عرض للطباعة
السلام عليكم
اخباركم شباب مابي اطول عليكم
مفتاح سيارتي الريموت ضايع وصار له يومين
وماعندي مفتاح سبير وش الحل
السياره واقفه صار لها يومين ومو عارف وش اسوي
انا من الاحساء مادري ارووح الوكاله اليوم
او ارووح محل مفاتيح بس ماعرف في الاحساء محل مفاتيح حق سيارات
وهل يطلع معي للبيت وشوف السياره
وهل لازم يكسر قزازه
الزبده ماني عارف ايش اسوي
السياره سيفيك ٢٠٠٧
ابي حل شباب
مالك أله تأخذ صطاحة تحمل السيارة وعلى الشركة .......سعر المفتاح الريموت 1000ريال مع البرمجة 50 ريال
شوف اخوي اتصل بالوكاله
وقول لهم السالفه ..
اذا قالو جب السيارة الدمام الوكاله دق على سطحه وشل السيارة وودها الوكاله بالدمام
وبالنسبه للسعر ماعندي علم
بالتوفيق لك
اهم شي انك تغير مجموعة كاملة للمفاتيح من الوكالة ..وبكذا يصير عندك ثلاث مفاتيح
والمفتاح القدبم لو احد حصله خلاص مامنه فايدة
اليوم اتصلت على الوكاله
قالو لي لازم تجيب السياره
ونفك كل الاقفال ونقص لك مفتاح واحد با ١٨٠٠ ريال <<<<< غاااااالي
مافي طريقه ارخص ؟؟ يعني مافي محلات برى الوكاله تسوي المفاتيح في الشرقيه ؟؟
انا انصح خذ مفاتيح وكاله صحيح انها غاليه لاكن اضمن لك.......
والله يعينك...
شوف هذا محل بالدمام , شوف لك يوم تقدر تطلع فيه الدمام وكلها ساعات وانت واصل الدمام
وهذا موضوع يفيدك بخصوص مشكلتك
اقتباس:
المشاركة الأصلية كتبت بواسطة The Golden Accord
رابط الموضوع الأصلي :)
http://hondaarabia.com/club/showthre...562#post281562
شف محلات المفاتيح المشفرهـ منتشره بكل مكان
ما اقدر اوصف لكـ محل بالتحديد لني مادري انت من اي منطقة ؟
الله يكون بعونكـ
في محل اسمه مستركي عند القيصرية القديمة الي يشتغلون فيها الحين
الي يشتغلون فيه شباب سعودين يحبهم قلبك مرهم وعلمهم السالفة
اكيد يقدرون يفيدونك
تراهم خبرة في هالمجال وانا مجربهم
مشكوورين شباب
اخوي accordyon
اليوم وانا احلق عند سوري كلمني عن نفس المحل الي تقوول عنه ويقول شغلهم ميه ميه
بكره ان شاء الله باروح عندهم وباوافيكم باكل الاحداث
باركوووووووولي لقيت مفتاح السبير
والله اني طرت من الفرحه لان محلات المفاتيح كل واحد عطاني سعر خرافيه
مشكوورين شباب
على البركة ومره ثانية احرص لا تضيعة
زين انك لقيته
بس سوي لك مفتاح سبير عشان ماتنكب مره ثانية:)
ع البركة إن شاءالله
بس قص عليه عشان ماتقروش مرة ثانية