مــــحــــتــــااااااااااااار

شباب بعد التفكير والعناء بين الافالون والاوريون والهوندا اكورد انا قررت اشتري هوندا اكورد 2009 6 سلندر

وانا رحت للوكاله وحصلت سعرها 114 الف فما ادري هذا سعرها الموحد في كل الوكالات او في وكالات ثانيه اقل .....

ابيكم تفيدوني في السعر ما ابي اشتري شئ وانا مو مقتنع فيه ...............................

بس مو هذا موضوعنا لان السياره شاريها ان شاء الله موضوعنا اللي محتااااار فيه وبقوه ما ادري وش آخذ في الالوان طبعا محتار بين الاسود واللؤلؤي طبعا انا من سكان الرياض ......

لو الود ودي اخذت اللونين .... بس يا ليت اللي عنده اللون الاسود واللون اللؤلؤي يفيدني ويعطيني رايه في اللون

وعيوبه ..... ما ابي اشتري لون واتحسف عليه ..... مع العلم ان السياره راح اشتريها يوم السبت او الاحد...

انتظر ردودكم على احر من الجمر مع العلم ان هذا اول موضوع لي فأتمني منكم المساعده ................

تقبلوا تحيتي اخوكم / المحتااااااااار

هـلا وغـلا اخوي محتار
الله يعطيك خيرها ويكفيك شرها يا رب
والله بصراحة بالنسبة للأسعار اظن هي هي وين ما رحت ;)
وبالنسبة الى اللون
يقولوا ان الأسود لون ملكي و تبع فخامه ولكن
اذا كنت من هواة التنظيف يوميا و العناية بالسيارة فـاللون الأسود سيحبك كثيرا ;) سليبياته اللون الأسود ( يعتم ملامح السيارة )
واذا انت ما تحب النظيف اليومي و تبي السيارة طول الوقت نظيفة مالك الا اللون الؤلؤي :cool: سلبياته ( في حالات الحك في الصداديم تظهر بالون الأسود ):)
و اللؤلؤي لون يظهر جماليات السيارة :cool:
وانا من رأي فـ الؤلؤي ممتاز جدا ( الرأي الأول و الخـير يعود اليك خيوو)
وتقبل تحاتي

وانا من رأي فـ الؤلؤي ممتاز جدا ( الرأي الأول و الخـير يعود اليك خيوو)
وانا عندي الؤلؤي وصراحه بعض الاحيان قعد 5 ايام ما يمسح :) ونظيف تشوف الموتر جاري مسيكين كل يوم يغسل الغسل من الصبح ويوم يرجع الظهر الموتر وسخ ههههههه :) ومغبر هذا عيب الاسود:d

السلام عليكمْ ورحمةُ الله وبركآتة ،،

هلا فيك أخويْ ،،

وأهنئـِك على اختيارك لهونداْ ،،

مع أن الأفالون فيها بعض المواصفات الزيادة ،،

لكن مشكلتها الصيانة البايخه ووكيلها ،،

ما علينا ،،

أنا عندي لون أسودْ 08 ،، في الغالب ما امسحه الا كل يومينْ ،،

وكل عطلة اسبوع ادخّله غسيل كامل بـ 10 ريالْ وكان الله غفورا رحيما ..

كل شهرينْ أسوي له تلميع خفيف في بيتنا عشان يطلع أحلى ما يكونْ ..

نصيحه لكْ حتى لو كنت مب راعي غسيل ،، خذ الأسودْ ،،

اللي يقرب لي نصحته لكن خذ لؤلؤي واللحين هو متحسفْ ،،

اتفق لك مع هندي وخله يغسّل السيارة كل يومْ ،، :d

والسعر لـ 2008 كان بـ 111 ألفْ ،،

تفضل صور لـ اللون الأسودْ ،،

http://www.badostyle.net/uploaded/2009_mycar-1.jpg

~

http://www.horyh-q.com/up/uploads/im...1aa0c103e2.jpg

~

ومبروك عليك مقدماً ،، ^^

انا والله محتار مثلكـ

بس الاسود ملكي وفخـآمه مشالله
خاصه مع التضليله الخفيفه :cool:

واللؤلؤي منتشر جدآ في بنسبه 90%

التغيير زين :d

بس سؤالي

وش اغلى في البيعه اسود او لؤلؤي؟؟
اخوي معك كامري 2005 فضيه شفنا بالمعارض البحري والاسود اغلى منهـآ ننتظركم :)

