علاقـة البنات بالكورة .. مثل علاقة البطـة بالأكورد " مباراة منتخبنا اليوم كمثال"
كلهن مالهن علاقة ببعض
اولا احب اصبح وامسي على الأعضاء .. مبطين عنهم .. واحسن الله عزاكم بمباراة اليوم
مايرفعن ضغطي مثل البنات اللي مسويات فيها يتابعن كرة القدم ولا يشجعن فريق معين
لأنه من خلال متابعتي لهن .. اتضح لي انهن ما يفقهن شي بالكورة .. واحتكاكهن بالكورة مجرد تقليد للرجال الموجودين معها بالبيت لا أكثر ..
أو لاعجابهن بلاعب معين .. مثل الكابتن ياسر القحطاني اللي لحد الان انا مستغرب وشلون يقولون عنه وسيم .. " الظاهر لأنه مرمي بين كومة هالعبند " :d
اذكر مرة أسولف مع أنثى بالماسنجر همن تقول لي انها " مشجعه هلالية متعصبة موووووووووت .. ودمها أزرق " .. ولما أسألها أي سؤال بسيط عن النادي ما تعرف تجاوب .. مهوب عن النادي بس .. أسالها عن قوانين الكورة ولا تعرف تجاوب .. أو بعض الاحيان تقعد تقترح اقتراحات غبيه .. !
ومن الاقتراحات الحلوة اللي مرت علي :
تفاريسه : انا هالاغبيااااااء اللي باداراة النادي مره مو عاجبيني
أنا : ليه ؟
تفاريسه : أغبياء مرة .. يعني ليش بس يلعبون باثنين أو ثلاثه محترفين ..
انا : وراه .. كم تبين يلعبون
تفاريسه : ليش ما يلعبو بعشره .. بكذا نظمن الفوز
أنا : ( قاعد أدور زر البلوك ) !
وتو قاعد اسولف مع وحدة صاجتنا من اسبوع على مباراة المنتخب التعيس مع الكواريا ..
أنا : شفتي مباراة منتخبنا مع كوريا اليوم
(h) صدفه ومن بين كل الناس قابلتك (h) : بالله من جدك المنتخب لعب اليوم .. يوووووه صححح فاتتني المباراة قهرررر ناسيه
أنا : ايه لعب مع الكواريا وخسرنا ..
(h) صدفه ومن بين كل الناس قابلتك (h) : لااااا لاتقوووله .. طيب يسووور وسامي جابو أهداف ؟!!
أنا : لا ياسر مالعب اليوم عشانه مصاب ..( وسامي معتزل يالدبشة ! )
(h) صدفه ومن بين كل الناس قابلتك (h) : اييييه صح نسيت .. مايشوف شر يسوري .. لو هو موجود بالمباراة كان جاب هدف بالدبل ..
أنا : ايه ايه بالدبل ( يا صبر الأرض ) !
عاد هي قعدت تنزل أيقونات حزينات أشكال والوان الحزن اللي مقطعها الحين .. وبـ نص تنزيل الايقونات صكيتها حظر !
والله اني دايم أقول خلاص ما عاد أبضيف هالبنات " الدلخات " .. لكن ما أقدر .. يبقى بداخلي " سعودي صغير مشفوح " :d
