عرض للطباعة
السلام عليكم ورحمه الله وبركاته
عندي مشكله اللي هي لمبه الفلشر لها سنه متشتغل بس أمس إشتغلت فا فرحت أنها إشتغلت لكن عقب طفيت السياره المره الثانيه طفت:( :( :(
المشكله الثانيه خوي معه كورد 2005 من يوم ماطلعها من الوكاله لمبات القير (النمر)طافيه وش الحل:d
انت اللحين حاط عنوان موضوعك "الفيوزات"
هل فحصتها ؟
هلا تبي الصدق:o مادري وش الفيوزات واحد أمس يقولي يمكن فيوزات:cool:اقتباس:
المشاركة الأصلية كتبت بواسطة B Unique
اقتباس:
المشاركة الأصلية كتبت بواسطة أبو درب
:d صدق انك بطل ...!!! :d
:cool: تعجبني ..:cool:
اقتباس:
المشاركة الأصلية كتبت بواسطة أبو درب
ولا يهمك أنا أشرح لك وش السالفة
الفيوزات سلمك الله هي عبارة عن قطع موصله للكهرباء معزوله بالبلاستيك تختلف أحجامها حسب إختلاف إستخداماتها
ويوجد داخلها سلك يذوب إذا مر عليه تيار كهربائي أعلى من المعدل المصنوع له يعني إذا كان مقاس الفيوز 10 امبير على سبيل المثال ومر عليه تيار كهربائي 11 أو أعلى يذوب على طول ويقطع وصول التيار للجهاز اللي مركب عليه زي المسجل أو الشمعه اليمنى مثلاً
ووظيفة الفيوز حماية الأجهزه من التيار الكهربائي الزايد يعني يحترق الفيوز ولا يحترق الجهاز
وزي ماهو موضح في الصورة الفيوز الصالح على اليمين والمحروق على اليسار
وإذا احترق الفيوز هذا يعني إن فيه مشكله كهربائيه أو إلتماس في الجهاز اللي مشبوك عليه
وغالباً تنحل المشكله هذي بتغيير الفيوز
أغلب السيارات فيها علبتين للفيوزات وبالنسبه للأكورد فيه علبه داخل السياره فوق يد فتح الكبوت وعلبه تحت الكبوت جنب علبة فلتر الهواء والبطاريه
وعشان تفحص الفيوزات
أول شي طف السيارة
بعدين إفتح الكبوت وإفتح علبة الفيوزات اللي قدام علبة فلتر الهواء . بتحصل فيها قطعه بيضاء تطلع بها الفيوزات عشان تفحصها زي مو واضح في الصورة
اللحين عندك ثلاث حلول
الأول
إنك تشوف الغطاء حق الفيوزات من داخل وتدور صورة اللمبات اللي خربانه عندك وتفحص فيوزها إذا كان سليم أو محترق أو إنك تاخذ كاتالوج السيارة وتاخذ منه مكان الفيوز اللي تدور له
إذا لقيت كل شي سليم في العلبة اللي خذيت منها القطعه البيضاء روح للعلبه اللي داخل السيارة وافحص الفيوزات اللي فيها
الثاني
إنك تمر على الفيوزات كلها وتسحبها وتفحصها واحد واحد وقبل ماتسحب الثاني لازم ترجع اللي في يدك محله عشان ما تتلخبط الفيوزات لأن كل جهاز موصل عليها له امبير وفيوز مختلف
والثالث
إنك تريح مخك من الصداع وتشوف لك أي كهربائي وتقول له عن مشكلتك وهو أصلاً أول شي بيبدأ فيه هو الفيوزات . خلك مركز معه وإسأله وانت تفهم كيف تفحصها وتغيرها لحالك بعدين لإن السالفه سهله جداً وبيجيك يوم تحتاجها
وإذا الله وفق وحصلت الفيوز المحروق ما عليك إلا انك تغيره بواحد جديد . يا تشتريه من محلات الزينه أو من عند الكهربائيه وممكن تحصل الفيوزات بالحبه أو علبه فيها المقاسات كلها وأنا أنصحك تشتري العلبه وتخليها في سيارتك لأنك ممكن تتعطل في يوم لا سمح الله وتفك أزمتك
وبكذا إن شاء الله أكون أفدتك
:)
كفيت و وفيت يا خوي b Unique
:cool: حبيبي BeUnique محد قد قالك انك مبدع :cool:
مشكورين وما قصرتم والله يوفكم
احسنت يابطل احسنت يا b Unique افدتنا واجد ..
الهادف
م م و السعودية 755
أبو درب
كوكو كورد
تسلمون والله على ردودكم اللي ترفع الراس
وإن شاء الله ما نقصر باللي نقدر عليه
:rolleyes:
اقتباس:
المشاركة الأصلية كتبت بواسطة م م و السعوديه 5 5 7
هذا بعض مما عندك طال عمرك
:o
طال عمرك المشكلة بسيطة جداًاقتباس:
عندي مشكله اللي هي لمبه الفلشر لها سنه متشتغل بس أمس إشتغلت
المشكلة موجودة بأكثر من موديل 2003 / 2004 /2005
فقط ماعليك سوى
طقطق حولين اللمبة راح تشتغل وإذا ما اشتغلت بشويش قوي الطقطقة وراح تشتغل غصباً عنها :D
وبس
تحياتي :d