الأكورد 2008 .. 4 سلندر

السلام عليكم ورحمة الله وبركاته


كيفكم . شباب ..؟

ان شاء الله بخيير


المهم ندخل بالموضوع


:confused:


تراني محتارر وابي رايكم

انا حجزت الاكورد فل 4 سلندر بـ 95000 :eek:

ودفعت العربون 500

وانا الحين موسوس 1000

اللي يلومني .. واللي يقول ماتسوى .. واللي يقول .. مافيها شي علشان هالقيمه

واللي يقول غاليه

واللي .. واللي ..... وانا ضايع بالطوشه

حتى ساعات اقول بسحب سيفون عالوكاله وحلال عليهم العربون كلها 500

وانا الحين محتار قولوا لي شسوي

ولا احد يقوللي اخذ سته لاني بالموت دبرت حق الاربعه وهذا حدي صراحه


بانتظار رايكم

كل واحد يحط روحه بمحلي ويقول وش بيسوي :mad:

ولاتبطون علي ترى بكرا او اللي بعدوا بتوصل من جده :)

تحياتي لكل من شررف وبيشررف موضوعي برده

مآعليـك من كلآم النآس انت اللي بتسوق مهوب هم .. اهم شي انت مرتآح لهآ ..

النآس مسوين فآهمين بس .. معليك انت توكل على الله وصل استخآره

يسلموو اخوي على مرورك


بس والله من جد يخلونك توسوس

قبل كل شي استخير ربك

وشوف الشي اللي مرتاح لها

ولاعليك من كلام الناس اهم شي انت تكون مرتاح له

وأنا اقولك السياره ماعليها كلام ماشاء الله تبارك الله

صحيح ينقصها بعض المواصفات لكن السياره بشكل عام :cool:

يسلمو اخوي

بس ماتشوف انها غاليه

أنا معك انها غاليه لكن وش تسوي

انا كنت محتار قبل بين اكورد التيما كامري

التيما شلتها من راسي من واقع تجربه

كامري مافي امل اخذها

اكورد قلت مافيه الا هي بالنسبه لفئتها فخامه وهيبه في نفس الوقت

الاكورد ما تعرف قيمتها الا اذا سقتها وجربتها

ابدااااع بالتصميم والقياده والجوده المستخدمه بالتصنيع

رساوه بالخطوط لا يعلى عليها

صرفيه بنزين منخفضه

Made In Japan 100%

ههههههههههههههههههههه يارجال بعد ماتشتريها كلهم بيخقون معك ويقولون تستاهل الـ95 واكثر


يارجال اي واحد مهوب بس انت اذا بغى يشتري سيارة يوسوسون فيه


وسع صدرك ولا عليك من احد

والله في حكمة انقالت في المنتدى
وصح اللسان قايلها.
(اكورد الجنوب)

انا مااعرفت معناها الا لما شريت الاكورد وصدقني رايح تعرف معنى الكلام كله

(هوندا التي تعمل بالخفاء كدبيب النمل لايعرفها الامن قادها ولا يقدرها الامن اقتناها )

خذها وتوكل على الله
اناا ما خذ وحده 94 فل كامل 4 سلندر
وماشالله عليها
وانا اقولك انها افضل من لالتيما والكامري
وإذا انت ناوى تطلع سياره خذ اكووورد وتوكل على اللي خلقك

اقتباس:

---

(هوندا التي تعمل بالخفاء كدبيب النمل لايعرفها الامن قادها ولا يقدرها الامن اقتناها )

---

فعلا كلآمـه صحيح ,


أخوي


أول شي استخـر ,


وبعدهـا بإذن الله تتسهـل الأموور لك ,


وألف مبرووك لك السيارهـ مقدمـا < بعد توفيق الله لكـ

قلي وش الخيارات الموجوده غير الاكورد بهالسعر ؟

وخلني اجيبها من قاصرها واقول لك يبي يجي على بالك الاريون ..

اسألك بالله رح اركبها بالوكاله وتفرج على داخليتها ..... كامري !

انا قبل لااهتم بالتصميم الخارجي اللي بيمتع عيون الناس اهتم بالتصميم الداخلي اللي يبي يمتع عيوني انا !

اة خن نقول الكابرس ls .. برضو رح شفها .. الكابرس اذا ماجت فل ss ولا رويال .. لاتاخذها .. وقس على اللومينا ..


