عرض للطباعة
السلام عليكم شباااااب كيفكم عساكم طيبين موضوعي باختصاار
سيارتي طبعا راضي عنها ولله الحمد ولكن مشكله وحده قاهرتني
وهي صوت الحنه اللي فيها لما تكون دوبك ماشي او تكون ماشي على مهلك وش سبب الصوت دا؟ هل هو علبه الدركسون ولا من شي تاني علما اني غيرت علبه الدركسون في الشركه مره على الضمان والفتره الاخيره دي بعد صيانه ال 100 الف احس كل بعد فتره زيت الدركسون ينقص ليش طيب ارجوكم افيدوني على العام والخاص تحياتي لكم
أنا عندي صوت الحنة لكن ما أدري من وين
مع ان الطرمبة خربت و بغيرها بعد العيد :d
بس الصوت هذا الورش تقول من الجير و ما يضر :confused:
على العموم أنا بغيرها بعد العيد و ان شاء الله يروح الصوت و أرد لك خبر باللي يصير معي
الله يعينك اخوي
وانا كمان عندي نفس المشكله .. بس زيت الدركسون اشيك عليه كل فترة وفترة ما اشوفه ينقص اي شيء
مدري ايش المشكله فيه احد يقدر يفتينا ...
انا مثلك عندي هالصووت ووااضح مرة
توقعتها من الطرمبة صلحتها ولانفع
انا شاك بالقير لان زيتة ناقص بعبيه واشوف
طيب الله يجزاكم بالخيير وننتظر وش يصير معاكم بس خبرونا يعطيكم العافيه ولو على الخاص وننتظر باقي الاعضاااء تحياتي لكم
زيت الدركسون ( زايد ) عن حده الطبيعي وشوف بنفسك وراح تلاحظه
نقص الزيت وخله تحت الحد الاعلى بشوي وبتضبط امورك
وراح تلاحظ ثقل الدركسون عند السرعه العاليه
من واقع تجربه زدت الزيت وصارت عندي الحنه والدركسون مايثقل
بس رحت لبشري وخليته يسحب من الزيت لين الحط الطبيعي وضبط الحمد لله
الحنه حسب توقعي الاول من سير المكينه الداخلي وهذا طبيعي
لانها الاربعه سلندر مافيها جنزير السته بس فيها جنزير داخلي
السبب الثاني ممكن القير وهو يكون بعد التغير من 2 الى 3 عادي
اذا ماحنت السياره معناه فيه مشكله الي عندو فورد يركز في صوت
يسمع صوت حنه قي القير حق الفورد من 1 الى 2 واذا ماسمع
حنه معناه مشكله في القير
تحياتي للجميع وكل عام وانتم بخير :)
هلا اخوي انا عندي نفس الحنة اول ما احرك السيارة
بس ما ادري من ايش شكلي بروح الوكالة واشوف
وياريت الشباب يفيدونا
تحياتي لكم يعطيكم العافيه على المشاركات ونتمنى المزيد من المشاركات
وبالنسبه لزيت الدركسون كان ناقص عندي وفيه حنه وزت عبيته شوي وبرضو فيه حنه مدري وش المشكله
ما ادري الاكورد 6 سلندر فيها دي الحنه كمان ولا الاربع بس ارجو افادتي يااصحاب الــv6 لانو لو السته سلندر مافيها صوت الحنه دي راح نحول عليها انشاء الله
الحنه حسب توقعي الاول من سير المكينه الداخلي وهذا طبيعي
لانها الاربعه سلندر مافيها جنزير السته بس فيها جنزير داخلي
السبب الثاني ممكن القير وهو يكون بعد التغير من 2 الى 3 عادي
اذا ماحنت السياره معناه فيه مشكله الي عندو فورد يركز في صوت
يسمع صوت حنه قي القير حق الفورد من 1 الى 2 واذا ماسمع
حنه معناه مشكله في القير
تحياتي للجميع وكل عام وانتم بخير :) ( اقتباس من Swat )
العكس صحيح
الاكورد 4سلندر هي جنزير داخل المكينه وليس سير تايمن
اما الاكورد 6 سلندر هي سير ربل داخل المكينه
وليس له علاقه بالحنه
الحنه لها سببين
الاول
من طرمبه الدركسون
الثاني
من كلتشات القير
شكرا على التنبيه جاكي :cool:
لا تغيرون طرمبات دريكسون ولا تعبون زيت ولاتنقصونه ..
حنة الاكورد شي معروف وهذا عيب موجود في الاكورد من 2003 وفوق ..
وباختصار الصوت يطلع من القير ., وبالتحديد من تروس القير وهذا نتيجة تآكل أطراف التروس المسننه .. ممايسبب الصوت الي يطلع من 0 - 40 او الى 50
ولكن ماعلى السياره خوف منه لأنه مايضر ان شاء الله .. وسيارتي فيها هالصوت من اول سنه شريتها والحمد لله ماشفت منها شي من ناحية القير
اقتباس:
المشاركة الأصلية كتبت بواسطة أكورداوي
أنا كان عندي بصيص أمل ان الصوت يروح بعد تغيير الطرمبة لكن انت حطمتني تحطيييييم :d
على العموم طقت عندي الطرمبة بصدرها و خربت أمس :mad: حتى عيدت بدون سيارة و بكره بغيرها :(
تسلملي اكورداوي يعطيك العافيه على المعلومه الحلوه تم شكرك
انا معي اكورد 2008 يطلع معي صوت حنه من بداية ما امشي الى سرعة تقريبا 60 ويختفي بعدها ويطلع بعض الاحيان رجه عند اللفات ، وعندي الطرنبة تهرب وديتها امس الصناعية القديمة لورشة الجنوب وقالي تحتاج توظيب قير !!!! وتغيير لطرنبة البنزين.
وش العلم الأكيد هل المشكلة من القير ولا من الطرنبة ؟ علما اني اذا وضعت القير على n يختفي الصوت
تحياتي.
عن نفسي مقتنع جدا ان الحنة من الطرمبة
لان لما يكون القير ان يطع وباي حالة
ومايختفي الصوت الا اذا زاد الار بي ام عم 2 ونص
انا الصوت يختفي مع التغيير الرابع. وش الحل ياشبا
تم تغيير طرمبة الدركسون كاملة و للأسف ما راح الصوت :(