ارجو الدخول لمن يريد ان يفيدني

السلام عليكم ورحمة الله وبركاته
هذا اول موضوع لي في هذا المنتدى العضيم صراحتاُ
وماودي اطول عليكم عندي 4 نقاط
النقطة الاولى انا شريت هوندا سبيشل ومشيت فيها 100كم وكل ماوقفت ابنزل من السيارة اشم ريحه في الكفارات كني ماشي وانا ساحب الجلنط افيدوني في هذي النقطه يالغالين والله ضروف عملي ماتسمح اني اروح للوكالة استفسر وكل ماتصلت عليهم صرفوني كني ماخذها مجاناً من عندهم.....


النقطة الثانيه ودي اضلل وش تنصحوني فيه زيبارت ولا في كول بالرغم ان الوكاله معطيني خصم على زيبارت 10% بس يبقى رايكم الاهم وكم اسعارهم.....


النقطة الثالثه الكشافات تنصحوني اركبها من الوكاله ولا برى وكم سعرها في الوكاله وهل عند الوكاله نور زنون وهل تنصحوني اركبه وكم سعره......

النقطة الرابعه صوت المسجل ضعيف وفيه مثل صوت الضجيج اذا عليت عليه وش الطلريقة لتصليحة...


واسف ع الاطاله وارجو منك مساعدتي
تقبلو خالص تحياتي
محبكم
ياسر

بسم الله الرحمن الرحيم

اقتباس:

---

انا شريت هوندا سبيشل ومشيت فيها 100كم وكل ماوقفت ابنزل من السيارة اشم ريحه في الكفارات كني ماشي وانا ساحب الجلنط افيدوني في هذي النقطه

---

اولاً الكفـرات جديده ومامشت شي .. ولو ظلّت الريحه بعد الـ 1000 كم يمكن تكون المشكله في الفحمات الخلفيه .. حقّة الهَـنْد بريك .. مشدوده شوي ..

اقتباس:

---

ودي اضلل وش تنصحوني فيه زيبارت ولا في كول بالرغم ان الوكاله معطيني خصم على زيبارت 10% بس يبقى رايكم الاهم

---

أنا اللي حاط سولار قارد
بـ 1600 ريال التظليل ضمان عشر سنوات + رش مانع صدأ أسفل السياره ضمانه 5 سنوات ..

اقتباس:

---

الكشافات تنصحوني اركبها من الوكاله ولا برى وكم سعرها في الوكاله وهل عند الوكاله نور زنون وهل تنصحوني اركبه وكم سعره

---

أكيد عندهم زينون وكشّافات .. بس مادري عن اسعارها بالضبط :confused: ..

اقتباس:

---

صوت المسجل ضعيف وفيه مثل صوت الضجيج اذا عليت عليه وش الطلريقة لتصليحة...

---

يمكن بسبب الأكيـاس اللي فوقها ..
شيل الأكياس وجرّب ..

ولو ماراح الصوت ... أجل المشكله بنفـس النظام الصوتي (( سواء المسجل او السماعات ))



:)
تحياتي

يعطيك الف عافيه اخوي ماقصرت بالنسبه لسولار قارد فيه فروع في الرياض له وهل عنده الترميل

8888888888888888888888888888

والله مادري إن كان لهم فرع بالرياض ..

أهل الرياض يفيدونك انشاء الله :)

بس الحمايه من الترميـل .. للأسف ماهي موجوده عنهم .. :(

لكـن نسيت أبين لك نقطه ..
يحطّون طبقه شفافه بلاستيكيه غير مرئيّه على الاسطابات الأماميه لحمايتها من العج :) ..
يعني حمايه الانوار + حمايه الصدأ + العازل الحراري
كل هذا بـ 1600 ريال :)

اقتباس:

---

المشاركة الأصلية كتبت بواسطة ajlanmf

النقطة الثانيه ودي اضلل وش تنصحوني فيه زيبارت ولا في كول بالرغم ان الوكاله معطيني خصم على زيبارت 10% بس يبقى رايكم الاهم وكم اسعارهم.....

