهون والله قدام الهوندا ،

انا اقول لك توكل على الله ..

ولا تنسى الاستخاره ،

والله اخوي اللي اقوله لك اني امتلكت سيارات كثيرة

لكن الاكورد من اجمل ما اقتنيت وقليل اللي يعانون من المشاكل لكن لما تدخل قسم الصيانة طبيعي الواحد اذا وسوس او اذا حس بمشكلة انه يشتكي واي شركة لديها عيوب مصنعية وهوندا ميزتها انه لو فيه عيب مصنعي انهم ينادون اصحاب السيارات حتى لو موديلها تحت 2002 وهذه ميزة انهم يغيرون كل شي فيه عيب مصنعي


انا كتبت موضوع لو تبحث عنه راح تلقى ان اغلب اللي يشتكون منه الناس هنا مجرد وسوسة وغالب الشكاوى على هذا المنوال


ما انكر البعض يشتكي من القير وبعضهم الديكور لكن باقول لك شي

اشلون تبي القير يعيش وراعي السيارة يرجع ورى ويحط D بدون ما يوقف السيارة ويصير الحمل كله على الكلتش الاول في الغيار بدون ما يمسك ببعضه

القير الاوتو لا بد بعد التعشيق تكون ضاغط الفرامل مو لاجل انها ما تمشي بس لا هي لاجل ان الكلتشات تمسك ببعضها مسك قوي

اخوي انا باعترف لك بالعيوب الصحيحة اللي الكل فعليا مشتكي منها وننتظر الوكالة في التحقيق في الموضوع وهو الهوبات فقط

واتساخ منظم البخاخ السريع فقط وغير كذا السيارة ماشاء الله تبارك الله وانت لك الحرية


الكامري وكانت عندي وطلعتها وكالة وتنقص زيت وطلع مو انا بس بل من 2003 الى 2009 وهي نفس الشي


الالتيما من 2004 الى 2007 وفيها مشكلة في راس المكينة انه يبخر الموية ويخرب بعد سنتين من استخدام السيارة


المازدا عندها عيوب في المحرك


عاد ما عندك الا مرسيدس S 320 طلعها واتهنى فيها تراها روعة وغير كذا الوكيل جنااااااااااااااااااااان :d


بس حرك جيبك شوي

مو كثير




بس 250000


بدل لا تخسرها في اسهم ادفعها في مرسيدس 320 :o

^^^^^^^^^^
عمو كاكاشي سان

اتوقع قصدك تهون مشاكل الهوندا امام مشاكل السيارات الاخرى

شكرا

اخوي بلال يسلم بؤك

والله زي ماقال مسألة وسوسه

وبرضو زي ماقالوا لك انو كل سياره فيها عيوب

بس الهنادي غييير


اللهم احفظ كل سيارات الناس وخصوصا الهوندا اكورد وخصوصا خصوصا سيارتي :d

تحيااااتي

الله يعطيكم العافية ياأخوان
ماقصرتوا كفيتوا ووفيتوا

سلام ما عليك من الكلام الفاضي هاذ وانصحك هوندا وبس
هوندا وبس
وش فيه سياره غير الهوندا نظره بالله عليك
الكامري كانها اكسنت من داخل والله
فورد صاارت حقت شيباااان

والله اذا تفكر في العزم والمطارحات انسى الهوندا

ما عليكـــ منهمـــــ


وسوسهــــ × وسوسهـــــ


بعدينـــ هذا قسمـ الصيانهــــ أكيد كل واحد بيصادفهــ شي بيكتب موضوعهــ (( طبيعيــ ))


الحين أنت ما شفت (( الاريون ) وش فيها


1_ تنسيمــ في الباب << كانكـ فاتحـ الباب

2_ صوت الديكور << كانكـ راكب كرسيدا 85

وغيرهــ وغيرهــ ... الخــ


وعندكــ الاتيما


هذي الالتيما أسميها السيارهــ الموقتهـــ

يعني سنتينــ وتبدا تفكفكـ مره مسكنتـ الباب طايحهــ ورهــ الباب بكبرهــ طايحــ



خلاصة الكلامـــ


اذا عجبتكــ السيارهـــ وقتنعــ منها خذها ولا تفكر (( كل سيارهــ ولها عيبــ ))

