الهوندا والتشليح ((اكورد او ليجند))
السلام عليكم ورحمة الله
كاول موضوع لي
حبيت ان اكتب تقرير عن التشليح ((تشليح الحاير))
في البداية
وراه رحت التشليح ؟؟
هذا اخوي الموقر حب ياكل من بيتزا ان الساعه 11 ليلا واخذ سيارتي ((اكورد2003)) ((بيكشخ قدام الفلبيني حق المطعم))
وبعد مااخذ العشا وروح البيت جاله سوناتا راعيه يكلم جوال عند تقاطع ودخل فيه بالرفرف الايمن ((حسبي الله على الجوال)) على العموم البيتزا راحت وطي <<صارت ون بيس
ومن ذاك اليوم السيارة صلحتها في ورشة كلها بي ام ومرسيدسات ورانجات <<ورشة هاي فاي
ومدير الورشة هو اللي قيم الصدمة ووش اللي يصتلح واللي ما يصتلح << التامين انبلش 14000
غيرنا الرفرف - الصدام- الصطب اليمين - المقصات -الكفر - كل شيء تغير الا الفلنجة والهوب والحامل
ومن ذاك اليوم والسيارة كل شهر لازم ينكسر الرمان
طفشت حال اهلي كل شهر جيب رمان وركب
بعد كذا رحت فحصتها في ورشة الجنوب وقاللي عندك حامل الفلنجة والفلنجة مضروبات واللي على اليمين خرب اللي على اليسار يعني اثنين <<نكبه بقوه
طيب كم الجديد يا ولد؟؟ وبعد الحسابات بيطلع الواحد بـ920 ريال بعد الخصم يعني بتطلع علي 1840
ولكن فاجاني الاخ وقاللي روح شوف التشليح يمكن تحصلها ارخص
==جولة التشليح==
حركت على تشليح الحاير وحصلت اكوردات وحصلت ناس يقولون لي ب 800 و فيه ابو يمن ضارب فيوزه قاللي 2800 ولكن انا كنت ادور على السيارات اللي صدمت من ورا ولفيت لين قلت بس وبعض الاحيان كانت الاسعار اغلى من الوكالة بمرتين او ثلاث << يبي لهم وزاره التجارة
المهم حصلت تشليح ما عنده الا اكورد او ليجند وشفت القطع واخذتها مع الهوبات ب 1000 ريال كانت من اكورد 2005
فكان السعر جدا ممتاز مقارنه بالقطعه وجربت السيارة 210 كم /س ((ياخي مشاوير الشرقيه قلق وهالجامعه اقلق <<لو ني دريت عن التجمع اللي حصل يوم الاربعاء كان جمعنا اصحاب الاكوردات اللي في البترول وكسرنا روس اهل ديرتي >>الرياض ))
وطلعت كانها يوم طلعت من الوكاله وكانت جدا راسية
فنصيحة للي بيروح التشليح
- اعرف سعر القطعه في الوكاله مع العلم انك تقدر تاخذ خصم يوصل ل 25% اذا وقفت في حلوقهم
- اتصل في راعي التشليح واعرف اذا كانت القطعه موجود والا لا و حاول انك تختار الافضل
- اذا كنت ناوي تركب فتحة او صدام 2006 او جنوط وكاله او مراتب جلد او مثبت سرعه او انه الطارة خربت مع الشمس حتى المسجلات عنده رخيصة
اسم التشليح - هوندا -شارع التشليح بعد المطب الثاني على اليمين بجنب تشليح الامارات ((الرياض))
اما الورشة -مختصة هوندا- فالعمال بعضهم كان يشتغل في عبدالله هاشم والباقيين كانو يشتغلون في وكاله هوندا في بلدانهم
وعندهم ناس بالوكالة علشان كل جديد واسعارهم معقوله
ورشة الجنوب - الصناعيه الثانيه - خلف ميزان العضيب 014484242 ظافر او جعفر
واذا تبون تخفيض قولوا لهم جايين من طرف الموقع