اللون اللؤلؤي منتشر بكثرة
والصراحه هذا يجعل سيارتك مالها قيمة بين السيارات
انا افضل اللون العودي مرررره جنان
بس ما عندي كلام زيادة

انا معاي فل كامل اسود وعسل وحلاوه ومن احلى ما يكون :)

تلقاها ب112500 بالرياض رح للموزع اللي بمخرج 15 حول اسواق المجد :)

شف الأسود عيبه واجده تبين الوسخ وإذا غسلت فاليل حط نور عليها وش السواليف على السياره:p

والنهار يجذب الحراره

واللؤلؤي فيه مشكلتين كثرته مع الناس وأي مشخ في الصدامات تبين على طول:(

والي يقول مالها قيمه يكفي أنها هوندا وكثرتها أربع سلندر وهذي شكمانين يعني هيـبه:cool:

الف شكر جميعا على المرور والرد ......... ويعطيكم الف الف عافيه

وبصراحه ردودكم حيرتني كثير ..... اللي معه اسود يمدح الاسود واللي معه لؤلؤي يمدحه...

وانا احترت اكثر ..... ابي الراي اللي يقنعني وبعدين ما علي من الناس اذا صار اللون منتشر بكثره ....

اهم شئ اكون مقتنع فيه ما اتحسف .................................................. .......

محتااااااااااااااااااااااااااااااااااااااااااااااا ااااااااااااااااااااار

خذ لك افالون ابيض افضل ومواصفاته اقوى

ما اقدر اقول احلى لأن الناس اذواق .. بس الأفالون أفخم ..



بالتوفيق :)

خذ فيراني طيب احلى من الاسود واللولوي :)

فيراني (الرمادي) حتى وهو مغبر مايبين فيه الا اذا احد مسح عليه فيبين الفرق

ولون حلو ومافي منه كثير وخصوصا ال 6 سلندر ماعتقد شفت بنفس اللون


وعندك العودي الجديد روووعه


واللي اهم من هذا كله قبل اختيارك اللون صلي صلاة استخاره وانشالله راح ترتاح

انا كنت محتار بين الرمادي والذهبي كنت اشوفها في الشارع انبسط واقول في نفسي هذي احلى لونين
لكن بعد ماصليت الاستخاره سرت يوم اشوف الذهبي يعجبني لكن يوم افكر ان سيارتي ممكن تكون نفس اللون اتضايق

واخترت من بعدها الرمادي والحمدلله عاجبني ومبسوط فيه

اهم شي صلي صلاة الاستخاره والله يكتب لك اللي فيه الخير

ياخوي انت مانت في سويسرا والا روسيا الدنيا برد
تدخل سياره ودك ساعه عشان تفدى
انت في السعودية خاصة الرياض او جدة يوم تدخل السياره وهي في عز القايله كانك داخل فرن

فانا كانت عندي سياره لونها غامق ياتعبت معها تعب كل يوم تنظيف وغبار وبلشه ويوم اروح المدارس الظهريه
الله لايوريك كاني رحت مشي

بس يضل الاسود فخامه ولون حلو

لكن اللؤلؤي لون هادي يمتص الحراره الوسخ مايمسك فيه ولايبان خله اسبوع وامسحها وامش
والتضليل يبان عليه اوكي

فالاول والاخير معك هوندا لاتهم اللون :)

اقتباس:

---

المشاركة الأصلية كتبت بواسطة gameover

ياخوي انت مانت في سويسرا والا روسيا الدنيا برد
تدخل سياره ودك ساعه عشان تفدى
انت في السعودية خاصة الرياض او جدة يوم تدخل السياره وهي في عز القايله كانك داخل فرن

فانا كانت عندي سياره لونها غامق ياتعبت معها تعب كل يوم تنظيف وغبار وبلشه ويوم اروح المدارس الظهريه
الله لايوريك كاني رحت مشي

بس يضل الاسود فخامه ولون حلو

لكن اللؤلؤي لون هادي يمتص الحراره الوسخ مايمسك فيه ولايبان خله اسبوع وامسحها وامش
والتضليل يبان عليه اوكي

فالاول والاخير معك هوندا لاتهم اللون :)

---

يا عيني عليك والله كلامك روعه واقنعني ........ وخاصة اللي بالاخير ( فالاول والاخير معك هوندا لاتهتم اللون )

خلاص ان شاء الله لؤلؤي وما علي اذا كان منتشر اهم شئ يكون معجبني ...................

واشكر الجميع على تفاعلهم معي ويعطيكم الف الف الف عافيه ...............