والله وطحتي من عيني يالاكورد , شوفوا تقارير مشاكلها وبلاويها

وانا ابحث عن مشاكل بعض السيارات , لقيت هالتقرير عن مشاكل الهوندا اكورد اول ما نزلت العام 2008

بصراحة انا انصعقت من كثرة بلاويها

اللي قاعد يصير في هوندا ابدا مش معقول

لاحظوا ان احنا عندنا الكثير او كل هالمشاكل المذكورة

يالله فرصة لاصحاب الكامري والافالون والالتيما والمكسيما انهم يتشمتون فينا

بس بصراحة معهم حق

تخيلوا معي
مشاكل الفرامل وصلت الى 1110 شكوى؟
مشاكل المحرك 141
مشاكل الاكسسوارات الداخلية 96
مشاكل المكيف 42
مشاكل التعليق 34
مشاكل الاكسسوارات الخارجية 32
مشاكل الكترونية 20
مشاكل النور 17
مشاكل بوية البودي 12
مشاكل الدركسون 7
مشاكل نظام الوقود 5

والباقي الله يستررررررررررررررر

http://www.m5zn.com/uploads/2011/5/2...1nxd9wbi3h.bmp

هوندا بدأت تتجه للحضيض ... بكل اختصار

اولا بالعكس ماشاء الله تبارك الله قمة في الرووووعه لمن تقارنها بعدد المالكين لهوندا اكورد ....

طلع نسبه مئويه اجمع جميع المشاكل واقسمها على عدد ملاك هوندا اكوورد واضربها بـ100 راح تطلع لك نسبه مررره حلوووه لكن تعال شووف الكامري والافالون والخرابيط اللي قلت عليها لاتفووتك النسبه عاااد وبالتوووفيق حبيت اوضح لك ...

ياعمي الهوندا والاكورد بالذات افضل من سياراتكم الاسترالية قال خربات قال :d

اقتباس:

---

المشاركة الأصلية كتبت بواسطة ali saleh

ياعمي الهوندا والاكورد بالذات افضل من سياراتكم الاسترالية قال خربات قال :d

---

الله يصلحك
ياخي ليش التهجم؟

انا سيارتي اكورد 2009

وشوف اخر موضوع لي قبل هذا , صلحت علبة الدركسون في الوكالة

بني محروق

انت لو شفت نسبة خرارات الافالون يمكن تنصدم

تخيل نسبة اعطال الافالونقليلة جدا ؟؟؟

الاكورد 1110 فقط للفرامل؟؟؟؟؟؟؟ والله قوية ياهوندا

هذه صفحة الافالون شوف اعطالها

Toyota Avalon Problems & Complaints | ToyotaProblems.com

وهذي نسبة الكامري

Toyota Camry Problems & Complaints | ToyotaProblems.com

لكن شوف الاكورد هنا
ترى والله بجد مصيبة كبيرة

Honda Accord Problems & Complaints | HondaProblems.com

عنوان الموضوع لك عليه

ممكن سؤال ياصاحب الموضوع هل واجهت مشكله في سيارتك او واجهت مشكله من الي في التقرير؟

نعم واجهت

الرجال تكلم عن مشاكل سيارة ،،،وماتكلم في شخصكم


الواحد اذا تكلم في هوندا يجيك واحد كأنك سبيت احد من اهله ،،


خونا واعين شوي بلاش نكذب على انفسنا


انا اشوف ان المشاكل عندنا بالسعودية تبدأ من تحت >>يعني نبدأ من علبة الدركسون وانت طالع


كلنا نملك هوندا ويهمنا المنتدى بس خلوا نتكلم بأريحية شوي

هونت اشتري هوندا اكورد للأسف مو ناقص خرابات + غاليه يا ليتها رخيصه

السلام عليكم

اخوووي ابو الامجاد وش رايك يالغالي تشوووف هذا الرابط اول

2011 Honda Accord Complaints, Problems & Defects Information | CarComplaints.com

ثاني شي وجهة نظر وانطرحت ليه معصبين ...

أنا مغير فحمات الوكاله ومرتاح على الآخر
أماميه سيراميك - خلفيه حالياً هنديه وكانت قبلها تايلنديه
<<< أشوف الهنديه أفضل في التماسك معنها أرخص ( 45 ريال :) )
أما المشكله الي قالولنا تعالو خطأ مصنعي ووبلاش نصلحه , أنا شايل هم أروح وما أرتاح بعدها لأني مقتنع بالنظام الحالي

*** وللمعلوميه
سويت تيست مع أحد الأعضاء نفس نوع سيارتي ونفس الكفرات ( فحماته وكاله الأماميه والخلفيه )
والنتيجه كانت لصالحي بفارق شاسع , لدرجة أننا بدلنا السيارات قلنا يمكن واحد يغش هههه ونفس النتيجه
المشكله أن في ناس تحسب كل شي من الوكاله هو الأفضل , وصحيح توجد أمور يفضل عملها في الوكاله
ولاكن هناك أمور أخرى قد يكون من الأفضل لك أن تجد جوده أعلى أو كفائه أفضل
<<< يفضل أستشارة أهل العقول أن كنت مالك جديد للسياره , فربما هناك أمور متعارف أنها الأفضل سواء في الوكاله أو ماركه من شركه أخرى بعينها , فخذ النصيحه مبكراً :)

اخوي هذي كل الشكاوي من كل الدول يعني معدل بسييييط جدا

مو معقوله كل ذي المشاكل من الهوندا
الهوندا بالعكس مع السيارات الثانيه يعني اقل مشاكل

اغلب الناس يقول معدل بسيط جداً لكن قارنها بأعطال الكامري او الافالون ....

