قصة حب

السلام عليكم ورحمة الله وبركاته..

اعذروني على الانقطاع لكن بسبب الاختبارات الي ماتنتهي ومعها احسبوا حساب ال DSL الي انقطع ولا جددت بسبب الاختبارات (( دافور :D ))

تاريخي مع الهوندا بصراحه تاريخ غامض جدا جدا .. فأنا ماحبيت الا كورد الا قبل ما أشتريه بكم شهر ولا قبل كنت أكرها كره عجيب ..

كنت ناوي على كامري وبعدها قلت لا سوناتا ,,

وصارت مناظره بيني وبين واحد من الشباب هو يقول أكورد وانا أقول كامري .. وأعطيه ويعطيني وأعطيه ويعطيني ويقرا علي ويقرا ويقرا الا ان الطلع الجني الي في الي يسمونه كامري وأحرقني بمواصفات الاكورد ومزاياها فققرت أغير الوجهه من وكالو تويوتا الى هوندا مع اني كنت متخوف منها .. لكن الحمد لله توكلت على الله ورحت الوكاله قالوا لي مافيه فل اوبشن الا لون فضي بسسسسسسسسس..
قلتلهم وش دعوه ياحجي ..

سألت عنها بالرياض مافيه واذا تبي فضي نجيب لك من الدمام ..

قلت له وراك ماتفهم انا أهرب من الفضي تلحقني..

سألت بجده قالوا أغسل ايدك نهائيا..

قلت ياواد شوف يمين يسار ..

طبعا الكلام هذا نهاية 2005 وما راح ينزلون دفعه جديده عشان 2006 وماكنت ابي 2006 لأني شفتها بالجريده وما أعجبتني..:o

دورت بالمعارض على وحده مطلقه الزبده لقيت الي عندي (( لؤلؤي _ فل كامل _ ماشي 14000 كيلو _ السعر 77500 )) قلت نتوكل على الله وناخذها والحمدلله وانا وياها الحين عايشين حياه سعيده بس كبرت شوي 33000 كيلو :D



آآآآآسف على الاطاله
النهايه,,

اكورداوي الله لايحرمك منها ولايحرمها منك وصدقني الاكورد بنت ناس تعرف اشلون تحفظك وتصونك :o
مو زي بنات استراليا ( مدام كامري ومدام لومينا ) الله لايبلانا ذابات وجيهن على كل من هب ودب وعلى اقل نسمة هواء تقولك ( راصني ياقدع )
مشكلتي الي في قلبي على لساني عشان كذا ياشباب احس اني بنطرد :eek: من ذا المنتدى لو ماوقفت عند ( راصني ياقدع ) :cool:

قصتي مع الهوندا مدري كيف من يوم ماطلعت لدنيا
وانا احب الهوندا وعلى قد مااحب الهوندا اكرههههههه
تويوتا اللي مايشتريها الا الحمقى لاكن شوف من يشتري
هوندا محترمين وبعدين يكفيك انك مميزموكل واحد يشتري
هــــــــــــــــــــــــــــــــــــــــوندا..... ...................
مجنون هوندا:

اقول خل عنك انت ويه ما فيه احسن من الكزس تقول لهوندا والكامري نامي باخذ لفه وبجي

هههههههههههه يا روحي على الكزس بس القهر بعتها ههههههههههه

<<<<<<مقهور عطوها عين على اصولها

اما بالنسبة لي انا فأخذت اردد لمدة سنة ونصف التيما من يوم طلعت 2005 ولكن كل الشباب يقولون اكورد خصوصا لما نزلت 2006 واو بصراحة الشباب انهبلوا عليها بقوة لكن كان بالي للالتيما اكثر من الأكورد لأن الالتيما في مكينة معجبتني 3.5 ومعجبني شكلها الخارجي لكن يوم من الايام ذهبت الى المعرض اللي قريب منا وطلبت منهم اني اشوف الأكورد لكي اعرف كلام الناس هل هو صحيح ولا لا فصراحة دهشت من هذي السيارة وقمت اتخيل الالتيما من الداخل والاكورد من الداخل فريت ان هناك فرق السماء عن الارض فقررت وخلال شهر واحد ان اخذ الاكورد والحمد لله كان الإختيار موافق ولله الحمد .