عرض للطباعة
السلام عليكم ورحمه الله وبركاته
شباب وانا انلف في معارض جده لقيت
1 - اكورد فل كامل جلد 2009 زيرو مظلل جونسون مطلوب فيه 92000 بس عيبها اللون فضي
السياره واقفه حوالي 3 اشهر في المعرض وانا شايفها
يعني السعر يمكن ينزل فيه شوي
اسم المعرض الصقور
2 -اكورد فل كامل جلد2009 زيرو ابيض لولي
معرض الهذلي ب96000
معرض السحاب ب97000
اخوي هذي الاكورد اللي تتكلم عنها انا شفتها ماشيه 300 كيلو وسعرها زاد الحين 93000
وانا ادور في المعارض اكورد عودي فل كامل اذا تعرف معرض يبيع اللون ذا اعطيني خبر
أكورد 2009 فل كامل جلد في الوكالة بـ99400 تقريبا
الفضي صراحة سعره مغري دام إنه على الزيرو
طيب كم سرندل 4 أو 6 ؟
إذا 6 سرندل سعرها حلو ....
والله الفضي اذا كان فل كااااااااامل سواء 4 او 6 حلوووووووو ونادر ميزته لاننا طفشنا والله طفشنا من اللؤلؤي
وعندك العنابي والرمادي خوقااااااااااااااااق ونصيحه من اخو اذا بتشتري سياره اشتر مره وحده و اللون اللي براسك
لا تاخذ الفضي وهو ماخش مزاجك علشان فرق كم الف وبعدين دافع 92 الف بتوقف على 4 الاف ..؟؟
ونصيحه ياليت لو تفكر في العنابي والرمادي والاسود .. واتمنى لك التوفيق اخوي .. تحياتي
اذا بتاخذ لون لؤلؤي وتحط تظليله بني فاتح من تظليلة Glass Toe بتشوف الخوقاق من جد .. لكن بصراحه الفضي مو حلو أبدا .. عندك أيضا العنابي جميل جدا لكن هذا بيكون أول سنه وبعد كذا بتبهت لمعته مع الشمس وكثر الغسيل .. اضافة الى انه اي سياره توقف جنبك ويفتح بزر من بزارين صاحبها الباب بتشوف وبوضوح انواع الدقشات في البدي .. لكن اللؤلوي جدير بإخفاء أية دقشات من تلك ... لكن بالأخير يبقى المزاج هو المسيطر على الموضوع ... يبقى شيء أخر .. أياك ثم إياك أن تشتري اربع سلندر بهذا المبلغ الكاش حدود 97 ألف .. توجد أكوردات سته سلندر كثيره وماشيه قليل جدا ... جرب احداهن والله انك لسوف تقول مجنون انا اشتري اربعه سلندر بهذا المبلغ .. أن لم تجد فانظر الى مازدا سته سلندر بقوة 3700 حصان ذات القوة الجبارة والشكل الفخم ونفس الجودة اليابانية بالإضافة الى اللون الصعب ...
حقيقة انا لو لدي مبلغ كاش كنت تدلعت ما بين السيارات واخترت الانسب منها .لكن حدنا الله على التقسيط ولذا مالنا الا اكورد سبيشل وتخب علينا .