السلام عليكم اخوانى
عندي مشكلة اول ما امشي بالسياره تجي لها حالة تقطيع وتحس الموتر يكتم
ثم ترجع طبيعه
والحاله هذي مو دايم تجي مره وعشر لا
عرض للطباعة
السلام عليكم اخوانى
عندي مشكلة اول ما امشي بالسياره تجي لها حالة تقطيع وتحس الموتر يكتم
ثم ترجع طبيعه
والحاله هذي مو دايم تجي مره وعشر لا
اول شي علشان لاتخسر نفسك
فيه دوا منظف بخاخات تحصله بأي محل قطع غيار او زينه تحطه في التانكي اذا العلامه مولعه وتعبي السياره بانزين وتمسكها خط طويل ويفضل تخلي القير d3 يكون الضغط معدي 3 علشان ينظف عدل وتمشي عليها لين يخلص البانزين
ثاني شي تفحص كمبيوتر عند اي محل لانه ممكن يكون حساس
ثالث شي تصفي السياره تغير بواجي تنظيف بخاخات تغير فلتر وفلتر طرمبه البانزين
وانشاء الله تختفي المشكله
البخاخات ماتحتاج تبديل انشاء الله
بس تتنظف وهي اللي تمسك البواجي
ولوتبدلها افضل مره وحده البواجي والبخاخات ينظفها اللي يبدلها لك
صفي السياره مره وحده وراح تفرق معاك
ضروري تنظف البخاخات لانها المسؤول عن ضخ البانزين للمحرك واذا كانت غير نظيفه تسبب التقطيع
وعليكم السلام
1) نظف فلتر الهواء
2) أصبر لا تعبي بنزين ألين تولع لمبة البنزين ... صب محلول ميتسوبيشي أصلي ياباني حق تنظيف نظام البنزين و البخاخات ( من وكالة ميتسوبيشي العلبه الصغيره بـ 38 ريال بعد الخصم ) .. تحتاج علبه واحد فقط ثم عب فل بنزين 95
ويفضل تمسك بها خط ( لكن ليس شرط يعني على راحتك ) ... بس انتبه من ساهر :mad:
.. واذا ولعت لمبة البنزين .. عب التانكي على النص ( اذا بتغير فلتر البنزين )
3) ثم غيّر :
فلتر بنزين سعره تقريبا 170 ريال من الوكاله .. واتوقع سعره أرخص بمحلات قطع الغيار ( شغل اليد تقريبا 100 ريال لأن الفلتر داخل تانكي البنزين )
فلتر هواء سعره تقريبا 110 من الوكاله .. واتوقع سعره أرخص بمحلات قطع الغيار ( شغل اليد ببلاش ركبه بنفسك أو اذا جيت تغير الزيت عند البنشري )
بواجي بـ 60 ريال من محلات قطع الغيار
سيارتك موديلها 2005 اربعه سلندر ؛ وسعر قطعها الإستهلاكيه ( فلاتر - بواجي - فحمات - الخ... ) نفس بعض 2003-2007
بتلاحظ فرق بالعزم والقوة والفزّه
واذا سيارتك أوتوماتيك غيّر زيت القير ( زيت قير + فلتر خارجي ) من الوكاله أصليه
بتلاحظ فرق بنعومة وأداء تعشيقات القير
مشكور اخوي ويعطيك العاافيهميتسوبيشي واذا رجعت الرياض
ان شاء الله وراي سفره السبت تقريبا 500 كيلو وبجرب المحلول حق
بغير البواجي وفلتر البنزين وفلتر هوا وان شاء الله يروح التقطيع
مع ان فيه مشكله بالسياره من قبل وفحصت وطلع لى حساس الاكسجين قبل شهر
لكن التقطيع ما طلع عندي الا من اسبوعين تقريبا