رده في الاكورد بعد220 لافصل العداد

السلام عليكم ورحمه الله وبركاته

يا اخواني ,,,
انا امس الخميس مشيت لرياض علشان مباراه النصر والهلال
والحمدلله فزنا 2-1

المهم / وانا رايح من الدمام لرياض قلت ابي اجرب عزم الموتر و فصل العداد على 215
بس انا ما امشي على الخطوط الا وسرعتي 180
الرده ما حصلت هنا

وانا راجع بنفس اليوم ليل الخميس كنت ماشي 180 واكتم الدعسه
و والله وصل الطبلون لــ 220 وجت الرده
الرده يا شباب والله قوووووويه
انا انهبلت في الخط ,, الا واسئل خويي اللى معي وقالي ذي موجوده في كل سيارات الاكورد
لان واحد من اخوياه في الخط الجبيل يبي يجرب مثلي وصارت له الرده

عاد انا رايح السبت لوكاله هوندا علشان الصيانه مشى موتر 20000 عشرين الف

وش تنصحوني !!

انصحك بترك السرعه كفاك الله شرها ,,

سيارتك طبيعيه مره ومافيها الا العافيه ,,

كل ماكنت داعس اكثر بيكون شعورك بـ الفصله اقوى ,,,

تقبل مروري

وعليكم السلام ..

مباركين الفوز ياا كويس ..

بس السرعة ما منها فايده والله ،،

وتعبنا واحنا نقول هالكلام ،،

تدري وش الغبنه ؟

لما انك تسرع على 120 ولا 130 وتشوف واحد طاير على 200

وفي الاخير تتقابلون في التفتيش ،

والاخ يمسكونه ويعطونه مخالفه وينتظر له شف كم دقيقة عندهم ،

وانت تكمّل دربك وتوصل بالسلامة ..

عسى الله يحفظكم ويبعدكم عن السرعة اللي ما منها فايده ،،

عاتي وانا اخوك تسويها معي وشدلها وتقعد تسوي لين تتعب وعاتي لانها تفصل سرعتها محدده بس خد قيرعادي اردا نوع وتفرج شوف طبلونها وهو طاق 260 وانا اشهد ياسحبني تسحيب ماشاء الله عليه

أول شيء

أقولك انتبه من السرعة ترى مافيها خير

وثاني شيء

ألف ألف مبروك الفوز عشانك نصراوي مثلي :d

تحيتي ..~

والله عشانها 4 سرندر
ولا ها 6 كا انا جايب 250 كلمالها دزيد بس خف من ادوريات

شاكر لكم ردكم

والله أنا اذا مشيت 220 يفصل عندي الكمبيوتر ، مادري اقدر افتح العداد وتصير السيارة تمشي 260 ولا يأثر عالمكينة ؟

أقول يا أخوان مالكم بالسرعة
خلونا حبايب لا تخلونا نفقد أعزاء لا قدر الله
و تحياتي

^^^

لو ما يأثّر على المكينةْ ،

كان من الأول فتحت لك هوندا الفصله ،،

على العموم واحد من ربعنا معه اس اس ، وفك الفصله لدرجة السيارة تعدي 260 !!

وش النتيجة ؟

اختربت عليه البلوف ، البكراتْ ، البواجي ، القير يوم وصلنا ودّع ويبي له توضيبْ ... ألخ ،، :aa_confused:

تقريباً كل السالفة كانت تكلّف 6000 ريالْ ..

يا زين الركاده ، لا تدفع فلوس زيادة وتأمن روحك بإذن الله ،، :rolleyes:

انا راعي سرعة بسبب كثر المشاوير ومسك الخطوط

وأشوف أن 180 كافيه وزود

والله يستر علينا وعليكم من السرعه

اخي الكريم لا مانع من السرعة بهذه الطريقة لكن بالشروط ادناه:


1- استخدام اطارات من نوع v واقصى سرعة لها هي 240 كيلو متر

2-التأكد من استواء الطريق تماما

3- سلامة نظام التعليق بشكل كامل واي خلل في نظام التعليق قد يتسبب بمقتلك فورا


4- التأكد من النظر لديك فسرعتك عالية جدا لانك ستقطع امتار كثيرة جدا في ثانية واحدة لذلك يجب التنبه من هذا الشيء.


