تتوقع مثل هذي تنباع بسعر طيب !
السلام عليكم ورحمة الله وبركاته
عشان ما أطول عليكم بالموضوع أول شي : يارب ما تتورطون وتطيحون مثلي !!!
بالمختصر : كان عندي أكورد 2006 سياحي ونظيف بالمره حبيت أغير وجاني فيها سعر طيب وراحت برزقها ووصيت واحد من أقاربي بجده يشوف لي وحده عينتها بأحد المواقع . وبعد إجراء أكثر من اتصال عليه تأكد الخبر أنها 2007 فل مخمل فيها رش بسيط بالرفرف الأيسر !
وراح صاحبي وشاف السياره واتصل علي وقال لي توكل على الله السياره نظيفه بالمره وماشية 89 وداخليتها نظيفه بالمره وووو ...:d
وارسلت الدراهم وشريت الموتر و بعدها كانت المفاجأه:eek:!!
طلعت السياره جاتها صدمه بالرفرف والكبوت وطلع الارباق حق السواق والراكب وشوي وشوي طلع لي صوت طقطقه بالمقصات ويوم بعد يوم وطلع إن الصامات مفككه أطرافها والشمعات غير موزونه , وحدث ولا حرج !!
وبصراحه فرق بينها وبين اللي بعتها الأوله . والحين نفسي طلعت منها ولا صرت أطيقها وودي أبيعها تتوقعون كم تجيب سعر .
علماً بأن البودي نظيف والرش اللي فيه رائع وقريب 90%
وسلامتكم وعذراً على الإطاله ..:(