قبل لاتقول سعر الاكورد غالي .. اسألك نفسك .. وش الخيارات المطروحة قدامي للحصول على افضل سيارة بـ 95 وتبي تلقى نفسك دايركت تركز على الاكورد !


على البركة .. ولاتخلي خثرقة العالم تفسد عليك فرحتك بسيارتك الجديدة ..

اذا بتسمع كلام الناس
عز الله ماشريت شي :d

توكل على الله وان شاء الله ماراح تندم :)

لقد كفو ووفو

ومادام قيمتها معاك فتوكل على الله


ولا يهمك الأسعار كلها نار



بالتوفيق واستخر ربك ,,

وش تبي بالاكورد
غالية و قطعها غيرها نااااااااااااار
خراباتها واجد
الورشات ما يعرفون لها


^^^^^^^^

انا لما جزمت اشري سيارتي اكورد 2007
3 ارباع البشرية اللي حولي يقولون نفس الكلام اللي فوق و زيادة

لكن لما شريتها و جربتها طلع كلام ثااااني و تعلقت فيها اكثر و اكثر و طلعت تسوى السعر و زيادة


فنصيحة اخووي لا تسمع لكلام الناس



و اولا وآخرا
عليك بالاستخارة لا اوصيك


و بالتوفيق و الله يكتب لك اللي فيه الاخير

السلام عليكم ورحمة الله وبركاته :
إن أسعار السيارات في السنتين الاخيرتين ارتفعت بشكل واضح ، وأن السيارات في هذا العام ارتفعت وسوف ترتفع في السنوات القادمة ، لذا لم تجد سيارة ذو مواصفات وقوة وصناعة يابانية 100 % غير الاكورد وبعض السيارات القليلة ، وأن سعر الاكورد في الفل 4 سليندر 2007 قيمتها 85000 ريال ، والاكورد 4 سليندر فل جلد بـ 95000 ريال ، لذا لا أرى الفرق الواسع بين المودليين .
إذاً توكل على الله وخذها حيث انها لاتعوض ، وألف مبروك مقدماً ، والله يعطيك خيرها ويكفيك شرها .
وأخيراً وليس اخراً ( ارضاء الناس غاية لاتدرك ) .

انا امس انهبلت لما شفت في معرض مكتوب عليه هوندا في مخرج 15 امام سوق المجد بشارع الميه بالرياض سعر الاكورد 92500 فل كامل جلد

^^^^


اعرفه هذا اللي اقول عنه .. على فكره يآ صآحب الموضوع هذآ رقم رآعي المحل



ابو طلآل : 0542813758

المخمل عنده بـ 88700 كآسره خلهآ 88

معليش يا شباااااااااااااااااااااااااااااب انا ابغا افهم شغله وحده انا اقول الأكورد تستاهل 95 ولا اقول شي


بس كل واحد وله عقل يعني باالله عليكم التيما 6 سرندل 2008 بنفس القيمه

قيمتها 95 الف يعني نفس القيمه ومكينه اقوى وصراحه الألتيما قامت تنافس الأكورد ومن زمان تنافسها

وبحيث انها حطت التشغيل با البصمه والبلوتوث

والكلام يا شبااب ما جبته من عندي انا اليووم بنفسي رايح وكاله نيسان الي في فرع الأحساء الي على شارع النفق

وقايلي بعد


ونا اقول يا صاحب الموضووع مدام انك دفعت قيمتها مقدم يا خوي اترك كلام الناس على جنب


وساامحوني على الاطاله

^
^

لو كانت المقارنة في المكينه فقط .. كنت شريت دباب خاطوف افضل لي :)

سعرها 95 الف ؟؟

السعر هذا اعتبره 75 قبل ثلاث سنوات

هي الامور كذا كلشي ارتفع

ريالك يالحبيب مدحدر

انا لفيت لفيت لفيت ورجعت افكر بالهوندا ولكن الى الحين ماشريت بس اعجبني كلام اخوي وهم

ودي يفيدني بسالفة ابو طلال اكثر لأني بحول الله هاليومين بآخذلي وحيده

اذا الاكورد 2008 الفل ما تستاهل هالقيمه 95000

أجل قلي بالله عليك وش الموتر اللي يستاهل هالقيمه ؟؟؟؟؟؟؟

أنت ما شفت الدعايه اللي تقول

كيف نعيش بلا هوندا <<<<<<< :)