5- الفصلة هذه محددة للسرعة الكترونيا ولا يمكن فصلها الا بالبرمجة فقط وهذه الطريقة صعبة لتعقيد برمجة كمبيوتر الهوندا لذلك سرعة 220 وثم ارتدادها يعتبر امرا طبيعيا وكذلك اغلب السيارات الالمانية ذات الاحصنة الجبارة محددة الكترونيا على 250 كيلومتر

اخواني الأعزاء

بغض النظر عن السرعة ومخاطرها

لماذا صمم العداد حتى سرعة 260 ؟ هل هو ديكور فقط ؟

يقال إن كمبيوتر الأكورد مبرمج على سرعة 220 من أجل مواصفات الأمن والسلامة فقط وأن إعادة برمجته لا تؤثر على الماكينة .

اعتقد أنه في حالة إعادة برمجة الكمبيوتر وتعديله إلى 260 يجب تغيير الاطارات بنوع يتوافق مع هذه السرعة

ما أريد التأكد منه ، هلأ إعادة برمجة سرعة السيارة يؤثر على الماكينة أم لا ؟ هل الماكينة مهيأة للسير بسرعة 260 كم/ساعة ؟

اقتباس:

---

المشاركة الأصلية كتبت بواسطة mqudaih

اخواني الأعزاء

بغض النظر عن السرعة ومخاطرها

لماذا صمم العداد حتى سرعة 260 ؟ هل هو ديكور فقط ؟

يقال إن كمبيوتر الأكورد مبرمج على سرعة 220 من أجل مواصفات الأمن والسلامة فقط وأن إعادة برمجته لا تؤثر على الماكينة .

اعتقد أنه في حالة إعادة برمجة الكمبيوتر وتعديله إلى 260 يجب تغيير الاطارات بنوع يتوافق مع هذه السرعة

ما أريد التأكد منه ، هلأ إعادة برمجة سرعة السيارة يؤثر على الماكينة أم لا ؟ هل الماكينة مهيأة للسير بسرعة 260 كم/ساعة ؟

---

نعم مهيأة لان نظام الفي تيك على الغيار الخامس ما يفتح الا بعد سرعة 190 او 200 تقريبا ويظل مفتوح الى 260 السرعة الفعلية للاكورد وبسرعة مثل هذه يستحسن يكون نظام التعليق عندك هيدروليكي مثل المرسيدس او البي ام دبليو لاجل يكون فيه توازن مو يكون بس ميكانيكي هيدروليكي مثل اللي موجود في الاكورد الان

اخواني في المقطع هذا لو تشوفه السرعة 220 واول ما يوصل له العداد يرتد لان النظام يفصله الكترونيا فيرجع


[ame]http://www.youtube.com/watch?v=XKqIWPR2Wlo[/ame]

يعني نظام التعليق في الأكورد ميكانيكي هيدروليكي ولا يصلح السير به لأكثر من 220 كم/ساعة لأن السيارة تصبح غير متوازنة على سرعة 260 ، يعني الخطورة في نظام التعليق فقط وعدم التوازن ولا يوجد اي خطر على الماكينة ؟

اقتباس:

---

المشاركة الأصلية كتبت بواسطة mqudaih

يعني نظام التعليق في الأكورد ميكانيكي هيدروليكي ولا يصلح السير به لأكثر من 220 كم/ساعة لأن السيارة تصبح غير متوازنة على سرعة 260 ، يعني الخطورة في نظام التعليق فقط وعدم التوازن ولا يوجد اي خطر على الماكينة ؟

---

لا هو قدرته في الامان على السرعات العالية هي الى سرعة 240 اكثر من كذا انت تحتاج الى نظام هيدروليكي بتحكم متغير مثل البي ام دبليو لاجل تنزل معك وما يدخل هواء تحت السيارة ويرفعها لفوق وتفقد كامل السيطرة

الاكورد ممتازة الى سرعة 240 والمكينة تتحمل سرعة كاملة الى 260

يعطيك العافيه بلال
وشكرا على المعلومات
وخروا عن السرعه مافيها الا السجن أو الموت
وشكرا:cool: