استفسارات وآراء شخصية

السلام عليكم
بداية انا اشتركت في هذا المنتدى عشان استفسر بس
وودي أستفيد منكم لأني متردد على الهوندا اشتريها ولا لا
واللي ردني قطعها النار أما أداءها زي الحلاوة
وبصراحة كثيرين نصحوني على الكامري كسيارة اقتصادية ويش رايكم يا شباب

والله يا ريت تقولولي أشياء عنها وعن خصائصها تردني عن الكامري

وعليكم السلام ورحمة الله، حياك الله معنا يا أبا عرب في نادي عاشقي هوندا :d....

سأجيبك على شطر من سؤالك (بما أنني لا أملك خبرة تقنية كبيرة)
سيارات هوندا بشكل عام أغلى ثمناً من التويوتا، ليس فقط سعر السيارة لكن أيضاً الصيانة وقطع الغيارات والإكسسوارات.
لكن في نفس الوقت سيارات الهوندا تنتمي لطبقة أكثر رقيّاً من طبقة التويوتا، فهي سيارة فارهة فيها الكثير من المميزات الكمالية كما أنها مريحة أكثر وأسلس بالقيادة وأفخر شكلاً؛ بينما سيارات تويوتا تميل بشكل عام إلى نوعية السيارات العملية، فسعرها أرخص وقطع غيارها تكاد تباع في البقالات وعلى بسطات المساجد، ويمكن لأي كان أن يصلح لك أي عطل فيها.

إذن هوندا -إذا أمكنني أن أصوغ الجملة بهذا الشكل- هي سيارة للأشخاص الراغبين حقاً بامتلاك سيارة! هوندا هي للأشخاص الذين يعتبرون السيارة شيئاً أسمى من مجرد مقعد له 4 عجلات يأخذك حيث تريد... فهم يعتبرون سياراتهم كقططهم المدللة أو كصغيرتهم التي يخافون عليها ويعتنون بها ويهتمون لأمرها وشكلها ونظافتها وصحتها وزينتها، فهي ليست مجرد سيارة! إنها البنت المدللة التي تحظى بكل الحب والاهتمام والتي ترتبط ارتباطاً وثيقاً بهم وتعكس شخصياتهم وتبادلهم العطاء...

فإذا كنت من الأشخاص الذين يحبون سياراتهم وينظرون لها أكثر من كونها سيارة ويستمتعون بالتحدث عنها والتباهي بها أمام الآخرين فهوندا هي لك (كما هذا النادي ;))
أما إذا كانت السيارة في نظرك مجرد علبة صفيح لديها 4 عجلات لتنقلك من مكان إلى آخر فربما يناسبك أن تنظر للبدائل الأخرى الأرخص ثمناً والأفضل سعراً والأكثر عملية :)...

تشتري قطعه تعيش معك فترة طويله او تشتري قطعه ارخص وتغيرها كم مره عشان تعيش نفس الفتره وفي الاخير تطلع التكلفه الكليه اعلى

الاكورد والكامري
يكفيك ان وحده منهم تصنع كليا باليابان والثانية تصنع في استراليا
الديكور الداخلي لوحده منهم تحس انك بليموزين
طيب وش رايك بذي
يمديك تفتح النوافذ بالريموت بوحده من السيارتين
وحده من السيارتين دايم محل شبهه ومشكوك في امرها
وحده منهم اقوى ماكينه
وحده منهم لمبات طبلون ولمبات خلفيه led

مااحد يشك ان الكامري حلوة لكن يااخي كثرت لدرجة انها ماعاد تنبغى من كثرها حلاة الشيء ندرته يعني بمعنى اصح :

1- اللي يفحطون بكامري .
2- اللي تنسرق الكامري .
3- ياولدي ترى نجاحتك كامري .
4- معك كامري وقف على جنب للتفتيش والبهذلة .
5- غالية مقارنة بمواصفاته العادية اذكر ان الجي إل فل كامل 83000ريال .
6- اكثر سيارة الأجرة كامري .
7- اول ماتشتريها اضمن لك انك راح تعدل وتحط فيها اكثر من تعديل وعساه تخش مزاجك .
8- لو تلاحظ ارتفاع شنطة الكامري من الخلف يبيخ شكلها خصوصا الإرتفاع الزائد للي تجي سياحي .
9- المكينة اللي ماودها تتطور .
10- المواصفات الرائعة في الكامري الخليجية اللي يسرقها عبداللطيف جميل .

هل يكفي هذا اخوي ابوعرب عن الكامري ام اكمل حديثي ,,, تحياتي ,,,

بالنسبه لي ياضيفنا
ان احب الهوندا بس مقارنة بالاقتصاديه . . . الكامري افضل
اما بالنسبه للمنضر او الكشخه او الشبابيه او التضبيط في المستقبل . . الهوندا
وانا حاليا باخذ كامري نهاية الشهر (رجيع)
بستخدمه لاني امسك خط يوميا 140km وحرام تشتري الهوندا وكاله وتكسرها
اذا جابوني الشركه الدمام على طول ببيع الكامر واخذ الاكورد (2007) انشاء الله

اول شي مثل ما قال اخوي Cr-v نظره المجتمع
ثانيا الاكورد افخم و ارسى و افضل مواصفات و امان و اقوى و اكثر اقتصاديه
و تتفوق بالسعر مقابل المواصفات

اما الكامري تتفوق بـ رخص قطع الغيار و توفرها و التحمل و خدمة الوكيل

والله وقعنا في حيره مثلك ياخوك

لكن اتكلنا على الله واخذنا اكورد

والحمد لله مرتاحين آخر راحه

ياخي الاكورد فيها مميزات حلوه وان كان فيه عيب فهو الراحة لك عليها لأن الياباني عموماً كذا خصوصاً من ساق كابرس وفورد الامريكي عموماً راح يختلف عليه العملية

اذا انت تحب المظهر اكورد واذا مطنش للمظهر وتبي الرخص دور كامري

وبخصوص القطع يااخي ناس لهم 4 سنوات ماغيروا شي ابد غير زيت وفلتر وسيفون

القطع حتى الرخيصه مع السنوات تغلى وش يدريك عن المستقبل

استشر وماخاب من استشار وعليك بصلاة الاستخارة وربي يبارك في مركبتك اي كانت نوعها

مشكورين ما تقصرون
لكن يعني ما تتوقعون يطيح سعر الكامري 2006 بعد ما تطلع 2007
يصير آخذ الكامري2006 مؤقتا مستعمل حتى 6 سنوات بعدين أغير ويش رايكم كسبان ولا خصران؟

أنا واحد من الي أحتاروا بين السيارتين ..لكن لما أتذكر اني كنت محتار أضحك على نفسي .. بعد ماجربت الأكورد وعرفت ان كل ريال تدفعه فيه مو خساره وأثبتت وجودها أكثر هنا في أبها ((مصيف 50 يوم :rolleyes: )) بصراحه السياره مرت بأقسى الظروف ... يعني لومعي شركة أنتاج تصور كان صارت مشاويري دعاية أكورد (( مره فوق جبل .. مره تحته .. مره تمشي في السيول .. مره في حفريات .. مره طريق حجري ..مره ترابي ..مره منحنى خطر ...وهالمجره ))


ماشاء الله تبارك الله ..