عرض للطباعة
السلام عليكم
شباب انا واحد مااعرف شي اسمه وكالة
لكن اللحين نحتاج زيارة وحل كم مشكلة الكترونية (ابواب , المسجل الدمار )
سؤالي وهو وشلون شغل وكالة بريدة ؟! حقيقة مريت كم مره وطاحت من عيني قلت معصي سيارتي تجلس هنا مدري هل الوضع كذا دايم
بصريح العبارة هل تنصحوني ادخل موتري عندهم ولا لا واذا فيه ورشة محترمه في عنيزة او بريده مايمنع نزورهم
مشاكلي خفيفة لكن يمكن تصير على الضمان وتطلع علي ببلاش
موتري 2006
يعطيك العافية مسبقاً على التجاوب
نصيحه ما لك الا الوكاله
صحيح ورشة الوكاله ما عندك احد :mad:
بس مافيه بالقصيم ورشه عندها خبره بالهوندا
اللي سمعة من اكثر من واحد بالقصيم يقولون ان وكالة القصيم عبارة عن بنشري !!
تعال الرياض وشوف الشغل ..
والله يالغالي أنا من بريدة ...وأمر على الوكاله دايم ..بس ما إلا جيت أغير الزيت بس
بالنسبه للصيانة ..ما أنصحك فيهم ..أنصحك وكالات الرياض
طيب أنت وش اللي بسيارتك علشان ندلك إذا فيه ورش ؟؟
أما الوكالة الحمد لله ما عمري توهقت معهم :d
والله انك صادق :(اقتباس:
المشاركة الأصلية كتبت بواسطة كوكو كورد
الوكالة بالقصيم ف ا ش ل ة
بيض الله وجيهكم جيمع اخواني
هيمي 5.7
كوكو كورد
هـ ن ط 425 badoory
Classic Design
الشهاب
رايك كذا ياخيي وعلى قولك ماعندك احد من جد جابه واحد من العيال بالردود يقول بنشري هههههاقتباس:
نصيحه ما لك الا الوكاله
صحيح ورشة الوكاله ما عندك احد :mad:
بس مافيه بالقصيم ورشه عندها خبره بالهوندا
الله يعطيك العافيه
اقتباس:
اللي سمعة من اكثر من واحد بالقصيم يقولون ان وكالة القصيم عبارة عن بنشري !!
تعال الرياض وشوف الشغل ..
تقريباً بنشري على مواصفات بنشري بنقاليه
المشكلة مالي روحه للرياض قريب إلى اذا اطريت ودائماً احتاج الموتر بالسفر وزحمات الوكالات تخليني اهون
يامال العافيه على المرور
اقتباس:
والله يالغالي أنا من بريدة ...وأمر على الوكاله دايم ..بس ما إلا جيت أغير الزيت بس
بالنسبه للصيانة ..ما أنصحك فيهم ..أنصحك وكالات الرياض
ونعم والله بك ياغالي , الزيت محلول امره لو عند الباب :d البلا وانا اخوك بالصيانه وعلى اسمه هي وكالة يعني حتى الصيانة المفروض تكون توب وطاقم كامل متواجد في اوقات الدوام
يعطيك العافيه
اقتباس:
طيب أنت وش اللي بسيارتك علشان ندلك إذا فيه ورش ؟؟
اقتباس:
أما الوكالة الحمد لله ما عمري توهقت معهم
والله ياكلاسك هذي يبيله كتالوج وشرح وافي
الأبواب الأمامية صرت افتحهن يدوي تقل ددسن :d ومير يتعطل حق السواق وبعد كم يوم لحقه الراكب
لاريموت ولا داخلي ينفع بالمفتاح من خارج الباب بس
قضينا من هالمشكلة
المسجل طافي له 6 شهور او هي سنه مدري تعودت:d والمسجل افكه عادي بس من يصلحه لي الكترونياً لأن الدعوه مب تنظيف بس فاكه عشرطعش مره ومليت من فكه وقلت الرادو والـmp3رادوا يوفون بالمطلوب, مامريت احد انا قلت بينصبون علينا لكن اذا تعرف محل الكترونيات يضبطه علمن اودي له الجهاز بس
وإن دخلت السيارة الوكالة ابغير الفحمات وتربيط الصواميل هذا اضافات لو رحت الوكالة
اهم شي المشاكل الإلكترونيه الي فوق والهنادي حليله ماتحتاج شي اذا انت محافظ عليه
اقتباس:
الوكالة بالقصيم ف ا ش ل ة
فاشلـه بخمس نجمات وحاصلة على علامة طقها والحقها للفشـل والتخريب
مريت عليه انا مع اخوي جادعن موتره عند توكيلات الجزيرة يقول يوم دخل وين الصيانه ؟ مادرى ان الصيانه هالكبره ههههه تقل مغسلة سيارات
الموهيم ياشباب شكل التصويت صار لاتروح لهم
طيب ممكن ورشه او حل للمشاكل الي فوق تصبيره لين يفتح الله علي واروح حدا فروع الرياض
واي اضافة نقبل بها اصلن ماعندنا شي فاضين واهم شي الأخلاق
وكالة القصيم فاشله لابعد درجه
ولا انصحك تروح لغير الوكاله وماتدري يمكن الوكاله يصلحونها لك على الضمان
يعني اذا بغيت تروح رح لوكاله الرياض
اقتباس:
والله ياكلاسك هذي يبيله كتالوج وشرح وافي
الأبواب الأمامية صرت افتحهن يدوي تقل ددسن :d ومير يتعطل حق السواق وبعد كم يوم لحقه الراكب
لاريموت ولا داخلي ينفع بالمفتاح من خارج الباب بس
قضينا من هالمشكلة
المسجل طافي له 6 شهور او هي سنه مدري تعودت:d والمسجل افكه عادي بس من يصلحه لي الكترونياً لأن الدعوه مب تنظيف بس فاكه عشرطعش مره ومليت من فكه وقلت الرادو والـmp3رادوا يوفون بالمطلوب, مامريت احد انا قلت بينصبون علينا لكن اذا تعرف محل الكترونيات يضبطه علمن اودي له الجهاز بس
وإن دخلت السيارة الوكالة ابغير الفحمات وتربيط الصواميل هذا اضافات لو رحت الوكالة
اهم شي المشاكل الإلكترونيه الي فوق والهنادي حليله ماتحتاج شي اذا انت محافظ عليه
:eek::confused:
هذي مايبيلك وكالة
هذي سلمك الله أقرب حجز و على اليابان أنت وسيارتك للمصنع على طوووووووووول :d