عرض للطباعة
بسم الله الرحمن الرحيم
محبي هوندا السلام عليكم ورحمة الله وبركاته
بالنسبة للصيانة الدورية انا سويتها عند 1000 فقط والسيارة مشت 10000 وماسويت صيانة ال5000 ولا
ال10000 بسويها بال20000 لأني مشغول وماعندي وقت هل يروح علي الضمان أو لا وش تنصوحني
أسوي الصيانة أو اردبهم لأنهم بس زرف فلوس والسيارة تجلس عندهم على غير سنع ماعندهم شي يحمس غير
الضمان لا سمح الله صار للسيارة شي عطل وما شابه
شاكر لكم حسن التعاون
لا لا لا ما يروح الضمآن ولا شي طبعآ >> شي متأكد منه لا يلعب عليك أحد السيارة عليها ضمآن 60 ألف لو ما سويته ولا صيآنة
والضمآن شآمـل للأشياء غير الاستهلآكية مثل البوآجي والفحمآت والزيت الكفرآت البوري ...
أما بخصوص الضمان انا موآضب معهم من صيآنـة ألف كيلو إلى صيآنة 40 ألف
وتبي الجد والله ثم والله ثم والله ما استفدت ولا شي مآ غير مصع بالضهر من ذا الدرآهم بالعكس صيآنة الـ 30 ألف طلعت سيارتي ويوم وصلت للبيت أكتشفت أن فيه حكة بالباب
والسيارة قسم بالله العظيم ما تغير فيها شي ما غير يقولون لك ترى غيرنا كذا وكذا وكذا وكذا وهي شي عآدي انت تقدر تغيره في أي ورشـة محترمة وبأرخص الأسعار وتشتري القطع من الوكآلة بعد وفرق التركيب أكثر بكثثثثثير مرة مرة من سعر الوكآلة
تبي النصيحة وكــلام أخ أترك الوكآلة عنك أنا جربتهم ولا تكرر اللي سويته انا
وبعد كآنك حريص على الأشياء اللي تبي تتغير تعآل هنآ للمنتدى وفيه الشباب والله الخير والبركة فيهم قلهم سيارتي مشت كذا وش
تنصحنوني أغير وهم يفيدونك أو أتصل على الوكآلة وقلهم أنا بجيب سيارتي لصيآنة الكذا كيلو وش بتغيرون لي وبتشوف اللي بيغيرونه أو روح لمهم وقل لهم وش بتغيرون مع صيآنة كذا وكم السعر وأطلع وقل بجي ثآني < وانت اكيد بتجي للصيآنة اللي بعدها وبتسأل :d
الكــلآم اللي يجمد ع الشآرب :d اشتر القطع من الوكآلة... والتركيب لا توديه لهم ولا تقبل عليهم
...
مجـــرد رأي وتجريب شخصي
كـن بخير
...
:)
اقتباس:
المشاركة الأصلية كتبت بواسطة هـ ع ط
أولآ ألف شكر على مرورك الرائع وردك الأروع أخوي هـ ع ط
كل الكلام إللي قلته انا معك فيه مامنهم غير وجع الراس و الخساير بس الأهم لو لا قدرالله حصل شي بالسيارة
مثلآ خلل مصنعي بالمكينة أو القير أو أي شي هل يشملني الضمان وأنا ما واضبت معهم هذا هو مربط الفرس
الضمان على السيارة 100000كلم من الشركة الام في اليابان بالنسبة ل 2008 و 2009 بس حاول تلتزم بالصيانة الدورية احسن لك
اهم الصيانات اذا انت محافظ على سيارتك جدا هي :
20,40,60,80
مثل ما قلولك الشباب ما عليك الا من الصيانات المهمه
اقتباس:
المشاركة الأصلية كتبت بواسطة برق
الضمان يشملك حتى ولو ما جيتهم ولا مرة يعني حتى لو أنك طلعتها من باب الوكالة وما جيتهم إلا في المشكلة اللي يشملها الضمان يصلحونها لك
( وعلى فكــرة الشي هذا متأكد منه 100% وأخوي مسوي كذا ولا جآهم ولا مرة بس صيآنـة الألف كيلو أخذو منه 52 ريال بس :d )
....
وصدقني مثل ما تفضلوا الأخوآن ... الهوندا بطبيعتها ما شاء الله تبارك الله
وخسارة إنهم ياخذون منك مبلغ الصيآنــة وأهم ما سوو شي وانت تقدر تسويه برا الشي اللي سووه وبأقل الاسعار
واللي يرحيك أتبعه شكــرآ لك :)
مشكورين جميعآ أخواني
حنفي الابهه
المســــــافر
راعي الكامري
هـ ع طـ
على مروركم وتعليقكم