السلام عليكم ورحمة الله وبركاته
اخواني مكيف السياره ذبحني بالمررررره
طبعا سيارتي كورد 2010 مطلعها على يدي
وكانت رائحه المكيف مهنا احسن منها
لكن الان اعوذ بالله كأنك داخل وراكب زباله ولكم الكرامه من رائحه المكيف ازعجتني وكل من ركب معي يشتكي الحال
وأشتريت معطر للمكيف وكل شي بس للاسف للحين الرائحه موجوده بالمكييف
احياناا امششي بهالحررر اقول احسن لي من رائحة المكيف النتنه
فياليت من عنده خبره عنه وكيف يتم تنظيف المكيف وماذا افعل به ارجووكم ...؟
نظف الفلتربإستمرار و إن شاء الله تنحل مشكلتك
طريقة فك و تنظيف فلتر المكيف
الخطوة الأولى :
أدفع بإتجاه الأسهم .. كما هو موضح في الصورة
-
-
الخطوة الثانية
سيظهر لك مدخل الفلتر .. ادفع مكان الأسهم كما هو موضح في الصورة .. يوجد في اقصى اليسار فيش اخضر .. انتبه فصله يسبب تعطيل عمل الكمبرسور .. ولأعادة تفعيلة في حال فصلته عن طريق الخطأ والسيارة تعمل يتوجب عليك اطفاء السيارة ونزع المفتاح واعادة تركيبه ومن ثم تشغيل السيارة مجدداً
-
-
الخطوة الثالثة
قم بسحب صينية الفلتر للخارج وسوف يظهر لك كم بالصورة .. قم بتنظيفه بالهواء المضغوط ..
والشكر موصول لمن قام بشرح وتصوير الطريق للعضو ( الهادف )
كذلك طريقة أخرى يمكن أوضح
http://jeeppatriot.com/forum/picture...pictureid=1233
عملية التنظيف لا بد أن تكون دورية
يعني كل ما غيرت زيت طلع الفلتر كما هو مشروح فوق وقل للبنشري ينفخه بالهواء
ولو تضيف عليه شوي من الزيت العطري وليس الكولونيا لتعطيك رائحة جميلة
وسلام
اخوي حط معطر جو على المكيف فوقه او حوله لأنه يسحب الريحة
انا شاري معطر جو وحاطه على المكيف >>اللي يجي اكياس وينباع في سوق والله ناسي وش اسمه
ومخلص من ايام وماشاء الله الحين اذا شغلت المكيف الريحة والله تطلع من المكيف
وألله كل ماغيرت الزيت خليته ينفخه ويطلعه
والحين لي تقريبا حول شهـر ونص اخر مرره غيرت الزيت
ووضعت حق الرائحه لكن للاسف ماعمل شي
واليوم ان شاءالله بحاول انظفه وأزيد من الرائحه الجميله
الف شكر لكم
يعطيكم العافيه
سوي تنظيف وتعقيم مجاري المكيف بالوكالة
ترا ممتازه وفرقت معاي ,, تحس المكيف فرش
انا بجرب افك فلتر الهواء وانقعه بموية زمزم :p
الطريقة اللي استخدمتها عشان الريحة والحمدلله افتكيت منها،،، هي كل مامسكت خط سفر افتح الهوايه واخلي المكيف على واحد،،، طبعا الممشى لايقل عن 180 الى 200 خل الهوا ينفض المكيف
الحمدلله ماعاد رجعت الريحه،،، وتراها بكتيريا تترسب بالمكيف يعني خطرة على الجهاز التنفسي
^ ^ ^
ههههههههٌ
أن شاءالله بسويها بعد شووويُ وأذ جاني شي لاسمح الله كـله منـكٌ خخخ
الف شكر على المعلومه