سيفيك 2007 تسبق كامري 2007
السلام عليكم شباب
عندي قصة وعلى السريع باقولهه وأبي تعليقاتكم عليهه بس والله العظيم كانت حقيقة
آنه سيارتي سيفيك 2007 وكنت توني مطلعهه من الوكالة وكانت ماشية 5000 بس وصديقي عنده كامري 2007 4 سلندر وكانت ماشية 30000 المهم وقعد يتنقرش فيني ( يتحداني ) المهم الصراحة كنت خايف لأن سيارتي قوة المكينة 1.8 وسيارته 2.4 فقلت أكيد راحت على وراح أتفشل جدام زوجتي . المهم تشجعق وقلت خل أجيج ( أجرب ) وطلعت معاه من الوقوف وجان أروح عنه وحاول يجيني وما يقدر لما وصلنه لي سرعة 140 خلاص خففنه السرعه لأن الشارع ما يساعد بس الحبيب تعجب ولزم على مرة ثانية وثالثة والله ورابعه وكله نفس الشي لا وفي المية الاخيرة طلع قبلي لكن في التبديل الثالث حصلته وطفته بعد المهم الحبيب قام يعلل السبب أنه عنده وزن زياده بس شخص واحد يعني كان معاه وزجته وأخته وآنه معي زوجتي بس . هل هذا سبب مقنع
إذا ما السبب اللى خلاني أطوفه مع أن سيارتي 1,8 وهو 2.4
وفي النهاية الحبيب الحين ما يتكلم عن الكامري كلش
