قولوا الحمدلله هي جات على هواء معكم ..صوت الهواء ما يسبب خطر لك
بس لو كنت تمشي والبريكات مو مضبوطة وتحس نفسكـ في وضع خطر وش تسوي !!
أنا واحد عندي أكورد سبيشل 2008 ماشية حتى الآن 78500 كيلو. طبعا من قبل من وقت فحص الـ 30000 كيلو غيرت الفحمات. وبعدها في فحص الـ 40000 كيلو في البريك أحس برجه في السيارة. وديتها لهم وقالوا يحتاج بس خرط للهبات وخرطوها. وفي فحص الـ 50 وديتها وقلت لهم المشكله قالوا نشوف وابشر. ويسوي لي خرط للهبات كمان. وترجع من جديد بعد 1000 كيلو تقريبا رجه وأوديها فحص 60 قلت لهم ترى ما صارت قال أنا بحاول مع الشركة انهم يغيروهم لك ومدري شنو. المهندس فلبن. المهم ويجيبها لي نفس الشيء بس خرط الهبات. قلت فحص الـ 70 بوديها البحرين وأحجز معهم ولما وديتها لهم قالوا ما تخلص نفس اليوم بس لو احتاجت خرط بنسويها لكـ بـ 50 دينار. قلت له غريبة احنا معنا ببلاش بالدمام بس أنا جايبها عشان تغيروا الهبات على الضمان. قال ما نغيرها على الضمان,هذه على حسابكـ .. قلت الدمام يغيروها على الضمان بس مدري وش فيهم يماطلون. قال عيل روح الدمام أحسن لك.
قلت فحص الـ 70 بتركه ووديها الخميس الماضي الدمام فحص 80 ألف. المهندس هالمرة سعودي وبصراحة قمة في الاحترام والتقدير وأنا أشكره بقووة. قال لي كم ماشيه قلت له 80 ألف قال كم موديلها .. قلت له 2008 .. قال ماشاء الله أول مرة تجيني سيارة 2008 ماشية كذا. المهم قال لي كيف البريكات معك؟ قلت له أزفت بريكات بسيارات العالم. قال ليه وش فيها؟ قلت له 4 مرات أجيبها لكم بسبب رجه بسبب الهوبات ويخرطوا الهبات وخلاص وترجع السالفة نفسها والحين وأنا أمشي بدون ما أضغط بريك أسمع صوت كل شيء رايح فيها وأنا أمشي 80 وأعطي بريك فيها رجه. قال خلاص نغيرها لك. قلت له أكيد مو مثل كل مرة. قال ايه نغيرها, أنا ما بدفع شيء ولا أنت دافع شيء, كلها على حساب اليابان. قلت الله جابه هه. المهم قال إذا خلصت اليوم بنعطيك خبر ولا ما بتخلص إلا السبت لاني موديها يوم خميس. المهم رحت استلمتها الأحد وهي خالصة أساسا من السبت وكل شيء أوك بس غير لي الفحمات كمان لكن على حسابي. أما الهبات على الضمان. ولو ما فيه مثل هالرجال كان الحين أنا من مدير إلى مدير وراهم عشان يتعلموا. زهقت من الفلبيني اللي كل مرة أروح له. بس والله ما يعزكـ إلا ولد بلدكـ. وعموما أنا مقتنع ان بريكات الأكورد تعتبر رديئة كثير بالنسبة لأنواع السيارات الثانية. يعني لا تحسب عليها كثير إلا وهي جايبة العيد. مالكـ إلا الألماني لو بغيت الراحة من كل هالعناء
اسف على الإطالة .. بس قلت أشارككم معاناتي
سلام
