شهادة حق لا بد من ذكرها (للأمانة) صيانة جدة
أبشركم اليوم وديت السيارة لصيانة 1000 كيلو
بصراحة أنا كنت شايل هم ؟؟؟؟
بس لما رحت الصيانة فرع طريق الميناء - جدة رغم إن المبناني قديمة شوي وصغيرة نوعا ما!!!!!!
اللي فرحني صراحة وارتحت منه جدا هو حسن المقابلة والإهتمام من اول ما تدخل السيارة
يعني تحصل واحد يستقبلك برا بإبتسامة !!! ولما تدخل داخل تحصل واحد ثاني يستقبلك وخدمة سريعة
والله أنك لو تروح معصب ناوي عليهم يخلونك تنسى الزعل زي ما نسوني الزعل والقهر اللي كان معاي
بسبب السيارة (طبعا انا معاي اكورد 2008 فل فيها حذفة يمين شوي وشاحن الجوال ما يشتغل ) بس صراحة والله أنهم يبيضون الوجه
أخص بالشكر للمهندس فيصل والأخ نواف مستقبل العملاء في الداخل والله أنهم لما يخدمون الواحد تحس أنهم يعرفونه والا واسطة وهو على باب الله ( مثلي أنا )
( شهادة حق للأمانة )
هم شكلهم يطبقون المثل ( لاقيني ولا تغديني )
