يااخوان انا عندي حنه خفيفه يالله تنسمع لامشيت 120 وفوق
شيكت على المساعدات والعكوس سليمه
دورت يمكن فيه شي ناشب في السياره ويطلع الصوت مالقيت !!
وش ممكن يكون هالصوت ؟ بديت اشك بالكفرات !!!
عرض للطباعة
يااخوان انا عندي حنه خفيفه يالله تنسمع لامشيت 120 وفوق
شيكت على المساعدات والعكوس سليمه
دورت يمكن فيه شي ناشب في السياره ويطلع الصوت مالقيت !!
وش ممكن يكون هالصوت ؟ بديت اشك بالكفرات !!!
يمكن يكون الزيت محروق :d
الحنه الخفيفه من وين ؟اقتباس:
المشاركة الأصلية كتبت بواسطة تألمت بس تعلمت
يعني من المكينه أو القير أو من الكفرات أو تحت السياره أو ؟
اذا من المكينه .. الـ RPM عند كم ؟
نظام الـ i-VTEC .. ترى له صوت يطرب
صوت مكينه الأكورد يتغير ويطرب اذا دعست لها أواذا كنت تمشي على RPM عالي
وبالقير العادي تحس بالصوت يطرب لأنك انت تتحكم بالتعشيقات على كيفك
جرب تحط قير سيارتك بـ 1 أو 2 أو D3 .. وخل الـ RPM تقريبا على 2.5 ثم ادعس لها وقبل يوصل الأحمر عشّق
* ترى ما جربتها على القير الأوتوماتيك .. واتوقع كثرتها تضر القير
وما أنصحك بكثرة المقاومات بسيارات القير الأوتوماتيك ؛ لأن كلتشات الأوتوماتيك داخل القير تخرب ثم يخبط القير
لكن القير العادي اذا خرب الكلتش تقدر تغير ( دسك - صحن - فحمه ) ويرجع من أحلى ما يكون
أبكتب لك بعض المعلومات عن مكينة الأكورد الأربعه سلندر من كتالوج موديل 2006 و 2007
أكورد ذات تصميم يبعث على القوة المثيره ؛ حيث تقدم محركات V6 سعة 3.0 لتر بتقنية VTEC ؛ ومحركات DOHC i-VTEC سعة 2.4 لتر وذات القدره المعززه أداءاً رائعاً .
ومن خلال تقنية VTEC من هوندا ( تحكم إلكتروني في توقيت الصمام المتغير وفي مدى رفع الصمام ) ؛ يتنوع أداء صمامات السحب حسب الحمل على المحرك ومتطلبات القياده .
وتقدم هذه التقنية قدرة عالية في نطاق السرعات المرتفعه من خلال عدد دورات المحرك في الدقيقه الواحده وعزماً وفيراً في نطاق السرعات المنخفضه ؛ وكأن للسياره محركين لا محرك واحد .
وتجمع تقنية هوندا الذكيه i-VTEC بين تقنية VTEC و VTC ( تحكم بتوقيت الصمام المتغير ) ؛ والتي تصل بضبط طور عمود الكامات إلى الصوره المثلى بشكل متواصل على مدى السرعات ودورات المحرك مما يحقق أداءاً عالياً وإقتصاد كبير في إستهلاك الوقود ومستوى فريد من الإنبعاثات النظيفه ( يقصدون تلوث البيئه قليل ومميز )
أما اذا كان الصوت الخفيف من جهة الكفرات .. ممكن يكون الصوت من الكفرات أو الرمانات .. تأكد أن ضغط هواء الكفرات على 30 أو 28
مع أن الضغط الموصى به للأكورد 2006 و 2007 اللي جنوطها 16 .. 32 في الأمام و 30 في الخلف
لكن أنا أخلي الكفرات كلها على 30 أو 28 .. لأن شوارعنا فيها مطبات وحفر كثيره
متى آخر مره غيّرت زيت القير مع الفلتر الخارجي ؟
متى آخر مره غيرت زيت المكينه والسيفون ؟
وش نوع الزيت اللي تستخدمه وكم لزوجته ؟
شيّك على زيت المكينه والقير .. لا يكون ناقص أو زائد
وطريقة التشييك تلقاها بكتالوج السياره
و شيك على زيت الدركسون .. المستوى المناسب يكون بين الحد الأدنى والأعلى يعني بالوسط ( والسياره بارده وعلى ارض مستويه )
