عرض للطباعة
السلام عليكم ورحمة الله وبركاته
كل عام وانتم بخير :)
شباب ابي شوركم في لون الاكورد بصراحة احترت كثير بين الالوان
ومادخل مزاجي الا لونين البني و االلؤلوي .
ثاني شي محتار بين الفل بدون شاشة مقاعد مخمل وبين الاسبيشل
واحد من خوياني نصحني بالاسبيشل يقول الفل الجنط 17 قاسي مع المطبات +المكيف الالكتروني مشاكله كثير <<<<صحيح هالكلام ؟
اخيرا
الاسبيشل كاش في المعارض 88000 ريال
والفل لقيت شخص يبي كاش وقالي اطلعلك فل من الوكاله باسمك واللون اللي تبيه 97000 ريال
عطوني ارائكم شباب ... وشكرا
وعليكم السلام ورحمة الله وبركاته ...
يالغالي انصحك بالبني لانه لون جديد ويكون واضح انه 2011 :)
وبالنسبه للمكيف الالكتروني لامشاكله كثيره ولاهم يحزنون انا عندي 2005 وماشاء الله زي الحلاوه :cool:
وانصحك بالفل والله يوفقك ,,,
انا عندي فل 2011 عودي ما شاء الله والسيارة ليها شهر ونص والحمد لله كله تمام والجنط 17 انا ما لاحظت انو قاسي بس المشكلة فيه انو لما تبغى تجي تغير كفرات يكون سعرها عالي شوي وانصحك بالون البني احلى من الؤلؤي*
أهم شي قناعتك الشخصية
من شاور الناس شاركهم عقولهم
استخير الله عز وجل وشوف وين ربك يكتب لك الخير
اقتباس:
المشاركة الأصلية كتبت بواسطة ل ن م 311
:cool:
نصيحتي ..
الفئة : فل كامل .. اللون : عودي ][ بني ][
والله وانا اخووك الالوان الغامقه لها رزتها وهيبتها لكن اذا ما اعتنيت بها راح تتعبك مع مرور الوقت انا افضل لك اللون اللؤلؤي ولك حريه الاختيار
اما من ناحيه فل والا اسبيشيل اذا عندك مقدره على الفل توكل ع الله انا معي سبيشيل 2009 والحمد لله مبسوووووط
ومبروووووك مقدما والله يطرح فيها الخير والبركة
الفل وبس اسمع شوري
واللون والله البني شي شي شي بس مشكله يببي له عنايه
واللون الؤلؤي حلو برضوه ومايبين فيه الوساخ ويمسك القيمه اكثر بس منتشر كثير وماتحس ان فيه تميز
أولا . . ربنا يكتب لك اللي فيه الخير
ثانيا . . إذا تقدر إشتري الفل بدون شاشة ومخمل
وحتى لو بدون مقاعد أفضل و أزين من السبيشل بكثيييير
ثالثا . . بالنسبة للون فأنا أفضل البني على اللؤلؤي
رابعا . . بالنسبة للجنط فصدقني مافيه لا قساوة ولا شي
وبالعكس فخامة و كشخة
خامسا . . وأخيرا وبالنسبة للمكيف الإلكتروني ترى مافيه
لا مشاكل ولاشي و إذا حصلت مشكلة نادرة لايمكن تعميمها
تقبل تحياتي
الشور الاول والاخير لك انت
بس انا من رايي ان البني جميل ولكن!! متعب جداً لازم تعتني فيه من ناحيت الغسيل
وبعد فتره راح يكون ممل مع السنوات والمديلات القادمه
لكن اللؤلوي مايبين فيه الوسخ ويبقى جميل على مر الاعوام
والله يكتب لك اللي فيه الخيره.
( لاتنسى تستخير الله )
مشكورين شباب بيض الله وجيهكم ماقصرتو