عرض للطباعة
السلام عليكم
كنت طالع مشوار ويجي قدامي سياره وتطلع من كفراته ذررره حصاه وتجي على القزازه الي قدام
في الزاويه وتكسر واقصد في الكسر الي حد وكل يوم يزود
ورحت لمحل قزاز قلت سو لي حدود عليها عشان مايزود قال رح للرياض ويزينون لك القزازه
لانها حرام قزازه وكاله وتغير وووو
وابي استشيركم وين افضل مكان في الرياض يصلح الكسور
وكم سعر القزازه الاماميه في الوكاله او احد الموزعين
السالم في الصناعية القديمه
رح عنده وهو بيضبطك شغله 100% :cool:
القزازه قيمتها فوق الـ 1600 ريال بالوكاله
بالمحلات قيمتها 450 ريال صناعه وطنيه
الحل انك تجي للرياض بالصناعيه فيه محل دكتور الزجاج .. طبيب الزجاج يلحم لك الكسر ويختفي بنسبه 85%
بس المفروض ماتتاخر عليهم وتحط شطرطون شفاف على الكسر عشان مايدخل غبار .. تعال بدري صلحه
انا اشوف التجاري ركبته نوعه فنلدي او قريب من دي الدول
قيمته 350 و ضمان سنه على التركيب و الحمدالله الان مركبه ليا فتره طويله و ما اشتكيت من شي
اذكر فيه محل على خريص
اسمه دكتور الزجاج
رحله وإن شاءالله تنحل مشكلتك
دكتور الزجاج أنا مجربة ونتيجة عجييييييييييييييييييييييييييبة .. انصحك وبقوة ..
تكلفك من 80 إلى 140 على حسب حجم الكسر (التشعّر) ,,
بالنسبة لقيمة القزاز سألت في الوكاله حصلته بـ 2800 ريـال مع التركيب
كثرالله خيركم ماقصرتو
بس ابي مكان دكتور الزجاج وين محله بالظبط
وكم مده التصليح وهل اذا كان التشعر من بدايه لين وسط القزازه تصلح تتوقعون
انت صلح اللي قلت لك عليه واذا جيت للرياض دق علي اوصف لك اسهل من السواليفاقتباس:
المفروض ماتتاخر عليهم وتحط شطرطون شفاف على الكسر عشان مايدخل غبار .. تعال بدري صلحه
ارسل لي تذكير ورقمك ع الخاص
شطحه برا الموضوع : انت تطلب من الناس تشكرك وانت ماشكرت احد خصوصا بهالموضوعاقتباس:
اتمنى من يعجبه ردي ان يضغظ على شكرآ لك
وفر فلوسك ومر على دكتور الزجاج في البداية وشف وش يقولك والمسافر ماقصر بيض الله وجهه جاهز يخدمك
المسافر ترا التوقيع قديم بالحيييل وناسي كيف طريقه الشكر
مانيب مرابط في المنتدى
وش السالفه شباب لازم يعني اجيكم وتدلوني ههههه يعني هذا المحل ماله لوحه ماله شي
المحل بالصناعيه القديمه قبل اشاره السالم للزجاج وانت جاي من طريق الخرج (العزيزيه)
طيب لو انا جاي من الشمال
خلنا نقول من طريق الملك فهد شمال
افضل حل لاركبت القزاز الامامي وانت راعي خطوط ... تضلله عازل حراري شفاف ... يحمي لك القزاز ويقويه شوي من الحصى الصغير اللي يتطاير بسبب كفرات السيارات الي قدامك .... وغير كذا حط في بالك ان صوت الهواء بيكون اقوى لاصرت مركب قزاز تجاري ...
الشباب ماقصروا معك ...سجل عندك نصيحتين سفري
نصيحه لا تتاخر بتصليح الكسر لانك لو تاخرت اثار الكسر ماتروح نهائياا لان يدخل في الكسر ذرات غبار
ولو صلحته بدرري تروح الاثار بنسبه كبيره
نصيحه ثانيه ...احتفظ بورقة الاصلاح معك عشان اذا جيت تفحص السياره
بعد وقت طويل وفي اسوأ الضروف يجيك واحد نشبه يقولك غير القزاز عشان الكسر توريه الورقه ...وسلامتك
طبيب الزجاج فرع جده مسوي عنده كسر طوله شبر ونص (وحده قياس جديده) وعليه ضمان وشغلهم ممتاز
شباب انا يوم ضللت القزاز الامامي صار فيه خدوش هل فيه محل يصلح هالخدوش ول لا .. وشكرا
في محل يحط لك ماده زي الصمغ ويجيب شي زي المقص وبعدين يسحب الماده بطريقه غريبه وبعدين يختفي الكسر الموجود ولا كأنه صاير اي شي .. ويكلفك 100 ريال بالضبط انا صارلي نفس الي صارلك بالضبط لكن المحل بالمنطقة الشرقية للأسف :( ..
والله يكون بعونك ياااارب ....
اخوك / العشاق