شباب قدر الله وصار علي جادث ؟!!

سلام كيف حالكم يا شباب ؟!!

طبعا اليوم كنت مغير كرسي المكينه ومبسوط عشان ما في رجه والسواقه رايقه ( مو متعود على الهدوء ) :d

عموما وانا راجع البيت بعد ماخلصنا سهرتنا أنا والشباب

خويكم ملزم يخلي السي دي يشتغل :rolleyes:

وهواش انا والسي دي الا ابغاه يشتغل :mad:

بس وحدي رفعت راسي عشان ادخل السي دي المنحوس في المسجل :(

الا واشوف ذاك الرصيف اللي في وجهي :eek:

وطبعا سويت ياعنني درايفر ودقيت فرامل على الأخير الا وشوي السيارة حاصت وانا قلت طالما انها خربانة خربانة خلينا نسحب البريك يمكن نأخذ المنعطف ببريك ( حركات هااا ) :d

وطبعا لا أخذنا المنعطف لا ببريك ولا بأي شيء كل اللي أخذناه الرصيف وانا أخوكم :d

وطبعا طلعت الرصيف ( الرصيف مره جامد ) والسيارة تقربعت وماوقفت الا على الخط الثاني وطبعا انعدمت السيارة بس مو مرة الحمدلله يعندي الصدام انفك واتوقع ان الرديتر انشق

يوم تشوف السيارة من تحت الحمدلله تقول انه ماجاها شيء بس ما تدري ايش الهرجة :confused:

فحبيت اسأل لو انه رديتر كم يكلف ؟!!

واللي عنده خبرة بالحوادث اللي زي كذا ياليت يفيدنا ويقولنا ايش اكثر شىء يتضرر من حادث زي كذا :confused:

والله يقطع وجهه من سي دي اللي نكبنا :mad:

والله يبعدكم عن الحوادث
وتحياتي لكم ;)

انا امس صارلي حادث زيك كنت طالع لأبحر وانا داخل كبري ابحر مكتووب السرعة 60 وانا ماشي من 90-100 لفيت الدراكسون شوي حاصت علي السيارة ابا اعدلها ما عرفت اديتها يمين في يسار واخذت قفلة كاملة وصقعت بالصدام الخلفي من اليمين في السور اللي في الكبري والله ربي ستر لو طحت من فوق كنت رحت فيها انا والسيارة اللي صار بعد الحادث الاصطب اليمين انكسر الصدام الخلفي من اليمين دخل على جوا والشنطة ما تنفتح ومن اليمين شوي انعدم بس الحمدلله انا ماصار لي شيء . ورحت سمكرتها بي 300 ريال واصطب تجاري 145 ريال . النواتج من الحادث الاشارة يمين والله سريعة تقول طوارئ والباقي سليم.
اهم شيء سلامتك بعدين فكر في سيارتك . ولازم تشيل السي دي من السيارة . وبالنسبة لسيارتك لازم نشوف صورة لها . والحمدلله على سلامتكم .

الرديتر في الوكالة 1150 ريال...لاكورد xl اتوماتيك...
معلومة بسيطة...
نصيحة...لا تشتري جديد الا من الوكالة....هذي ما فيها لعب.....
وسلامتكم..

الله يعطيكم العافية

والحمدلله على سلامتك اخوي

وبالنسبة للسيارتي توي الظهر جايبلي سطحه وشايلها وموديها على ميكانيكي الوالد يعرفه وان شاء الله الأمور تساهيل

أخوي كينج ابود يعني لو أخذ تجاري راح يمشيني ولا لا
لأني حصلت الرديتر في الوكالة بــ 1700 ريال ( يعني دولار انت ووجهك ) :d

وحصلت تايواني ناس كثير ياخذونه ( على كلام الراجل حق قطع الغيار ) بــ 300 وعليها ( شوف الفرق في السعر )

وبالنسبة لــ السي دي حسابي معاه بعدين :mad: ( مسوي الوالد ) :d

وشاكر مروركم

تحياتي لكم ;)

حبيب قلبي الحمد لله على سلامتك وماتشوف شر يالغالي

في الحديد ولا فيك وهذا قضاء الله وقدر وشوف نصيحه من اخ الى اخ القطع الأساسيه مهما كانت غاليه لا تقبل
الا وكاله مثلا الأديتر لا تتردد ابد يكون مره وحده تركبه وانت متطمن اما الأ كسسوارات عادي خذها تيواني صني وبي التوفيق :a0701:

الله يسلمك يا الغالي ويبعد عنك الحوادث ان شاء الله :o

من جد والله على قولتك الوكالة تركب وانت مطمن

بس يا اخوي مشكلتهم بالأسعار والله يذبحونك ذبحه :(

بس ان شاء الله مني مركب غير وكالة

بس انا قلت لو انه في احد مجرب التجاري ( التقليد ) وشاف انه ما فيه فرق عن الوكالة

يكون اوفرلي ولا ادفع مبالغ كبيرة وفي اللي يغني عنها

والله يجزاك خير على مرورك اخوي

تحياتي لك ;)

شوف يالغالي اوكي لا تصلح السياره في الوكاله مثل ماقلت شوي غالي بس القطع لا تفكر تاخذ غير الأصلي
بس يبيلك ورشه عماله فلبين الفلبين الفلبين لا تروح ليمني اوهندي اوبنقالي حتى لو كان دكتور في السيارات

ويارب ياكريم ياسميع فرج هم اخوي a @ m
وبي التوفيق:(

سلامات ياالغالي , بالحديد ولا فيك
انصحك تاخذ القطع الأصليه للسياره من الوكاله , وتركبها بره ارخصلك
واشترك بالتأمين الذهبي , راح اتريح بالك

ماتشوف شر يالغالي في الحديد ولا فيك وهذا قضاء الله وقدر وسلامتك يالغالي

الله يسلمكم ويبعد عنكم الشر :o

وجزاكم الله خير على النصائح

وبأذن ماني مركب غير الوكالة

معني اول كنت متردد بس ان شاء الله القطع من الوكالة والتركيب بره :cool:

وشاكر تفاعلكم ومروركم

والله يبعد عنكم وعن جميع المسلمين الحوادث

" السرعة يا شباب السرعة انتبهوا منها لو اني ماكنت مسرع كان مداني تداركت الموقف "

( لا انا ووجهي مسرع وقاعد اصلح بــ السي دي ) :d

وتحياتي لكم ;)