ولا تستخدم إلا زيت دركسون هوندا ( تلقاه بالوكاله أو محلات قطع غيار هوندا ) .. اذا استخدمت زيت ثاني غير مناسب راح يسبب لك تهريب + خراب الطرمبه والدوده
اشكركم اخواني على الردود انا كنت اظن انه من زيت المكينه غيرته والصوت فيه
والصوت تأكدت انه مهوب من القير لاني امشي 160 وكان الصوت موجود فحطيت القير في N وخليت الموتر يدحدر ونفس الشيء الصوت موجود والار بي ام تمام
انا بديت الشك بالكفرات مدري ليه
ومستوى زيت الدركسون ممتاز
وعجزت اطلع مصدر الصوت لان لما افتح الدريشه يكون ازعاج والصوت على 100 وتحت ماينسمع
بالنسبه لزيت القير مغيره تقريبا من 15 الف
انا ناوي قريبا اغير السير والفلاتر وزيت القير والبطاريه وابي اشوف وش سبب الحنه علشان اضبطه مره وحده :cool:
بخصوص اخوي سيلفر اكورد الموتر معي من 2009 فاكه على يدي وتو الصوت يطلع وشكله من الكفرات بنسبة 90%
زيت المكينه غيرته من اسبوع مع الفلتر وانا ماستخدم الا بترومين وبخصوص زيت الدركسون انا ماستخدم الا هوندا الاصلي
لاني عارف بلاوي اس ديلكو وطقته
وفلتر الهواء مغيره من اسبوع بعد لاني توقعت انه منه
بحثت اسفل السياره بشوف يمكن شي ناشب ويسبب الصوت مالقيت
من حذف ردي ؟؟؟؟؟
وش ردك يامحامي ؟
اكتبه من جديد
شوف ياطويل العمر انت الحين تقول كل شي سليمه الحمدالله مافي شي انت بديت تشك انها بالكفرات بس انت تاكد اول شي روح البنشري وخله يرفع كل كفر يحركه بيده والكفر يدور يشوف هم محبلين ولالا اذاا اذا محبله لاتروح تغير الكفرات اول شي تاكد من الرمااان دخل الهوبات كيف تعرف انه خربان وحده فيهم انت تمشي وهي على دي مثلا تمشي 40 او 60 رده على n وسياره تمشي واسمع الصوت اذا طلع الصوت وهو يمشي الله واعلم لا يكون من فحمــــــــــــــات والهوب منتهي او رمان اتمنى افدتك وترجع سيارتك وضعه الطبيعي :cool:اقتباس:
المشاركة الأصلية كتبت بواسطة تألمت بس تعلمت
الفحمات جديده مركبها من 6 شهور يمكن والصوت مايطلع الا فوق 120 ولاحطيته بـN الصوت يطلع معناته القير سليماقتباس:
المشاركة الأصلية كتبت بواسطة محامي تويوتا ~
والهوبات خارطها وتمام :cool:
انا شاك في الرمان او جلد المقصات مادري هي تطلع الصوت ولالا بشيك عليها اليوم واشوف وش فيها
والكفرات مركبها من 6 شهور بس تاريخها قديم شوي يعني يمكن مخزنه 6 شهور
اول شي قول لي وش نوع الكفرات هل تاكدت من التاريخ الصنع بعدين ،، ان شاء الله المقصات مافيه الا العافيه ، انت سو له ترصيص ارضي عند العضيب ، اذا الرمانات مافيها شي ، بعدين لاتغسل السياره هي حـااره غسله بنفسك بالبيت وخله وهي بارده علشان المويه ماتدخل على فحمات دام انك مغيرها قريب ولا تطب بالمويه اللي بشوارع ان شاء الله تنحل
دام الكفرات تاريخه قديمه وش نوعه ، بعدين انت روح البنشري خله يرفع السياره من تحت مو يرفع السياره كامل كل مايجي عند كفر يرفعه يحركه بيده وهي تدور انت بتلاحظ انه محبله ولالا اذا شفته يدور الكفر ولا فيها تحبيل ولا انتفخ يعني الكفرات اوكيه يبي له ترصيص ارضي عند العضيب ، بس تاكد اول من رمانات بعدين تو له ترصيص
