صبغت الزوائد وجبت العيد ؟

انا عندي اكورد 2007 لؤلؤي

صبغت الزوائد ألي تحت الأبواب = لأن سيارتي موب فل = ونبي نقلبها فل وجبنا العيد ورحت
لورشة يمدحونها العيال <<< صراحة انا ما وديتها الوكالة لأنهم قالو لي تأخذ خمسة أيام ويصبغونها كلها 740 ريال يعني كل وحدة 370 ريال أبي أعرف ليش غالين حيل
مع اني صبغتها كلها بقيمة وحدة بالوكالة
الزبدة أول ما طلعتها مرة اوكية
وخذت لها اسبوع ونص تقريبا

شوي قلبت صار لونها أغمق شوي مافيها لمعة وكأن لونها أختلف إلى حليبي

وش رايكم وش الحل ؟. أصبغها ثاني مرة بالوكالة ؟ ولا وش الحل :mad: متلخبط بالحيل

مايبيلها يابوي ارجع للورشة واتفاهم معهم :mad:
اما انك تعديها لهم كذا فأنا أقولك (( لاتعليق )) :confused:

صبغ الزوائد اللي تحت الابواب :rolleyes: مدري اللي اعرفه انها تجي نفس لون السياره حتى لو كانت السياره سياحي ,

ارجع للورشه

اكيد ماسويت صنفره

ارجع ليهم ولا تسكت عن حقك ...
الله على الظالم ..:mad:
<<< بس فك الناس من شرك انت وانطم ..:confused:

يؤ !!

740 ريال !! معليش يا صديقي ... لعلهم لعبو عليك اذا شغلهم كذا ..
رح عندهم وانشب في حلوقهم لين مايرشوها من جديد...
سلامات وش اللي 740 وشغل بايخ !! كان سويتها بالوكالة اصرف ...!

إلي اعرفه في الوكاله انه بـ 400 ريال الثنتين

راااااااااجع حساباتكـ ترا الغلطات محسوووووووبه :d

بالوكاله .. رش الزوائد .. بـ 400 ريال ..

والورشه .. لازم ترجع لهم علشان يرجع لك اللون والا يشوف له دبره .. والا يصبغه من جديد ..

اجل اشرايكم ياشباب راشها بالوكاله وزي الحلاوه وب 300 ريال فقط يعني الوحده ب150

ياخي ارجع وانشب في حلوقهم النشبة الاليمة


ولا تسكت عن حقك


تقبل مروري

يارجال أرجعلهم أنا صبعتها ب((150)) ورش أوكي الأوكي والحمد لله جالسه 10 شهور تقريباً ولا تغير لونها ولا تقشرت

وخلهم يعطونك ضمان عليها 6 شهور ولا سنه

أصبغها ورشة ناجم طريق الخبر ودمام بعد هونداي .. أو البحير خضرية الدمام

انا راشهم مع الكشافات في جده الصناعية الشمالية
بـــ 200 ريال
والي يشووووفها يقوووول من الوكالة
ماشاء الله

لكن الي عندك احتما مارش الطبقة الاخيره
الي هي (( كــــلــــر ))

عشان كذااا مافي لمعة وبهت لون البوية


ارجع له وتفاهم معه


تحيااااتي لك

الغامدي

الخبر أكيد الوكالة يسوون الـ 2 بـ 300 ريال يعني الواحد بـ 150 ريال

أما انت تقول وش الحل يآخي ما يبي لها حل 1+1=2 ارجع لمهم ويشيلون البوية ويركبون جديد خير ان شاء الله الدنيا فوضى

انا صبغتهم قبل اسبوعين في ورشة خاصة بهوندا

وسعر الواحدة 100

يعني الاجمالي 200 ريال سعودي
وفيه ناس مسوينها عندهم وشغلهم تمام

اكيد المشكله عندك انهم مااشتغلوها زين او ان نوعية البويه مو زينه ارجعلهم وتفاهم معاهم

وموفق ان شاء الله

اشتري فل كامل واستريح يابوي

مشكور على التنبيه اول شي شاور الوكاله يمكن تجي ارخص

والعيد عليكم مبارك وعساكم من عواده

^^^^^^
كم سعر الفل كامل :)