انا مرت علي كمــ أكورد أطلعهــ من الوكالهــ يا حقتـ خويي يا حقتيــ

مرهــ واحدهــ طلعت سليمهــــ

ومرهــ وحدهـ طلعت فيها صوتــ طقطقهـ في البابا وتصليحها على الضمانــ


ولا تبي ترتاحهــ زودها وشترلكــ لكسز يكونــ أحسنـــ

السلام عليكم ورحمة الله وبركاته
ابصراحه انا امتلك اكورد 2008 وابصراحه وبكل صدق ندمت كثير على اني اشتريتها لان السياره الوحيده اللي عيوبها كثير والله ولاكن الحمدلله اني اشتريتها بنظام الاجار والان رجعتها ونصيحتي لكم بالاوريون السياره بمعنى كلمة سياره وشكرا

نصيحه يابو الشباب تويوتا ولا تدور غيرها والله صادق ونت بكيفك

يعطيكم العافية
بس والله ظعت وحترت من الردود
اللي يمدح الأكورد واللي يسبها
يعني أحسن حل وأريح الراس
أبشتري دبااااب توصيل طلبات بلا وجع راس بلا هم
من السيارات
يازينها زيناااااااااااه

اقتباس:

---

المشاركة الأصلية كتبت بواسطة ملك الطاره

نصيحه يابو الشباب تويوتا ولا تدور غيرها والله صادق ونت بكيفك

---

انا امتلكت تويوتا كامري والان رحت لهوندا اكورد والسيارة ماشاء الله خيال


تويوتا كامري موديل 2004 عنابي طلعتها وكالة ومن طلعتها الى ان بعتها وهي تاكل زيت يعني تشنبر


يعني بالعربي شنابرها تعبانة

ملاحظ انه واحد يمدح وواحد يذم ؟؟


يعني بالعربي السياره اللي تعجبك انت خذها لو انه سيكل

لان بتتعب والله وانت تتابع كلام الناس


بس معليش هنادي وبس :cool:


والله يوفقك ان شاء الله

تعقيبا على كلام اخي (ملك الطاره)
أقول كل عام وانت بخير وصحة وسلامة ..
أولا :: قول انك مو قدها ولا تقول انك ندمت انك اشتريتها..
ثانيا :: يجيك الخير وترفسه وتروح تويوتا .. افا يالعلم :mad:
ناس ماعاد تقدر :p

المهم
بالنسبة للمواضيع اللي تقراها يا راعي الموضوع
اشياء بسيطة وخرابات عاطفيه للسيارة>>:rolleyes:
بس صاحب السيارة يكبر الموضوع
لانها سيارته ويدقق في اي صوت فيها ..
وبعدين مو معقول سيارة تشتريها جديده يكون فيها خرابات
الخرابات حسب استعمالك..
فاذا بتشتري اكورد اشتري وانت مغمض:cool:
واذا تبي تجرب سيارتي تحت امرك:)

تقبل عبوري حدودي

انا صراحه اترجم حالة ملك الطاره بأنه كان وده بسياره ثانيه بس ماقدر وشاف قدامه الاكورد وشراها وهنا الاكورد زعلت عليه قالت انا ماني حقت تمشية حال --- لبى قلبها


عشان كذا قال انه ندمان على شراءها

لكن لونه مخطط على اكورد ويعشق هالسياره كان ماندم وكانت مشت معاه صح

ابوك يالتحليل :d

الهنااااااااااااادي وبس


ولانتسى الاستخااااره


والله يوفقك

رابط اناس عندهم مشاكل في تويوتا بس ما ادري الادارة تسمح احط روابط ولا لا


بس دامنا هونداويين ماراح نلتفت للمنتدى هذا بس لاجل نشوف مع بعض مشاكل تويوتا مقارنة بهوندا ونتحمد رب العالمين


http://www.toyota4arab.com/forum/t72321.html

وايضا


http://www.toyota4arab.com/forum/t74003.html


وايضا


http://www.toyota4arab.com/forum/t65156.html



وايضا




http://www.toyota4arab.com/forum/t67703.html



وايضا مشكلة الفحمات في تويوتا واللي تخليك تغيرها كل ستة شهور مثل الكامري اللي كانت عندي


http://www.toyota4arab.com/forum/t65205.html



وايضا



http://www.toyota4arab.com/forum/t56257.html




واللي يقول ان تويوتا 2002 هي الروعة وهي افضل شي ادخل الرابط تحت وتعرف


http://www.toyotaproblems.com/Camry/



وهذا منتدى اجنبي وفيه شكاوى على الكامري الين تقول بس



http://townhall-talk.edmunds.com/direct/view/.f0c6927/0



احصائية لمشكلة كامري 2007 في القير واعطاله وكثرة شكاواه



http://www.carcomplaints.com/Toyota/Camry/2007/

جزاكم الله ألف خير
والله ماقصرتوا ياشباب
على التوضيح

انا اقول لك الهوندا لها عيبين وهما الاقمشه والهوبات ..