ياسر

---

انا ما اقدر اقووول شي بعد كلام راعي السوناتا

بس بعطيك راي في التضليل

شوف عندك قمه الحمايه وفي قسم مخصص في المنتدى له
وادا مو مقتنع فيه انا مقتنع في ثنين وهم

زيبارت وهدا زين بس ما اتوقع لدرجت الي بقوله الثاني وزيبارت انا اكثر شي عجبني فيه الحمايه للسياره

في كووول ممتاز في العزل الحراري وانا اعرف واحد جربهم دول الاثنين ويقوول في كووول احسن وانا افضله هو من غيره وانشاء الله ادا اخت سياره بضلل من عنده

وانت اختار وتقدر تضلل نافده في كول ونافده زيبارت وشوف>>>امزح

:d:d:d

وصح نسيت ما اقووول الكشاافات انا افضل في الوكاااله بس ياخدو عليك على ما اعتقد 300 ريال للتركيب وتقدر تركبهم برا الوكاااله وادا انت من الرياااض اسال كوكوكورد وانشاء الله يفيدك بالمحلاااات

تحياتي لك

الاولى ماعتقد فيها شي طبيعي

الثانيه انصك زيبارت تقريبا بيطلعلك 1800 وكمان عندك جونسون ممتاز وماعرف بكم

الثالثه بالوكاله وسعرها قريب من 2000 ماعتقد نزل تجاري لسا

الرابعه ممكن من الاكياس الي على السماعه

النقطة الاولى انا شريت هوندا سبيشل ومشيت فيها 100كم وكل ماوقفت ابنزل من السيارة اشم ريحه في الكفارات كني ماشي وانا ساحب الجلنط افيدوني في هذي النقطه يالغالين والله ضروف عملي ماتسمح اني اروح للوكالة استفسر وكل ماتصلت عليهم صرفوني كني ماخذها مجاناً من عندهم.....
طبيعي اول الايام تشم ريحه للمواد لانها جديده يعني لا توسوس

النقطة الثانيه ودي اضلل وش تنصحوني فيه زيبارت ولا في كول بالرغم ان الوكاله معطيني خصم على زيبارت 10% بس يبقى رايكم الاهم وكم اسعارهم.....
يا رجال اول يومين ظللها من ابو 80 ريال وبعدين فتره رح ظلل من الشركات :d << ما اعرف والله اي شركه حلوه

النقطة الثالثه الكشافات تنصحوني اركبها من الوكاله ولا برى وكم سعرها في الوكاله وهل عند الوكاله نور زنون وهل تنصحوني اركبه وكم سعره......
الكشافات يا طويل العمر اشترها من الوكاله وركبها برا لانهم ياخذون 300 للتركيب وهي شغله 10 دقايق <<مركبها هو وكوكو كورد
النقطة الرابعه صوت المسجل ضعيف وفيه مثل صوت الضجيج اذا عليت عليه وش الطلريقة لتصليحة

حاول تتعبث باعدادات المسجل لين يضبط معك :d

النقطة الثانيه ودي اضلل وش تنصحوني فيه زيبارت ولا في كول بالرغم ان الوكاله معطيني خصم على زيبارت 10% بس يبقى رايكم الاهم وكم اسعارهم.....
صديقي انا مظلل في كول بـ 1350ريال ينطح ريال بعد الخصم وانا اشوفه جيد ...... الامامي 01 والباقي 02 والفتحة 00 يعني السيارة تبرد في اقل من دقيقة بعد تشغيل المكيف

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

النقطة الثالثه الكشافات تنصحوني اركبها من الوكاله ولا برى وكم سعرها في الوكاله وهل عند الوكاله نور زنون وهل تنصحوني اركبه وكم سعره......
زي ماقال المسافر

تحياتي لك وبالتوفيق يااااارب

أمير