الحين يالربع محد حصل حل في المواقع الأجنبيه بالنسبه لمشكلة الأكورد الأزليه لموديلات 2008 - 2010 بخصوص صوت الفرامل
رايح اكون دقيق في وصفي للمشكله ,, الصوت ليس مجرد رجّه حقت الفرامل العاديه اللي نلاحظها في كل السيارات لما يكون الهوب يبي خرط ,, لا المشكله شي ثاني
وليست كذلك أن الفرامل تخلص بسرعه ..المشكله شيء اخر
يطلع لك صوت من الفرامل كأنه صوت طياره الخطوط تبي توقف بسرعه اذا هبطت يعني صوت قوي كأنه حك حديد في حديد بشكل مدوي ومزعج .. ونتيجه لهذا يطلع تدنّي في كفاءة الفرامل ولا تمسك مظبوط .. طبعا المشكله هذي تجي اذا كنت ماشي من فوق الميه وأربعين .. اما اقل من كذا مافيه مشكله وهدديت بسرعه عند إشاره مثلا ..
خرطت هوبات غيرت فرامل ,, ما بقي شي ما سويته .. أحد من الشباب جرب نوع محدد من الهوبات أو الفرامل وراحت هذي المشكله ؟ .. نبي تجارب يا شباب الله يحفظكم مو وكالة يقولون !!
واش الحل ياناس ,, أفكر ببيع السياره بصراحه اذا ما انحلت المشكله لأن رجلي حارّه على السياره في وسط المدينه .
