هوندا اكورد 2012 سبيشل- إستشاراتكم

السلام عليكم ورحمة الله وبركاته

مبارك عليكم الشهر وتقبل الله منا ومنكم...

أخواني نويت إن شاء الله أطلع أكورد 2012 اسبيشل والحمد لله إستخرت وباقي مشورتكم وبعدها راح اتوكل على الله.

قرأت في النت عن بعض عيوب الأكورد 2012 ان في صوت طقطقة من دعسة البنزين على سرعة 50-60, حذفة لليسار احيانا, رجة خفيفة على سرعة 140 او عند الضغط على الفرامل على سرعة 140, والعزل شوي سئ و عيوب مصنعية في علبة الدريكسون ما أخفيكم شوي ترددت بس ابي مساعدتكم وشوركم.

أنتظر ردودكم وأدري ماراح تقصرون..

وجزاكم الله كل خير

في أمان الله

هلابك ياغالي واختيارك موفق باذن الله انا عندي اكورد2012 فل كامل الحمدلله مافيها اي عيوووب واعتبرها افضل عملية شراء في حياتي صحيح اني تندمت اني شريتها بشاشه لكن ربك يسرها

تقبل مروري

اقتباس:

---

المشاركة الأصلية كتبت بواسطة مخاوي الليل707

هلابك ياغالي واختيارك موفق باذن الله انا عندي اكورد2012 فل كامل الحمدلله مافيها اي عيوووب واعتبرها افضل عملية شراء في حياتي صحيح اني تندمت اني شريتها بشاشه لكن ربك يسرها

تقبل مروري

---

الله يعطيك العافية ويجزاك خير اخوي مخاوي الليل 707 والله يعطيك خيرها ويكفيك شرها يارب

الأكورد اللي فيها القطع غالية وأيضا عندي أكورد 2012 صوت هواء على 100 والعزل الأرضي سيئ وأصوات الديكور لكن الحمد لله مشاكل عادية جدا واشتر أكورد ما راح تندم بإذن الله تعالى وتقبل مروري... قلت لك الصراحة ...وتوكل على الله ...

http://www.hondaarabia.com/club/t56590/


شف الاكورد الجديدة


*_*

والنعم بالله
مشكور أخوي أحمد و هوندانا على مروركم وعلى إضافتكم ماقصرتم ياغالييين

توكل ع الله واذا ع قطع الغيار مو بس الاكورد غاليه حتى الكورلا نار قطعها

واذا تنتظر الشكل الجديد افضل لك

شف الاكورد ميانيكا قوية وتتحمل وتصميم داخلي وخارجي جميل ورايق ورساوة مقبولة على فئتها اقتصادية بالوقود تمسك سعرها عند البيع مكينة تتحمل وقير يتحمل
وسيارة تعيش 15 سنة عادي جدا + قيادتها ممتعة + مواصفات امان وسلامة كاملة ( 6 ارباقات + abs + مانع انزلاق ) من اقل فئة إلى اعلى فئة ( 2012 )


مثبت سرعة من اقل فئة إلى اعلى فئة

ازرار دركسون من اقل فئة إلى اعلى فئة

شف الاكورد توفر الاساسيات الضروية في السيارة العصرية ( اقتصادية في الوقود + وسائل سلامة كاملة + تصميم جميل ) يعني ما تهتم بالفرعيات والكماليات

هوندا اذا دخلت تقنية في سياراتها تأكد انها دخلت التقنية هذي بجودة عالية مثل زنون - بانوراما - مانع انزلاق




عيبوبها

1/ العزل الارضي سيء سيء

2/ العزل الجانبي بعد 100 سيء وصوت الهواء يظهر

3/ العزم مو قوي لانها مب سيارة مطارح ودعس لانك لو تكرفها دعس راح تنفض جيبك + مافيها تيب ترونك +

4/ قطع الغيار غالية في بعض القطع بالنسبة لفئتها ( غالبا القطع الغالية ماراح تحتاجها خلال الأول 3- 4 سنوات اذا حافظت على صيانتها بالشكل المطلوب واستخدمت الزيوت الخاصة بهوندا + زيت القير وفلتر القير الخارجي تحرص على تغيره في الوكالة ثم الوكالة ثم الوكالة )+ لاسمح الله سويت حادث دخل على المكينة او كان قوي فتصليحها مكلف لما يلف الاكورد نوعا ما من التعقيد الميكانيكي



