جديد على السيارات واعطال متعدده ارجو مساعدتى من الخبراء
السلام عليكم ورحمة الله وبركاته
اخيكم جديد على السيارات ، من جده ، شريت cr-v موديل 2000 مستعمله المكينة الحمد لله كويسه ومافيها تهريب
مشاكلى فى نقاط
- لا اعرف من الزيوت الا زيت المكينة وغيرته وغيرت الفلتر وشوفت على اليوتيوب الطريقه وسويتها بنفسى الحمد لله
باقى انواع الزيوت الاخرى يوجد فى السياره من الامام 3 قرب للزيت اكبرهم بها زيت احمر واعتقد انها للدركسون واثنين اخرين واحده صغيره مره بها زيت اصفر شفاف والاخرى اكبر منها بها زيت اصفر قريب للاحمر ... اريد اعرف دول لايه واغيرهم امتى وايه الزيت بتاعهم
مكتوب على اغطية كل العلب بالانجيزى انه مطلوب زيت هوندا نوع dot3 ممكن تفيدونا عن هذه الاشياء
ايه الزيوت الاخرى التى يتم تغييرها بالسياره ولانها مستعمله اريد اغيرها كلها ((لا تجديد )) لانى لا اعلم هل مالكها السابق كان محافظ على تغيراته ام لا.
- عرضت السياره على ميكانيكى اثناء الشراء والفحص قالى يبغالها 2 مساعد امامى و2 مساعد خلفى و2 جوزات تحت و 1 مقص فوق يسار و 2 مسامير توازن
السؤال" اى من القطع لازم تكون اصلى وايه الى ممكن يمشى يابانى علشان الميزانيه لا تسمح الا بالضروره"
ولو فيه صور للحاجات دى اعرف شكلها ياريت لا تبخلو عليا
- ظهر فيها من فتره بسيطه رجه ملحوظه جدا ليس طول الوقت ولكن فى السرعه مابين ال40 وال80 اما قبل ذلك وبعد ذلك السياره ناعمه جدا ومافيها اى صوت اما الرجه مصدرها من عمود الدورن الى جاى من المكينة على الكفرات الخلفيه ووديتها لميكانيكى رفعها قالى العمود فيه فضاوه وبنشرى قالى شيالة العمود هيه المشكله وبنشرى ثانى قالى صليبة العمود الجلده حقها انتهت غيرلها جلده وتنحل المشكله .... ارجو الافاده توجيهى لافضل طريقه لمعرفة مكان الخلل
- حصلت فى السيارة علبة زيت احمر لون العلبه اسود واعتقد انها حقت قربة زيت الدركسون القربه كل شويه بتنقص زيتها ولاقى تحتها زيت بغبار مش عارف بيهرب منين ولما بتنقص بزودها من العلبه دى الى فيها نفس الزيت هل ده صحيح وازاى اشيك على الموضوع ده
- الدركسون عندى فيه مشكله بيتغير اتجاهه باستمرار يعنى اطلع بداية المشوار واتجاهه كده (ـــ) ارجع انتبه ليه مع نفس اتجاه الكفرات للامام الاقيه كده (/) مشوار تانى يقلب كده(|) هل فيه فضاوه فى الدركسون او رمان بللى مكسور ولا ايه المشكله
لو فيه ورشة موثوق منها تفحصلى كل العيوب دى ممكن تدلونى عليها
اخر حاجه معلش السياره فيها اصوات كتير واحد قالى يبغالها تربيط هل ده انا اسويه بنفسى ولا ليها ناس للاشياء هذى
و قرات عن الاعطال المشهوره للهوندا الى هيه كراسى الجير والمكينة فيه مكانهم وازاى اعرف انهم خربانين ... السياره مستعمله واتوقع فيها كل شئ
اخر جاجه خلاص لوحه العدادات عندى فيه عداد الكيلوات اكتشفت انه واقف مايتحرك واقف عند 250253 وعداد تحت منه للزيت مايتحرك واحد قلى التروس ممكن مكسوره ازاى اصلحه ولا لازم جديد
اخر حاجه خالص خالص فيه زرازين فى الدركسون وازرار على التابلوه ممسوحين مش عارف وظيفتهم ايه لو ممكن شرح ليهم ادعيلكم ليل نهار ومنغير ماتجاوبونى ادعى للجميع بالتوفيق ان شاء الله دنيا واخره
اسف جدا جدا على الاطاله
واسكركم على سعة صدركم وجزاكم الله كل خير
