تجربتي مع الصيانة 100 الف
السلام عليكم ورحمة الله وبركاته
كل عام وأنت بخير
بعد زيارتي قبل العيد للوكالة لصيانة 100الف وعرض مشكلة صوت حنه مع اللفه
اتفاجأ بموظف أستقبال الصيانة يقول سيارتك جاهزة وكل شيء تمام :cool: . سألتة والصوت بشر راح قال لا ! ليش ؟؟:confused: يقول علبة الدركسون لازم تغيرها قلنا حلو السيارة ع الضمان .....تعال شوف المماطلة والله العظيم حسيت انه بغيرها على حسابه :mad: يقول بكل برود خلاص مافيه ضمان :p ادفع 3000 بس عشان تغير العلبة . قلت لا ياشيخ ترى السيارة باقي عندكم ولسى ما كملت 100الف . ويجيني من طريق ثاني يقول علبة الدركسون ماهي على الضمان :eek: الضمان على المكينة والقير بس:rolleyes: عجبتني نظرته !
قلت حلو . الكلام ذا من عندك او من الشركة .رد لا من الشركة طبعا :rolleyes: ركزوا على النظرة كلها ثقة
حاسبتة ومشيت واتصل على الشركة والله رجال وفيه خير على طول عطوني رقم المهندس( محمد صادق ) لاتنسوا الاسم ذا ابداً من جد شخص فاضل سأل هل انت متابعة الصيانة الدورية كل 10000 قلت نعم :)
قال خلاص ارجع لهم وخليه يدخلوها الصيانة ويغير علبة الدركسون على الضمان
رجعت الوكالة إلا موظف الاستقبال منتظرني على احر من الجمر اكيد بعد ما اتصل علي ( محمد صادق ) قال خلاص بنطلب كل القطع من اجل اصلاح المشكلة وهي بتغير كل الصوف لعلبة الدركسون وعددها 10 قطع بس بيكون بعد عودتهم من إجازة العيد وانا الان منتظر القطع وإصلاح العطل .
المعذرة على الاطالة بس حبيت اذكر لكم تجربتي من اجل الفائدة .
