ملاحظة / عند تغيير علبة الفيوز + الضفيرة

السلام عليكم ..
صباح الخير ..
قبل فتره وديت سيارتي صيانة 100 ألف كيلو ..
حسب موضوعي الموجود في المنتدى
http://www.hondaarabia.com/club/t48278/

طبعاً بعد ماعملو الصيانة وعدوني على آسآس
يتصلو عليه آدا وصلتهم علبة الفيوز ..
ومن يومين آتصلو عليا وقالولي تعال وجبت السياره
عندهم وركبولي الفيوز ..

الملاحظة ..

لما أكبس العالي يجيني صوت ناحية الدرج ( تك تك تك
كل ما كبست العالي يطلع تك

ونفس الشئ لما اشغل الواطي ..
اتصلت ع المهندس في الشركه وقالي دا شئ طبيعي
تعال وانا اسمعك نفس الصوت في سيارتي ..؟

طيب غريبه مالها حل ..
حجلس انا اسمع ام الصوت دا كل مااعمل العالي
وهل فيه طريقه لاخفائه ؟


كل الشكر

طيب انت طلبت منهم تغير علبة الفيوز ليش؟

هل كان العالي يعلق عندك؟

حسب مااعلم ان الوكالة الآن ماتغير العلبة مع ان المفترض انها تتغير لكن الوكالة فيها طمع - جشع - عدم إهتمام واللامبالاة..

لأن تعليق العالي عيب مصنعي واضح في الاكورد 06-07 محد يقدر ينكر لأن كثير ناس تضررت وانا منهم.. :mad:

الآن الوكالة تركب لك كتاوت او فيوز حق العالي وقتها يبدأ تطلع عندك أصوات التكتكه وقت التشغيل الواطي والعالي, نصيحه لكل إلي واجهتهم المشكلة لا تروح الوكالة ترى ماوراها إلا الدجه والنصب قسم بالله فيه ناس راحت حقوقهم لكن ربي حسيبهم والله بالمرصاد الله يسلط عليهم إن كانوا ظالمين..


وكلام المهندس موب صحيح لأن تشغيل النور للسيارة الغير متضرره صوته جدا ً هادئ وماتسمع له بعكس لما الواحد يركب كتاوت او يغير علبة الفيوز فيها إشكاليه لكن وين الله أعلم..


تأكد انهم ماغيروا علبة الفيوزات لأنها غاليه ومكلفه!.

مشكلة تعليق العالي حتى الآن ماله حل جذري, فيه شباب كثير ذكروا ان في حال تغير الفيوز حق النور راح يضبط ومنهم قال تغير شمعات العالي ويضبط ومنهم يقول ركب كتاوت ويضبط ومنهم ذكر تنظيف علبة الفيوزات يعني اقوال متفاوته وهذه ماتعتبر حلول جذريه..

هلا أخويا الكنج
شاكر لك تجاوبك يالغالي ..

انا كانت عندي مشكله في تعليق النور ..
وكتبولي ع الكرت تغيير الفيوز و الضفيرة على حساب الضمان ..

ووعدوني أول ماتوصلهم حيدقو عليه ودقو عليه وجيت وركبتها عندي
ومن بعدها صار الصوت يطلع كدا ..

يعني معقوله ماغيرو علبة الفيوز على حسب كلامك ؟؟

.
.


كلمت واحد من المهندسين قبل شويا بالجوال ..
قالي جيبها
ونشوف النهاية معاهم يوم السبت

واوافيكم بالجديد

الصوت عادي طبيعي مع كل اللي غيروها ع الضمان

لا تتعب نفسك وتاقلم مع الوضع الجديد

الله يسهل امرك وتنحل

شف شيصير معك ورد لنا خبر

اقتباس:

---

المشاركة الأصلية كتبت بواسطة الـمـسـافـر

الصوت عادي طبيعي مع كل اللي غيروها ع الضمان

لا تتعب نفسك وتاقلم مع الوضع الجديد

---

يعني مااتعب نفسي واروح :(