-
تكفون يالربع الفزعه
سلام عليكم
كيفكم ياشباب انشالله بخير
نخش في الموضوع
انا عندي اكورد 2006 فل ابشن ماشيه 190000 كم
فيها تفتفه اول ما اشغل السياره وبرضه اذا حطيتها في D التفتفه ذي تروح وترجع بستمرار
وديتها ورشة الغروب في الرياض وفحصوها قالولي فيها بستم رقم 4 خربان
ووديتها ورشة سهم في الدمام وقالولي ما فيها شي بس يبيلها تصفية مكينه وتغيير البواجي والكويلات وتغيير البطاريه وتنضيف البخاخات وسويت الي قالو عليه والمشكله ما صار شي زي ما هي
ووديتها ورشة السماري في الخرج وقالولي قيها البلف رقم واحد عطلان
وانا والله ياشباب انجنيت مدري مين اصدق
ومادري صارت مع احد منكم قبلي
ابي فزعتكم الله يرحم والديكم :confused:
-
عشان ترتاح من فلسفة بعض اصحاب الورش (بعضهم عندهم خبره والبعض لايملك شيء!)
اقرب محل فحص كمبيوتر يطلع لك المشكلة وماراح تاخذ عليك اكثر من 250 ريال وإذا زادت روح فيها الوكالة وهم عندهم العلم
سوي فحص فقط بدون إصلاح , بعد ماتكتشف المشكلة خذ القطع من الوكالة او من موزع معتمد مثل النعماني
وصلحها عند ورشة موثوقه وتشتغل بسيارات هوندا , غالبا ً الورش إلي تحصل فيها سيارات هوندا تحصل عندهم العلم والخبرة بغض النظر عن موديلها
وبالتوفيق ,, :)
-
هلا اخوي
- اول ماتشغل السيارة وهي باردة يكون فيها تفتفه لمدة ثواني ..(عداد الضغط ينزل الى 500 او 300 RPM ) وبعدين ترجع طبيعي
- بعض المرات وانت واقف والسيارة على الـ D ينزل عداد الضغط فجأه وتتفتف السيارة ويكون عداد الضغط منخفض
هذي كلها حلها تنظيف الثروتل بدي (بوابة منظم الهوا) وتنتهي المشكلة ....وشيك بالمره على كراسي المكينة
لانها تسبب نفس المشكلة تقريبا بس بشكل مستمر
شوف الموضوع يفيدك...
http://www.hondaarabia.com/club/showthread.php?t=30338
[Output: 5.84 Kb. compressed to 5.73 Kb. by saving 0.11 Kb. (1.89%)]