محامي تويوتا
الكفرات نوعها برجستون والسياره مااغسلها الا وهي بارده وماتوقع للهوبات دخل لان الصوت مايطلع مع الفرامل
بشيك على الرمانات وعلى المقصات بعد العصر وارد لكم خبر
لاني حاط في بالي 90% من الكفرات لاني مشيك على جلد المقصات بنفسي وممتازه مافيها الا العافيه
بس للتأكيد بشيك
ماقصرت يالقرم
والله بيني وبينــــــــــــك برجستون الرياضيه والعاديه اخس كفرات ولا ابي اطبه اذكر يوم اني معي كراسيد والله ماخرب مساعداته الا برجستون اقسم بالله لاعاد تركبه شوف لك تويو مضبوطه راحه هدووء حتى سوموتو < بس تويو افضل منه لان سوموتو مريحه غير طبيعي وتخلي السياره تحذف يمين ويسار بس تويو افضل منها ولا عاد تخذ برجستون والله مايخرب الموتر الا برجستوناقتباس:
المشاركة الأصلية كتبت بواسطة تألمت بس تعلمت
لابغيت تويو لاتروح ولا عند أي بنشري ابو يمن روح وكالة العمووودي اللي بالغرابي بس انتبه منه لايكذب عليك ويعطيك تاريخه القديم ترى عنده تاريخ الجديد مخزنه يبي يصرف القديمات بس خلك ذيب مره جيت له بغير من عنده عطني القديم قلت لا ابي الجديده رفعه علي اكثر من القديم بميـه قلت توكل على الله احسن من اخذ قديم ويحبل هههههههه
وعليكم السلام الحنه ممكن من رمان طرمبة الدركسون او بكرة الشداد تسبب لك الصوت اذا اسرعت
بالبدايه فك سير الماكينه وخل الميكانيكي يفحصهم
محامي برجستون ممتاز ومايحبل بسرعه صح قاسي في الخطوط زين بحكم اني راعي خط اسبوعيا
مبارك اذكر رحت لمهندس الاسبوع اللي راح وقال لي السير تمام قلت وبكرة الشداد قال ماتوقع فيها شيء
الزبده ياشباب رحت يم المهندس من شوي وقال لي الرمانات تمام وجلد المقصات فيها حيل بس لو تغير يكون افضل لكن ماتسبب صوت
وشيكت على الكفرات ولقيتها ممتازه ولا حبلت
لكن الطامه الكبرى لقيت فيهن الهواء 50 كلهن !!! :eek:
ونقصتهن لـ 30 مادري الحنه بسبب الهواء ولالا يبي لها تجربه ومسة خط شوي
مشكورين يالزقرت والله انكم وافين
يا سااااااااتر 50 :eek::eek::eek::eek:اقتباس:
المشاركة الأصلية كتبت بواسطة تألمت بس تعلمت
احمد ربك ان الكفر ما انفجر .. واحمد ربك أن المساعدات ما تفقعت !!!
كفرات بريجستون ما جربتها لكن يقولون أنها قاسيه .. تخيل كفرات قاسيه + ضغط هواء 50 :eek:
ضغط 50 عالي جدا جدا وخطير .. ويعدم عليك السياره خاصة لو أخذت مطبات وأنت مسرع لأن الكفر يكون محجر يعني قاسي جدا بسبب زيادة ضغط الهواء
نعم ممكن تكون الحنة من ضغط هواء الكفرات .. لأن 50 عالي جدا جدا والكفر ما يكون فارش زين على الخط
ومع السواقه والمشاوير معروف ان ضغط هواء الكفرات يزيد يزيد تقريبا 2 .. يعني مثلا من 50 إلى 52
ياليت تشوف جنب الكفر بتلقى مكتوب max pressure وبجنبه رقم
max pressure يعني أقصى ضغط يتحمله الكفر .. واذا تعديت الضغط هذا ممكن يبنشر أو تتضرر الكفرات
انا مركب كفرات هانكوك لسيارتي ومكتوب اذا ماني غلطان max pressure 44 .. يعني أقصى ضغط يتحمله 44
اي والله ربك ستر وحسيت ان الحنه راحت بس مابعد تأكدت بكره انا ماسك خط وبشوف راحت رسمي ولالا
بس حاس بتغير كبير