ارجو المساعده يا شباب

السلام عليكم ورحمة الله وبركاته
اليوم اخوكم accord2m طالع الصباح على خير
ولما وصلت الى عند السياره طلعت المفتاح وضغطت على فتح الباب وفجأأأأأأه الابواب ما تنفتح بالريموت حق المفتاح """"اخوكم عصب:mad: وجربت اكثر من مره مافي فايده
فتحت السياره بالمفتاح ودخلت ابي اشغل السياره ما تشتغل :( :( هنا المصيبه
سويتها قصه خخخخخخخخخخ
المهم يا شباب وش اسوي في هالحاله !!! اعتقد من البطاريه
بس البطاريه جديده ماصار لها 5 شهور .. اصلا السياره كلها ماصار لها 5 مشهور
مدري هل هذي الحاله عاديه او لا ؟؟!!
واذا كان من البطاريه هل اراجع الوكاله او اغيرها من نفسي ؟؟
ومشكورين مقدما
سلااااااااام

أكيد مو عاديه

السؤال لو كنت تدق سلف وتسمع صوت بس ماتشتغل السياره .. اسرع حل تغير البطاريه ومايحتاج الوكاله لأن هذي شغله بسيطه

ايه يطلع صوت وما تشتغل السياره
وانا من قبل كنت لما ادق السلف احسه مو اوكي يعني ما تشتغل علطول والحين خلاص ما تشتغل ابد
بس قبل ساعه تقريبا سويت قران الى السياره ( اشتراك ) واشتغلت
ومشيت بها كثير قلت عشان البطاريه تتعبى والحين وقفتها على الباب وما ادري بعدين لما اشغلها تشتغل وتزبط او لا

ومشكووور على الرد

اذا ما صلحة

ممكن يكون الدينمو

يهرب كهرب يعني ما يعبي

رح للوكالة وقلهم هذا الشيء وإذا كانت ماتعدت الكيلوات المطلوبة عندهم احلى كلام راح يغيرون الجهاز لك .

اتوقع السبب في انتهاء البطارية انك نسيت الانوار الداخلية شغالة ولفترة طويلة .

مو شرط تتعبا البطاريه .. بدلها وركب AC Delco

لأنك مابتشوف مثل بطاريه الوكاله نوعها مختلف فا ركب مثل ماذكرت لك .. والحمد لله جت على 150 بسيطه

اقتباس:

---

المشاركة الأصلية كتبت بواسطة اتش

اتوقع السبب في انتهاء البطارية انك نسيت الانوار الداخلية شغالة ولفترة طويلة .

---

هذا هو السبب بالضبط :d
بس لما سويت قران للسياره واشتغلت مشيتها بها كثير وقلت ممكن تعبت بس لما طفيتها ورجعت ابي اشغلها ماتشتغل !
يعني البطاريه انتهت خلاص ؟؟
انا اليوم ان شاء الله بركب بطاريه جديده مثل ماقال اخوي نوع AC DELCO
ومشكووورين على الردود

اقتباس:

---

المشاركة الأصلية كتبت بواسطة دحوم

رح للوكالة وقلهم هذا الشيء وإذا كانت ماتعدت الكيلوات المطلوبة عندهم احلى كلام راح يغيرون الجهاز لك .

---

اذا ما زبطت بعد تغيير البطاريه رح اوديها للوكاله
والسياره جديده ما تعدت ال 16 الف :d

إن شاء الله تنحل مشكلتك عزيزي ...

وينك من زمان ما شفنا لك مشاركات أخوي :) ؟؟؟؟؟؟؟؟؟؟؟؟


عسى المانع خير

اقتباس:

---

المشاركة الأصلية كتبت بواسطة BLK

إن شاء الله تنحل مشكلتك عزيزي ...

وينك من زمان ما شفنا لك مشاركات أخوي :) ؟؟؟؟؟؟؟؟؟؟؟؟


عسى المانع خير

---

آسف على التقصير في الرد على المواضيع لاني مشغول كثير

مشكورين شباب والمشكله الحمد لله انحلت في الوكاله
طلعت بسيطه مررره
البطاريه تعطلت وبدلوها بالضمان
سلااااااام

على الضمان بعد ... الحمد لله

شنوعها الي ركبوها

الحمد لله انتهت على خير ماوهقوك وخلوها عليك ..