اما الباقي السيارهـ ماشاء الله تبارك الرحمن سيارهـ ولا في الاحلام ..

وفي عيب رئيسي نسيت اقوله لك الصيانه كلش تعبانه ونصابين

وتويوتا سيارهـ وهوندا سيارهـ بس هوندا اجود بشوي من تويوتا

سلام عليكم شوف اخوي ((صاحب الموضوع)) بصراحه تامه اقول لك تجربتي يوم جيت اشتري سياره فكرت في التويوتا والهوندا بس بصراحه تامه الهوندا غير يعني تسميها (هوندا غير) على مسمى جده غير:d ودخلت المنتدى وقريت كل المشاكل اللي الموجوده في الاكورد لاكن تبقى اسهم الاكورد عندي مرتفعه واحسن من التويوتا برغم كل المشاكل وفكرت من كل النواحي يعني اكثر المشاكل من كثر استخدام السياره وبخصوص الديكور يعني كلها يسوها على الضمان وهي مره واحده ويروح الصوت
الخلاصه انصحك في الهوندا سياره شبابيه عائليه سياره بمعنى الكلمه صح هناك بعض المشاكل وكل سياره توجد فيها مشكله يعني خلينا نروح شويه بعيد ونقول كيف جوال نوكيا N95 اكيد الاعضاء لهم رائي وكل واحد له رائي يعني اللي يقول كويس واللي يقول وعملي وناس تقول تعبان لاكن هناك اهم شي قرار صاحب الموضوع

أشكركم جميعاً

طيب خذ تجربتي من طلعت على الدنيا وسياراتي كلها تويوتا اخرها كامري فكيتهاجديدة وبعتها بعد استخدام 6 سنوات والسبب

نقص زيت ماهو طبيعي يعني 700 كيلو تروح علبة وين مدري يعني اعبي بنزين وكرتون زيت من المحطة ماصارت ومع ذلك

السيارة بنظري حلوة بس بعد ماجربت الاكورد حسييييييت اني ضاااااااااااايع وملعوب علي :c022:باللي اسمها الكامري ثلاث

ارباع الشعب شارينها علشان انها تويوتا الرساوة معدومة اخف من الريشة كأنك راكب سيارة ورق (قرطاسة) فرامل غبي ياخي

كنت أسمع ان الاكورد تخلص فحماتها بسرعة طبعآ الخلفية وقالوا انه عيب مصنعي بس بعد ماسألت واحد كم تجلس وتخرب قال والله

مشيت عليها 20 الف يعني 8 شهور وخلصت الفحمات الخلفية والامامية مشيت 60 الف قلت ياليت انهم يعرفون معاناتي مع الكامري

كل اربع شهور طقم فحمات اصلي من عبداللطيف جميل يازينهاويازين خللها المصنعي ديكور تكسر مراتب مريضه طبعآ كل هذا بعد ما

جربت الاكورد اول كنت راضي بس اللحين حقدت على تويوتا إللي لعبت علي سنين راح عمري وانا من هايلوكس للجيب لكامري

بلاتويوتا بلا استراليا بلاهم للعملمك في بعض اجزاء من الطبلون بالكامري 2007 وطالع صناعة صيني ياعمي شل التويوتا من راسك

إلا الجيب شي ثاني هذا إللي فلحوا به النسيان أردى وأردى يهربد ويطيح سعره و الشباب قابين بالألتيما علشن أشياء تافهه لعبوا عليهم

تشغيل ذكي و بصمة ومكينة طيارة بس حدها سنه ونص أن كثرت والمازدا أزعجونا بها وهي فقر ماتنفع بريال ضيقة وطلونهاوديكورها

يجيب الاكتئاب الكلام مايخلص بس ترا كل الكلام إللي تسعمه أغلبه وسوسه الموتر مايعلى عليه والزين مايكمل حلاه يعني لازم شوية

ملاحظات بس موتر بالنهاية يعطيك

اقتباس:

---

المشاركة الأصلية كتبت بواسطة sul6an coool

والله اذا تفكر في العزم والمطارحات انسى الهوندا

---

والله الاكورد من افضل السيارات
لاكن الجديد عيبه فقط في العزم
لاكن فيه بعض الشباب سياراتهم جدا نشيطة مشاء الله
وانا عندي اكوورد 2009 وانصحك لاتدور غيره :cool:

توكل على الله
غير هوندا لاتدور
إسأل مجرب ولا تسأل طبييييييب