ولاحظ ان اللي في هذا التقرير بس اللي اشتكوا شوف اللي ما اشتكوا امثالنا يا السعوديين :)


الهوندا سييييييييئه ووكيل اسوأ ودي اشتغل سب بس مابيه يسرق حسناتي زياده على فلوسي :)

المشاكل في هوندا قليلة مقارنة بالسيارات المنافسة

مشاكلها تنحصر في الفرامل ونظام الدركسون ومن موديل 2008 وفوق حلوا مشكلة الفرامل باعلانهم للعيب المصنعي

وبقى مشاكل الدركسون فقط وانا موديل 2007 ما خرب معي الا السنة هذه وحنا في 2011 واللي تغير فقط اصلاحات لطرمبة الدركسون لاني ما الف الدركسون للاخير وايضا اغير زيت الدركسون تماما بزيت جديد كل 30000 كيلو

صح أخوي فيه مشاكل في الأكورد لكن لما تقارنها بالكامري والسيارات الخرى من فئتها راح تلقى الأكورد هي الأفضل بينها لكن شوف الكامري وش حاصل فيها الماكينه وهي اهم شيء في السياره 1000 كلم وتزود علبه هذي موسياره هذي حاله بذمتك يا اخي سيارتي 2010 ماشيه 100000 كلم متر وزي الحلاوة
يا اخي مالك الا هوندا

ولله ياصاحب الموضوع من العنوان و نظرتك للهوندا المفروض تروح تبيعها علي طول وش إلي مصبرك

ابي اعرف وش اضرار علبه الدركسون او طرمبه الدركسون

يعني كيف ما فهمت ؟ الدرسكون يصير ثقيل ولا ايش ؟

لأني خلاص بعد ما تعرفت على خرابات الاكورد هونت اشتريها بس ابي اعرف ذا الخراب بالذات

اقتباس:

---

المشاركة الأصلية كتبت بواسطة zooz10

ابي اعرف وش اضرار علبه الدركسون او طرمبه الدركسون

يعني كيف ما فهمت ؟ الدرسكون يصير ثقيل ولا ايش ؟

لأني خلاص بعد ما تعرفت على خرابات الاكورد هونت اشتريها بس ابي اعرف ذا الخراب بالذات

---

مدام هونت خلاص لا تسأل خدلك كامري ممتازة قطعها قطع دايو
وتجميع وصناعه أسترالية

أنواع الأصوات والأزعاج في الديكور مع الأستخدام و المواد المستخدمه في الداخلية رديئة

وبالنسبة لعلبة الدركسون أيه يصير ثقيل مرررره أذا خرب

إنآ بصرآحه عندي إكورد ولآ عآنيت من علبة إلدركسون
لآن بصرآحه مآ أعبيه فل إعبيه إلنص بآ إلبآور إلآصلي إللي حق إلوكآله
وموديل إلآكورد 99
وعيب تشتموون في إلآكورد .. وإلله شيخت إلشآرع ثبآت ورزآنه ع إلآ أخر
قآل تيوتآ قآل بس هع هع يبآني إصلي
ونفس إلشي عند خويي 97 إكورد ونفس إلطريق بآور إصلي ونص إلعلبه نعبيه مو فل عشآن لآ تزيد وتخترب ..!
وعندي خويي بعد 2003 إكورد مآشي 500 وإلحمدإلله مآ ركب فيهآ غير زيته وقمآشآته و بوآجيه وإلآ فلآتر
يعني إلآشيآء إلستهلآكيه
يعني بصرآحه إلآكورد مركب وإنآ إشوفه بعيوني .. تخدم .. فآ إلشي إللي يخترب من سؤ إلآستخذم
بصرآحه هوندآ لآ تركب إلآ زيوته إلآصليه وإلآشيآء إلآصليه وهي تعيش معآك ..! تحيآتي لكم

اقتباس:

---

المشاركة الأصلية كتبت بواسطة ابو الأمجاد

نعم واجهت

---

ممكن تذكر

مع المشاكل .. تبقى الأكورد احسن من غيرها واقل مشاكل ..

واحد من الشباب شاري سياره بدون ذكر نوعها .. بس امريكيه :d.. المكيف عنده الدفع ضعيف جدا .. لازم يخليه على اعلى شي طول الوقت .. راح الوكاله بعد 5000 وقال لهم المشكله ..قاله المهندس الي استلم السياره .. من المصنع جايه كذا ولا تتصلح المروحه دفعها ضعيف لان ماتدور بسرعه .فانت لازم تخليه اعلى شي ويصير بارد ..

الأكورد ما شاء الله .. دقتين بس إلآ ربع ساعه صارت السياره بارده ما شاء الله .
وما خفي اعظم :d