5/ فيها اصوات الديكور حق الباب والمسجل على خفيف تظهر وتختفي من وقت لاخر

6/ الاكورد قاسية نوعا ما ومطبها كذالك ضريبة الرساوة





مافي سيارة ما فيها عيوب
لكن انصحك تاخذ الـ 2013

اخوي انا سجلت عشان ارد عليك
انا توني ماخد السياره 2012 سبيشال . طبعا الموجود حاليا في الوكاله limited زياده عن لـ سبيشال العادية كشافات + ازياق ستيل + الفرق عن الموديلات الاقدم يوجد تكييف خلفي وبنفس السعر ..
طبعا ماصار ليها اسبوعين عندي مشيت بها 900 كيلو
ماواجهتني مشاكل للآن
بس الديكورات جودتها مو عاليه
عليها ضمان سنتين .. انا مددته الى 5 سنين ..
يعني انسى انك تحط قطع غيار فيها لمده 5 سنين
وبس هذا الا عندي

اقتباس:

---

المشاركة الأصلية كتبت بواسطة مالك حل

اخوي انا سجلت عشان ارد عليك
انا توني ماخد السياره 2012 سبيشال . طبعا الموجود حاليا في الوكاله limited زياده عن لـ سبيشال العادية كشافات + ازياق ستيل + الفرق عن الموديلات الاقدم يوجد تكييف خلفي وبنفس السعر ..
طبعا ماصار ليها اسبوعين عندي مشيت بها 900 كيلو
ماواجهتني مشاكل للآن
بس الديكورات جودتها مو عاليه
عليها ضمان سنتين .. انا مددته الى 5 سنين ..
يعني انسى انك تحط قطع غيار فيها لمده 5 سنين
وبس هذا الا عندي

---

من قال لك الفحمات وخرط الهوبات كلها على حسابك

فلتر المكيف على حسابك


اصلا السيارة ما تبدا تطلب قطع جامدة الا عقب 5 سنوات *_*

البطارية على حسابك

اي شيء استهلاكي على حسابك

واظن كذالك فلتر القير الخارجي على حسابك

واظن لست متاكد ان البواجي على حسابك

هوندانا, مالك حل, majood , مشكورين على مروركم ونصائحكم مو غريب عليكم ماقصرتم الله يعطيكم العافية.

والله ماادري محتار بس شكلي بنتظر الشكل الجديد 2013

دمتم في أمان الله

طيب شباب في أحد عنده معلومات متى تصدر اكورد موديل 2013؟

اقتباس:

---

المشاركة الأصلية كتبت بواسطة Tariq1984

طيب شباب في أحد عنده معلومات متى تصدر اكورد موديل 2013؟

---

في اول شهر فبراير 2013 راح يبدا البيع لكن وصول السيارة اكيد قبلها بكذا اسبوع

اقتباس:

---

المشاركة الأصلية كتبت بواسطة هوندانا

في اول شهر فبراير 2013 راح يبدا البيع لكن وصول السيارة اكيد قبلها بكذا اسبوع

---

شاكر مرورك اخوي هوندانا يعطيك العافية

اقتباس:

---

المشاركة الأصلية كتبت بواسطة هوندانا

من قال لك الفحمات وخرط الهوبات كلها على حسابك

فلتر المكيف على حسابك


اصلا السيارة ما تبدا تطلب قطع جامدة الا عقب 5 سنوات *_*

البطارية على حسابك

اي شيء استهلاكي على حسابك

واظن كذالك فلتر القير الخارجي على حسابك

واظن لست متاكد ان البواجي على حسابك

---

1_حسستني اني كل يوم باروح ابدل فلتر هوا او بواجي او فلتر القير !!
وبعدين كل الشركات القطع الاستهلاكيه عليك يعني مو تعتبره عيب في الهوندا !!!!
اعتقد اني واضح في كلامي الخرابات على الضمان ماقلت فلاتر وبطاريه !