عرض للطباعة
السلام عليكم و رحمة الله و بركاته
عندي جنط من زمان وفيه شلخات بسيطه يعني ما اتوقع ينفع .. لاني قد صدمت عليها من فتره
و ابي اعرف كم سعر الجنط حق الاكورد ومن وين اقدر احصله . ؟؟
والكفرات وش افضل نوع وكم سعره ؟
لاني بغير 4 كفرات تقريبا
وبشوف كم يطلعون علي:)
والله يااخوي انا كمان ناوي اشتري اربع كفرات ياليت الشباب يفيدونا بنصائحهم عن افضل كفرات واسعارها كمان
لاني سألت عن ميشلان حقت الوكالة بس غالية مرة سعرها حول 700 ريال
الله يكون بالعون والشباب ان شاء الله مايقصروا..
الجنوط تحصل بالغرابي اصلي الواحد بـ 700 ريال
حاول تكاسره وتاخذه بـ 500 ريال حده
والكفرات انصحكم بـ برجستون تورنزا gr-80
كفرات لا يعلى عليها بالهدوء والراحه والليونه
هلا أخوي
والله اللي اعرفه عن جنوط الوكاله غااااااااااليه 2006 - 2007 الفل الكامل الأصليه
فيه جنوط الفل على ما أظن بالوكاله 2008 -2009 1500 تقريبا بس انتبه تراها تجاريه (وارد دبي)
الكفرات والله سعرهن على حسب نوعهن بس كانك تبي كفر كويس ورخيص على سنع ويخدمك ومريح (هانكوك) ;) وجوده ممتازه تراكشن A التحكم A الحراره 360 معامل ,,جيد وممتاز وترى صناعته كوريه لكنه جيد ولازم تآخذه من الوكيل (هانكوك) اول شي أضمن وأرخص يمكن ولاتنسى المكاسر يطلعن عليك تقريبا حول ال 1000ريال بدون تركيب تركبهن عند اللي يركبون الكفرات مع ترصيص تقريبا 100 ريال مايتعدن 1300 بالكثير ;) طبعا على حسب النوع والمقاس يمكن اغلى
انا شاري هانكوك ومركبه على سيارتي تمام التمام (مقاس الوكاله) 205/60R 16 92 H :cool:
نفس مقاس الوكاله بس الوكاله الحرف V تعني 240 كم/س و H تعني 210كم/س :cool:
وأخوي بعد مركبه له يمكن حول السنه تمام التمام ولا رجه ولايحزنون ,,, ونقشته حلوه مره :cool:
ماشاء الله بس اعلمك حنى سواقتنا على سنع يعني ما أجي وأكل مطب أو اقعد افحط واحرق الكفرات ثم أقول شينات
الهانكوك انواع فيه شي زين وفيه شي سيئ
انا قبل كنت باغي اركب بوتنزا ادرينالين بس غااااالي مره :eek: حرام والله تراه كفرات يعني بدال ماتصرف فلوسك على كفرات غاليات ,, اشتر لك كفرات ممتازه وبسعر معقول :cool: والباقي حطه بجيبك أو ظبط فيه السياره(كانك راعي تظبيط) أو الباقي لمع السياره من داخل ومن طالع ;) وفله واستانس :d
وبعدين تبي الصراحه حرام الواحد يحط اغلى وافضل كفر وآخرتها يخرب من الحفر والمطبات وخابر انت شوارعنا الحبيبه
وبعدين انت ماأنت داخل سباق على شان تآخذ بريجستون بوتنزا ادرينالين الغالي
والسرعه مافيها خير وتغيير المقاس ترى يأثر على VSA (الكلام موب عندي اقرأ الكاتلوج كانك ماصدقت)
و اي استفسار انا حاضر
اتمنى أني افدتك
هذي وجهة نظري ولك حرية الاختيار
سلام :ksa:
حبيبي انا مغير كفراتي قبل اسبوعين
كنت مركب يوكوهاما من سنتين
ولله الحمد .. ولا صوت ولينه وحق خط
وسعرها 300 ريال للكفر الواحد مقاس
205 /60 / 16
ولا تشيل هم
افادوك الآخوان ما قصروا
مثلك انا يا هوندا اكورد 2006 ..
ناوي اشتري جنوط لهوندتي 2007 .. ويا باخذ جنوط الفل والا جنوط الـ 2008 فل ..
والكفرات والله هانكوك عاجبتني ما ركبتها على الهوندا ! بس كان معي كامري 2003 ومركب كفرات هانكوك <<هجوله :d
والله الكفرآت رهيبه .. كنت مركب الكفر بـ 235 :) ..
وهي ان شاء الله بشتريها للهوندا ..
والله يوفقك بالآختيار ..
ومضه "
اعجبتني كلمه اخوي اكورد فضي
:d يازين كفرات دي لوب الصغيرة على الاكسنت يمشون بها 180 - 200 :dاقتباس:
وبعدين انت ماأنت داخل سباق على شان تآخذ بريجستون بوتنزا ادرينالين الغالي
يعطيكم العافيه على النصائح والاراء الطيبه ..
بالنسبه للجنوط كان فيه مخوش ماهو مكسور ولا شي ونصحوني اني ابقى عليه لان مافيه شي بس يبي له تلميع ..
اما الكفرات رحت للطيار و اخذت ميشيلات الواحد بـ 140 ريال ..
كلفت علي الاربع 1360 ريال و الضمان مفتوح ...
يعطيكم العافيه وماقصرتـو
خذ ميشلان ولا تشاور ( من واقع تجربه )
صح غاليه لكن عليه ضمان شامل مدى الحياة إنه ما يحبل ولا ينصلخ معك .. ولو حبل او انصلخ ترجعه لهم ويعطونك واحد جديد
صاحب الموضوع إكتفى بأجوبة الأعضاء ( بارك الله فيهم )
يغلق , مع الشكر
مواضيع الكفرات كثيرة جدا ً ومع البحث والتحري سوف يحصل السائل على أجوبه :)