بشرى سارة لاصحاب الاكورد 2007 واقل
93% من قطع غيار هوندا اكورد 2008 الى 2009 هي نفسها في الجيل السابق من 2003 الى 2007
المحرك هو نفسه ما عدا الثلاجة مع منظم البخاخ فقط هي الاختلاف بالنسبة للمحرك
بالنسبة للمساعدات والمقصات والكليبر والهوبات والاذرعة وكراسي المكينة هي نفسها
الاختلاف في الخارج ونظام الكهرباء وايضا الديكور الداخلي فقط
يعني لو تطلب فحمات اكورد 2009 ياللي معك 2003 كذا انت ذكي
لان قطع الاكورد 2009 اقل تكلفة استيراد بالنسبة لقطع الـ 2003 وتخزين مكان الاكورد 2009 في الجرد في المستودع غير عن الـ 2003
يعني في المستودع جيت انت ياللي معك اكورد 2003 لازم يجيب لك حق الـ 2003 لان في الفاتورة بيسجل الموديل ولو صار وجاب لك حق الـ 2009 وباعه للـ 2003 بيصير مشكلة في الجرد ان فيه قطعة ضايعة وبالتالي اما تسجل انها مسروقة او انه في غلط في الحسابات
فعلشان يتجنبون الكلام هذا فرقوا بين الموديلات
معكم مدير سابق لمستودعات احدى الشركات ففاهم اللعبة
وطبعا مالك لاكورد 2007 الحمدلله